Gawa 9:1-31 - "From Terrorist to Evangelist"

From Terrorist to Evangelist (Part 13)
Scripture: Gawa 9:1-31
Itinuro ni Pastor Arnel Pinasas
Mula sa aklat ni Tony Merida na "Christ Centered Exposition" - Exalting Jesus in ACTS

Gawa 9:1-31

1 Samantala, patuloy ang pagbabanta ni Saulo na maipapatay ang mga alagad ng Panginoon. Lumapit siya sa Pinakapunong Pari ng mga Judio 2 at humingi ng mga sulat para sa mga sinagoga sa Damasco upang madakip niya at madala sa Jerusalem ang sinumang lalaki o babae na matagpuan niya roong kaanib sa Daan ng Panginoon.

3 Naglakbay si Saulo papuntang Damasco, at nang siya'y malapit na sa lungsod, biglang kumislap sa paligid niya ang isang nakakasilaw na liwanag mula sa langit. 4 Natumba siya sa lupa at narinig niya ang isang tinig na nagsasabi, “Saulo, Saulo! Bakit mo ako inuusig?”

5 “Sino kayo, Panginoon?” tanong niya.

“Ako si Jesus, ang iyong inuusig,” tugon ng tinig sa kanya. 6 “Tumayo ka't pumasok sa lungsod, at doo'y sasabihin sa iyo kung ano ang dapat mong gawin.”

7 Natigilan at hindi makapagsalita ang mga kasama ni Saulo nang marinig nila ang tinig ngunit wala naman silang makitang nagsasalita. 8 Tumayo si Saulo at pagmulat niya ay hindi siya makakita, kaya't siya'y inakay ng mga kasama niya at dinala sa Damasco. 9 Hindi siya nakakita sa loob ng tatlong araw at hindi rin siya kumain ni uminom.

10 Sa Damasco ay may isang alagad na ang pangala'y Ananias. Tinawag siya ng Panginoon sa pamamagitan ng isang pangitain, “Ananias!”

“Ano po iyon, Panginoon,” tugon niya.

11 Sinabi ng Panginoon, “Pumunta ka sa kalyeng tinatawag na Tuwid, sa bahay ni Judas, at ipagtanong mo ang isang lalaking taga-Tarso na ang pangala'y Saulo. Siya'y nananalangin ngayon. 12 Sa isang pangitain, nakita ka niyang pumasok sa kinaroroonan niya at pinatungan mo siya ng kamay upang siya'y makakitang muli.”

13 Sumagot si Ananias, “Panginoon, marami na po akong nabalitaan tungkol sa taong ito at sa mga kasamaang ginawa niya sa inyong mga hinirang sa Jerusalem. 14 At naparito siya sa Damasco, taglay ang kapangyarihang galing sa mga punong pari ng mga Judio, upang dakpin ang lahat ng tumatawag sa iyong pangalan.”

15 Ngunit sinabi sa kanya ng Panginoon, “Pumunta ka roon, sapagkat siya'y pinili ko upang ipakilala ang aking pangalan sa mga Hentil, sa mga hari, at sa mga anak ng Israel. 16 Ipapakita ko sa kanya ang lahat ng dapat niyang tiisin alang-alang sa akin.”

17 Pumunta nga si Ananias sa naturang bahay at pumasok dito. Ipinatong niya ang kanyang mga kamay kay Saulo at sinabi niya, “Kapatid na Saulo, pinapunta ako rito ng Panginoong Jesus na nagpakita sa iyo sa daan nang ikaw ay papunta rito. Isinugo niya ako upang muli kang makakita at upang mapuspos ka ng Espiritu Santo.” 18 Noon di'y may nalaglag na tila mga kaliskis mula sa mga mata ni Saulo at nakakita siyang muli. Tumayo siya at nagpabautismo. 19 Kumain siya at nagbalik ang kanyang lakas.

Si Saulo'y ilang araw na kasa-kasama ng mga alagad sa Damasco. 20 At agad siyang nangaral sa mga sinagoga na si Jesus ang Anak ng Diyos. 21 Nagtaka ang lahat ng nakarinig sa kanya. “Hindi ba ito ang dating umuusig doon sa Jerusalem sa mga tumatawag sa pangalan ni Jesus?” tanong nila. “Hindi ba't naparito nga siya upang sila'y dakpin at dalhing nakagapos sa mga punong pari?”

22 Ngunit lalong naging makapangyarihan ang pangangaral ni Saulo at walang maisagot ang mga Judiong naninirahan sa Damasco sa kanyang pagpapatunay na si Jesus ang Cristo.

23 Pagkaraan ng maraming araw, nagkaisa ang mga Judio na patayin si Saulo. 24 Araw at gabi ay inaabangan nila si Saulo sa mga pintuang-bayan para patayin, ngunit nalaman niya ito. 25 Kaya't isang gabi, inilagay siya ng kanyang mga alagad sa isang basket at ibinabâ sa kabila ng pader.

26 Pagdating ni Saulo sa Jerusalem, sinikap niyang mapabilang sa mga alagad doon. Ngunit silang lahat ay takot sa kanya dahil hindi sila makapaniwalang isa na siyang alagad. 27 Subalit dinala siya ni Bernabe sa mga apostol at isinalaysay nito sa kanila kung paano nagpakita at nakipag-usap ang Panginoon kay Saulo nang ito'y nasa daan papunta sa Damasco. Sinabi rin ni Bernabe na buong tapang na nangaral sa Damasco si Saulo sa pangalan ni Jesus. 28 Kaya mula noon, si Saulo'y kasa-kasama na nila sa buong Jerusalem, at buong tapang na nangangaral doon sa pangalan ng Panginoon. 29 Nakipag-usap din siya at nakipagtalo sa mga Helenista, kaya't tinangka nilang patayin siya. 30 Nalaman ito ng mga kapatid kaya't inihatid nila si Saulo sa Cesarea at pinauwi sa Tarso.

31 Kaya't ang iglesya sa buong Judea, Galilea at Samaria ay naging mapayapa at matatag. At patuloy silang namuhay na may takot sa Panginoon, at sa tulong ng Espiritu Santo ay lumago sila.

Pangunahing ideya ng pag-aaral:

            Sa isang dramatikong pagpapakita ng mabiyayang pagliligtas ng Diyos, itinala ni Lucas ang marahil na pinakasikat na pagkaligtas sa kasaysayan ng iglesya: ang pagkaligtas ni Saulo ng Tarsus.

Outline ng ating pag-aaral:

I. Saul’s Epic Transformation (9:1-19a)
A. The risen Jesus confronts Saul (9:1-9)
B. The risen Jesus commissions Saul (9:10-19a)

II. Saul’s Early Trials (9:19b-31)
A. In Damascus: Astonishment, conspiracy, and escape (9:19b-25)
B. In Jerusalem: Suspicion, conspiracy, and escape (9:26-30)
C. Peace in the midst of trials (9:31)

            Naaalala ko ang kwento ng aking asawa na kung saan ay may meron daw syang Tito na kapag nalasing ay kinakatakutan nang buong barangay dahil ito ay nagwawala at nanghahabol ng itak. Pero sa biyaya ng Diyos ay nakakilala siya sa Panginoon at ngayon ay isa nang Pastor sa kanila.

            Alam kong marami rin kayong alam na kwento na tulad nito na mga taong dating mga masasama pero binago ng Diyos nang sila ay sumampalataya kay Jesus. Ito ay nagpapaalala sa atin na walang sinumang napakasama na hindi kayang abutin ng mapagbiyayang pagliligtas ng Diyos. Mababago ng Diyos ang pinakamatitigas na makasalanan, ang pinakamasamang lalaki at babae, at gawin silang dakilang mga ambassador ng kaharian. Ang ganitong pagbabago ay tinatawag na conversion.

            Sa Gawa 9 mababasa natin ang marahil ang pinakatanyag na conversion sa kasaysayan ng Kristiyanismo. Ang conversion ni Saulo ng Tarsus ay isa talaga sa pinaka imortanteng pangyayari—bukod sa muling pagkabuhay ni Jesus—sa kasaysayan ng mundo. Ang pagbabalik-loob ni Saulo ay may malaking papel sa pagsulong ng kaharian sa mga bansa at mga siglo.

            Itinataas ng talatang ito ang ating pananaw sa kapangyarihan ng Diyos na magbalik-loob, at ipinapaalala rin nito sa atin ang iba't ibang pagsubok na kasama ng mga mananampalataya habang sinisikap nilang sundin ang Diyos na tumubos sa kanila.

I. Saul’s Epic Transformation (9:1-19a)

            Isinalaysay ni Lucas ang conversion ni Saulo dito sa Gawa 9. Nang maglaon, sa Gawa 22, muling ikinuwento ito ni Pablo sa mga tao sa templo at pagkatapos ay muli kay Haring Agripa sa Gawa 26. Pinaliwanag din niya ang pagbabagong biyaya ng Diyos sa ibang mga talata, kabilang ang Roma 1:1 -5; 1 Corinto 15:8-10; Galacia 1:11-24; Filipos 3:4-11; at 1 Timoteo 1:12-17 . Binago ng pangyayaring ito ang lahat para sa lalaking ito.

A. The risen Jesus confronts Saul (9:1-9)

            Ang talatang ito ay nagsisimula sa matinding pag-uusig ni Saulo sa iglesya. Hindi siya kontento sa pag-uusig lamang sa mga mananampalataya sa Jerusalem (Gawa 8:3); ang kanyang kampanya ay umaabot hanggang Damasco (Gawa 9:1-2; tingnan ang Gawa 26:11). Tanging ang pagdanak ng mas maraming dugo ang makakapagbigay ng satisfy sa kanyang labis na pagkamuhi sa mga Kristiyano. Nais niyang puksain ang bawat bakas ng Kristiyanismo. Ang mga warrant of arrest na natanggap niya mula sa mataas na pari, na nagpapahintulot sa kanya na arestuhin ang mga mananampalataya, ay nagpuno sa kanya ng pag-asa na ang ibang Kristiyano ay malapit nang maharap ang kapalaran na katulad ng kay Esteban.

            Ang pinakaunang mga tagasunod ni Kristo ay malamang na gumamit ng titulong “ang Daan” batay sa mga salita ni Jesus, na tinukoy ang Kaniyang sarili bilang “ang daan, ang katotohanan, at ang buhay” (Juan 14:6; tingnan ang Gawa 19:9, 23; 22:4; 24:14, 22). Si Saulo, sabi ng teksto, ay umaasa na mapuksa mga lalaki at babae na kabilang sa “Daan” habang siya ay patungo sa hilaga patungo sa Damasco. Ngunit may nangyari sa kanyang paglalakbay. Inaresto ng muling nabuhay na Kristo si Saulo. Isang liwanag na kumakatawan sa nakabubulag na kaluwalhatian ng Diyos (Ikumpara sa Lucas 2:9) kumikislap sa paligid ng mang-uusig. Tulad ng mga propeta na tinawag sa pamamagitan ng pangitain ng Diyos maluwalhating liwanag, kaya ang taong ito ay nakaharap ngayon sa Banal. Nangyari ang tagpong ito bandang tanghali (tingnan ang Gawa 22:6), ngunit ang sikat ng araw sa tanghali ay nilamon ng mas malaking liwanag. Dahil sa trauma, bumagsak si Saulo sa lupa.

            Tulad ng maraming indibidwal sa Lumang Tipan, tinawag si Saulo sa pangalan. Pagkatapos, habang nagtataka siya kung kaninong tinig ang kanyang naririnig, ginulat siya ni Jesus sa pamamagitan ng pagkilala sa kanyang sarili bilang nagsasalita (tal. 5). Inakala ni Saulo na siya ay nasa isang matuwid na misyon na puksain ang mga tagasunod ng Taong ito, ngunit ngayon ay nanginginig na siya sa lupa sa harap ng nakabubulag na kaluwalhatian ni Kristo, at nalaman niyang nasa maling pangkat siya. Nalaman ni Saulo na ang pag-usig sa iglesya ay pag-uusig kay Jesus. Ang Panginoon ay nagpapakilala sa kanyang bride – ang iglesya. Ang kanilang ay isang kamangha-manghang ugnayan.

            Pagkatapos ay inutusan ng muling nabuhay na Panginoon si Saulo na pumunta sa lungsod upang makatanggap ng karagdagang mga instruction (mtal. 5-6). At dahil din sa pangyayaring ito si Saulo ay hindi nakakita, kumain, o uminom sa loob ng tatlong araw (tal. 9).

            Nasira ang pananaw ni Saulo sa mundo. Ang isang bago ay malapit nang pumalit sa lugar nito. Pinakumbaba ni Jesus ang mayabang at marahas na lalaking ito, isang terorista at ginawang ebanghelista. Ang mapagmatuwid sa sarili na mang-uusig ay malapit nang maging apostol na Christ-centered.

B. The risen Jesus commissions Saul (9:10-19a)

            Nakaraan nakilala natin si Ananias sa Gawa 5 na pinarusahan ng Diyos ng kamatayan pero kabaligtaran ang Ananias na pinakilala sa talata 10 na isang tapat na Kristiyano na nakatakdang tanggapin si Saulo sa piling ng mga disipulo (Ikumpara sa Gawa 22:12). Noong una ay sinabihan siya ng Panginoon na puntahan si Saulo, tumutol si Ananias. Dahil kilala si Saulo sa kanyang marahas na mga gawa sa Jerusalem, at alam ni Ananias ang intensyon ni Saulo sa Damasco. Ang Panginoon, gayunpaman, ay pinapakalma ang takot ni Ananias; inilalarawan niya ang ganap na bagong pagkakakilanlan at layunin ni Saulo. Mapapatunayang totoo ang salita ng Diyos. Sa mga kasunod na kabanata si Saulo—na malapit nang makikilala bilang Pablo—ang susuguin sa “mga Gentil, mga hari, at mga Israelita.” Siya ay maghihirap nang husto alang-alang kay Kristo; siya ay makakaranas ng paglubog ng barko, sisiraan, makukulong, at mas malala pa sa mga ito.

            Pinuntahan nga ni Ananias si Saulo, ipinatong ang kanyang kamay sa naghihintay na si Saulo, at sinabing, “Kapatid na Saulo . . .” (tal. 17). Nangangahulugan ito na ang unang salitang narinig ni Saulo mula sa taong ito, ang tagasunod na ito ng Daan, ay “kapatid.” Anong kaaliwan! Tiyak na sa sandaling iyon ay hindi lamang natanggap ni Saulo ang kanyang bagong pagkakakilanlan ngunit nakilala niya na kay Kristo ay nakatanggap din siya ng isang bagong pamilya. Ang pagiging tagasunod ni Jesus ay pagkakaroon din ng isang bagong pamilya ng mga kapatid sa pananampalataya.

            Pagkatapos ay iniulat ni Ananias kung bakit siya naparito: Si Saulo ay muling makakakita at mapuspos ng Espiritu. At ganoon lang, boom! Nagbago ang lahat. Biglang nakakakita muli si Saulo at nabautismuhan (mtal. 18-19). Isipin mo! Si Saulo ng Tarsus, na dating hinamak si Kristo at ang kanyang iglesya, ay inilibing na kasama ni Kristo sa bautismo at itinaas upang lumakad sa panibagong buhay. Mula sa puntong ito, siya ay na-identify na kay Kristo at sa mga tao ni Kristo. Kaya ang kalaban ay naging apostol na. Hindi na siya corrupt kundi malinis na, hindi na kaaway ng iglesya kundi bahagi na ng pamilya. Anong biyaya!

            Sinabi ni Pablo na ang kanyang conversion ay isang “halimbawa” ng nagliligtas na biyaya at awa ni Jesus (1 Timoteo 1:16). Bagama't kakaiba ang kanyang conversion at pagkomisyon, maaari pa rin tayong matuto ng ilang mga aral tungkol sa lahat ng mga conversion sa pamamagitan ng pag-aaral na ito.

a. Salvation is by God’s amazing grace

“Ngunit dahil sa kagandahang-loob Niya, ako'y naging isang apostol, at hindi naman nawalan ng kabuluhan ang kaloob Niyang ito sa akin. Katunayan, nagpagal ako nang higit kaysa sinuman sa kanila, subalit hindi ito dahil sa sarili kong kakayahan kundi dahil sa kagandahang-loob ng Diyos na nasa akin.” (1 Corinto 15:10)

           Sa halip na patayin si Saulo doon sa daan sa Damascus, ipinakita sa kanya ni Jesus ang hindi maipaliwanag na biyaya (1 Timoteo 1:16). Nang maglaon, si Saulo ay naging isang theologian ng biyaya, na nagsulat ng mga nakamamanghang talata tungkol sa kalikasan ng kaligtasan (Ikumpara sa Efeso 2:1-10). Ang Diyos ang unang umabot sa mga tao at iyan ang Magandang Balita ng ebanghelyo. Wala si Saulo sa paghahanap ng kaligtasan; siya ay nasa isang misyon upang usigin ang mga Kristiyano! Ngunit inaresto ng Diyos si Saulo sa pamamagitan ng kanyang sovereign grace (Ikumpara sa Galacia 1:13-16).

b. All conversions involve a life-changing encounter with Jesus Christ

            Nangyayari ang conversion sa ilan sa madramang pangyayari, ngunit sa iba naman ay tahimik itong nangyayari. Sa Gawa 16 makikita natin doon ang dramatikong conversion sa isang bilangguan. Nagpadala ang Diyos ng lindol, at pagkatapos ay nagtanong ang lalaki, "Ano ang dapat kong gawin upang maligtas?" (Gawa 16:30). Gayunpaman, meron ding kuwento sa Gawa, isang babaeng nagngangalang Lydia na na-convert sa tahimik na pangyayari. Narinig lang niya ang ebanghelyo, tapos ang Diyos binuksan ang kanyang puso dito, at siya ay nagsisi at naniwala (Gawa 16:14-15). Ang dalawang indibidwal ay parehong binago pagkatapos ng tagpo nila kay Jesus.

c. All conversions involve a surrender to Jesus Christ

            Mapagpakumbaba sumuko si Saulo sa soberanong Panginoon. Ipinakumbaba ni Jesus si Saulo sa pamamagitan ng pagpapakita sa kanya ng katotohanan, na ang pagkabuhay-muli ay totoo. Ang Jesus na ito, na minsang inakala ni Saulo na isang huwad, ay nagpakita ng Kanyang sarili sa kapangyarihan. Pinakumbaba din ni Jesus si Saulo sa pamamagitan ng pagbulag sa kanya, na naging dahilan para itong matigas na taong ito ay akayin. At lalo pa siyang pinakumbaba ni Jesus sa pamamagitan ng pagpapadala sa kanya sa Damascus upang maghintay ng mga tagubilin. Ang lahat ng ito ay nakakatulong kay Saulo na matanto na hindi siya ang namamahala kundi ang Hari. Pagsuko lang ang kanyang pagpipilian.

d. While one may not have the same blinding experience as Saul, the metaphor of blindness to sight, darkness to light, applies to every Christian theologically.

            Inilalarawan ng pagkabulag ni Saulo ang espirituwal na kadiliman at kamangmangan na kinabubuhayan niya, ngunit ipinakita sa kanya ng Diyos ang kaluwalhatian ng katotohanan tungkol kay Kristo. Isinulat ito ni Pablo sa mga taga-Corinto:

2 Corinto 4:4-6
“4 Hindi sila sumasampalataya sapagkat ang kanilang isip ay binulag ng diyos ng kasamaan sa daigdig na ito, upang hindi nila makita ang liwanag ng Magandang Balita tungkol sa kaluwalhatian ni Cristo na siyang larawan ng Diyos. 5 Hindi namin ipinapangaral ang aming sarili, kundi si Cristo Jesus bilang Panginoon. At kami ay lingkod ninyo alang-alang kay Jesus. 6 Sapagkat ang Diyos na nag-utos na magkaroon ng liwanag sa gitna ng kadiliman ay siya ring nagbigay liwanag sa aming isip upang makilala namin ang kaluwalhatian ng Diyos na nahahayag sa mukha ni Cristo.”

            Bagama't inakala ni Pablo na siya ay matuwid (Filipos 3:6), ang totoo ay lumalakad siya sa espirituwal na kadiliman hanggang sa arestuhin siya ni Jesus at binago siya. Kung inilipat ka ng Diyos mula sa kadiliman at tungo sa kaharian ng Kanyang minamahal na Anak, kung gayon ang iyong puso ay dapat na pumupuri sa Kanya.

Colosas 1:13-14
“3 Iniligtas Niya tayo sa kapangyarihan ng kadiliman at inilipat sa kaharian ng Kanyang minamahal na Anak. 14 Sa pamamagitan Niya ay napalaya tayo, samakatuwid ay pinatawad ang ating mga kasalanan sa pamamagitan ng Kanyang dugo”

e. Sincerity alone doesn’t save

            Si Saulo ay tunay na naniniwala na siya ay matuwid. Ang lahat ng kanyang mabubuting gawa, ang lahat ng kanyang maingat na pagsunod sa panuntunan ay walang halaga. Sa ating kultura meron tayong ganitong maririnig na payo, “Hindi mahalaga kung ano ang iyong pinaniniwalaan, maging taos lamang ito sa iyong puso, ” pero dapat hindi tayo dapat mahulog sa mga salitang ito. Si Saulo ay taos-pusong mali tungkol kay Jesus at sa daan ng kaligtasan, tulad ng marami ngayon. Kaya nasabi ni Pablo sa Roma 10:1-4 na,

“1 Mga kapatid, ang pinakananais ng puso ko at idinadalangin ko sa Diyos ay ang maligtas ang Israel. 2 Sapagkat saksi ako na sila'y masigasig na maging kalugud-lugod sa Diyos. Hindi nga lamang batay sa tamang kaalaman. 3 Dahil hindi nila kinilala ang pamamaraan ng Diyos upang gawing matuwid ang tao, at nagsikap silang gumawa ng sarili nilang pamamaraan; hindi sila nagpasakop sa pamamaraang itinakda ng Diyos. 4 Sapagkat si Cristo ang kaganapan ng Kautusan, upang ituring na matuwid ng Diyos ang sinumang sumasampalataya sa Kanya.

            Kaya naniniwala ako na maraming tao ang mapupunta sa impyerno na mababait. Dapat magtiwala ang tao na Si Kristo lamang daan sa kaligtasan Sabi nga sa Gawa 4:12,

“Sa Kanya lamang matatagpuan ang kaligtasan, sapagkat walang ibang pangalan sa buong daigdig na ibinigay ng Diyos sa mga tao upang tayo ay maligtas.”

f. Conversion involves the receiving of the Spirit

            Kung paanong tinanggap ni Saulo ang Espiritu, gayon din ang bawat Kristiyano na tunay na nagsisi at bumaling kay Kristo para sa kaligtasan. Si Saulo ay nagpatuloy sa pagsulat ng marami tungkol sa pakikilahok ng Espiritu sa buhay ng mga Kristiyano (Halimbawa sa Roma 8:9-17).

g. God can save the worst of sinners

            May ilan siguro ang nagsasabi na kung meron mang mga tao na may pinakamaliit na posibilidad na magbalik-loob sa pananampalataya kay Jesus iyan ay walang iba kundi ang mga terorista. Ngunit ang kuwentong ito ay pinabulaanan ang pag-iisip na ito. Isipin nyo na para itong isang pinuno ng teroristang grupong ISIS na na-convert at pagkatapos ay nangangaral kay Kristo sa kanyang mga dating jihadist. Hindi ba ito magiging kapansin-pansin? Gayunpaman, narito si Saulo, na minsang sinisira ang iglesya, “Pinarusahan ko sila sa lahat ng mga sinagoga upang piliting talikuran ang kanilang pananampalataya. Sa tindi ng poot ko'y inusig ko sila kahit sa mga lungsod sa ibang bansa,” (Gawa 26:11), ay biglang nagsimulang mangaral tungkol kay Jesus dahil nakuha ni Jesus ang kanyang puso. Huwag mag-alinlangan sa kapangyarihan ng Diyos na baguhin ang pinakamasama sa mga makasalanan. Manalangin kahit para sa kaligtasan ng mga terorista o pinakamasamang taong kilala nyo. Walang imposible sa Diyos.

h. When you become a new person, you also receive a new purpose

            Lahat ng mga Kristiyano ay isinugo sa misyon na ipangaral ang Mabuting Balita sa mga bulag sa espirituwal at sabihin sa mga makasalanan kung paano mahahanap ang kapatawaran (Gawa 26:16-18). Si Saulo ay hinirang hindi lamang para sa kaligtasan, kundi para din sa misyon. Napakaraming mga Kristiyano ang nag-uubos ng oras sa pagtatalo sa mga non-essential doctrine pero hindi kailanman nagbabahagi ng Mabuting Balita sa mga naliligaw na tao. Kasama ng pribilehiyong makatanggap ng kaligtasan ang responsibilidad ng paggawa ng marami kay Jesus sa salita at gawa sa sirang mundong ito. At kapag ibinabahagi natin ang Mabuting Balita, makatitiyak tayo na may mga taong sasagot ng “oo.” Kung ikaw ay isang Kristiyano, ikaw ay isang piniling instrumento sa mga kamay ng Diyos na gagamitin para sa misyon (Ikumpara sa Efeso 3:7-10).

i. Conversion involves receiving a new family.

            Bilang mga Kristiyano tayo ay nakikibahagi sa misyon ni Kristo na ipakilala Siya sa pamamagitan ng pakikipagtulungan. Hindi nga magtatagal ay makikita na nating si Saulo ay magsusulat ng ilang magagandang paalala tungkol sa katawan ni Kristo na naglilingkod kay Kristo at sa isa't isa matapat (Ikumpara sa 1 Corinto 12).

            Ang pinakahuling tanong ng talatang ito sa ating lahat: “totoo bang nakaranas na ako ng conversion?

               Tayo rin ay maaaring (at dapat) makaranas ng personal na pakikipagtagpo kay Jesu-Kristo, sumuko sa Kanya sa pagsisisi at pananampalataya, at tanggapin ang Kanyang tawag sa paglilingkod. Ang nangyari kay Saulo ay tunay na nagbibigay ng aral sa atin tungkol sa Christian conversion. Bukod dito, ang pagpapakita ni Kristo ng “walang limitasyong pasensya” para sa kanya ay sinadya upang maging isang nakapagpapatibay na "halimbawa" sa iba.

            Muli ang tanong ay, sumuko ka na ba kay Kristo sa pagsisisi at pananampalataya, na tinanggap ang Kanyang panawagan sa serbisyo o paglilingkod? Kung gayon, hayaan ang biyaya ng Diyos na pasiglahin ka habang nabubuhay ka sa misyon. Iniligtas ng Diyos ang mga makasalanan, at nais Niyang maabot ang iba sa pamamagitan mo. Magalak ka!

            Kung hindi ka pa sumuko sa Kanya, gawin mo na ngayon. Hindi mo magagamit ang dahilan na iyon na ikaw ay masyadong masama o kahit na umaasa sa lahat ng iyong mga pagsisikap sa relihiyon para makamit mo ang iyong kaligtasan. Tingnan mo si Saulo! Ikaw rin ay tamang kandidato para sa biyaya.

II. Saul’s Early Trials (9:19b-31)

            Hindi kailanman ipinangako ni Jesus kay Saulo na magiging madali ang kanyang ministeryo, kaya hindi nagulat si Saulo nang humarap siya sa mga pagsubok pagkatapos ng conversion niya. Hindi nagtagal ay naging pattern na ng kanyang buhay ito: Si Saulo ay nangaral kay Kristo nang buong tapang; Si Saulo ay naging target ng mga banta ng pagpatay; Nakatakas si Saulo. Kaya malamang ang sinabi sa kanya ng mga nauna sa kanya na naghirap alang-alang kay Kristo ay, “welcome to the club!”

A. In Damascus: Astonishment, conspiracy, and escape (Gawa 9:19b-25)

            Sa puntong ito sa Gawa, si Saulo ay may bagong pamilya at isang bagong mensahe (mtal. 19-20). Siya ay sumailalim sa isang total transformation! Laging sinasabi ni Saulo sa lahat ang tungkol sa kung sino ang nagbago sa kanya—si Jesus, ang Anak ng Diyos (tal. 22). Ang taong ito ay naging isang ganap na bagong tao sa pamamagitan ng gawain ni Kristo. Ang buong ministeryo ni Saulo ay ang pagdakila kay Kristo mula simula hanggang wakas.

            Lahat ay “namangha” sa pagbabago ni Saulo. Siya ay nagpalaki ng kalituhan sa Jerusalem, na umuusig sa lahat ng tumatawag sa pangalan ni Jesus (tal. 21; ikumpara sa 1 Corinto 15:9; Galacia 1:13, 23; 1 Timoteo 1:13).

            Sa paglipas ng panahon makikita natin sa talata 22 na si Saulo ay “lalong naging makapangyarihan ang pangangaral at walang maisagot ang mga Judiong naninirahan sa Damasco sa kanyang pagpapatunay na si Jesus ang Cristo.” Ito ay tila tumutukoy sa espirituwal na lakas. Patuloy na binigyan ng Diyos ng kapangyarihan si Saulo na magpatotoo sa Mabuting Balita ng ebanghelyo. Di-nagtagal, ang ministeryo niya ay nagsimulang biguin ang mga Hudyo sa Damascus dahil hindi nila malabanan ang kanyang mga pangaral tungkol kay Jesus bilang ang Kristo. Ganito din yung nakita natin nakaraan na nangyari sa kaso ni Esteban: “Ngunit hindi nila kayang salungatin ang karunungang kaloob ng Espiritu kay Esteban.” (6:10). Si Saulo, sa katunayan, ang pumalit kay Esteban (mtal. 22-23), at hindi nagtagal ay nahaharap din siya sa banta ng kamatayan. Hindi hinayaan dito ng Panginoon na ang pakana ng pagpatay ay magtagumpay; sahalip marami siyang gawain na dapat gawin bilang apostol. Ang mga bersikulo 24-25 ay nagdetalye ng mala-Indiana Jones na pagtakas ni Saulo.   

            Ang pagsunod kay Jesus ay hindi madali, ngunit Siya ay kasama natin. Sapat na ang biyaya ni Jesus. Sa 2 Corinto, binanggit ni Pablo ang maraming pagsubok na kanyang tiniis habang sinunod niya si Kristo. Ang kabanata 11 ng aklat na iyon ay nagtatapos sa pagtakas mula sa Damascus. Sinabi niya:

23 Sila ba'y mga lingkod ni Cristo? Mas mabuti akong lingkod ni Cristo kaysa kanila. Para akong isang baliw na nagsasalita ngayon. Higit ang aking pagpapagal kaysa sa kanila; mas maraming beses akong nabilanggo, hinagupit nang napakaraming beses, at madalas na nabingit sa kamatayan. 24 Limang beses akong tumanggap ng tatlumpu't siyam na hagupit mula sa mga Judio; 25 tatlong ulit kong naranasang hagupitin ng mga Romano, at minsang pinagbabato. Tatlong beses kong naranasang mawasak ang barkong aking sinasakyan, at minsa'y buong araw at gabi akong lulutang-lutang sa dagat. 26 Sa malimit kong paglalakbay, nalagay ako sa iba't ibang panganib: sa mga ilog, sa mga tulisan, sa aking mga kababayan at sa mga Hentil; mga panganib sa lungsod, sa ilang, sa dagat, sa mga huwad na kapatid. 27 Naranasan ko rin ang labis na hirap at pagod, malimit na pagpupuyat, at matinding gutom at uhaw. Naranasan ko ang ginawin ngunit wala man lamang maibalabal. 28 Bukod sa lahat ng ito ay araw-araw kong pinapasan ang mga alalahanin para sa lahat ng mga iglesya. 29 Kapag may nanghihina, nanghihina rin ako, at kapag may nahuhulog sa pagkakasala, labis ko itong ikinagagalit.

30 Kung kailangan kong magyabang, ipagyayabang ko ang mga bagay na nagpapakita ng aking kahinaan. 31 Hindi ako nagsisinungaling. Alam iyan ng Diyos at Ama ng Panginoong Jesus. Purihin siya magpakailanman! 32 Nang ako'y nasa Damasco, ang pintuan ng lungsod ay pinabantayan ng gobernador na nasasakop ni Haring Aretas upang ipahuli ako. 33 Ngunit isinakay ako sa isang malaking kaing, pinadaan ako sa butas sa pader at ibinabâ sa kabila upang ako'y makatakas.
(2 Corinto 11:23-33)

            Ang mga sinabing ito ni Pablo ay nagbigay sa atin ng katotohanan na ang pamumuhay sa isang makasalanang mundo ay mahirap, at ang pagsunod kay Jesus sa makasalanang mundo ay nagsasangkot ng higit pang pagdurusa. Sabi nga sa 2 Timoteo 3:12, “Gayundin naman, ang lahat ng nagnanais mamuhay nang matuwid bilang tagasunod ni Cristo Jesus ay daranas ng mga pag-uusig.” Kaya't huwag kang magtaka kapag nahaharap ka sa mga pagsubok at oposisyon para sa pagpapahayag kay Kristo.

            Ang mga salita ni Pablo ay nagpapaalala rin sa atin na sa gitna ng mga pagsubok ay maaari pa rin tayong umasa at magalak sa lubos na biyaya ni Jesus. Sa susunod na kabanata ng 2 Corinto, ipinahayag ni Pablo ang mismong katotohanang ito—na ang kapangyarihan ni Kristo ay nagiging ganap sa mga kahinaan:

2 Corinto 12:9
Ganito ang kanyang sagot, “Ang kagandahang-loob ko ay sapat na para sa iyo, sapagkat lubusang nahahayag ang aking kapangyarihan kapag ikaw ay mahina. Kaya't buong galak kong ipagmamalaki ang aking mga kahinaan upang manatili sa akin ang kapangyarihan ni Cristo.”

Kaya't lumapit kay Jesus upang mapalakas ng biyaya.

2 Timoteo 2:1
“Kaya nga, anak ko, magpakatatag ka sa tulong ng kagandahang-loob ni Cristo Jesus.”

            Panghuli, ang patotoong ito ni Pablo ay nagpapaalala sa atin na walang sinuman ang makahahadlang sa mga plano ng soberanong Panginoon. Ni ang gobernador ng lungsod o ang maraming iba pang mga tao ay hindi maaaring mahuli si Pablo dahil si Jesus ang namamahala at hindi papayagan silang magtagumpay. Sa gitna ng ating mga pagsubok, tandaan na iisa lamang ang Panginoon. Mamuhay nang may pagtitiwala sa Kanya.

B. In Jerusalem: Suspicion, conspiracy, and escape (9:26-30)

            Sa Jerusalem ang mga Kristiyano na nakatanggap ng mga ulat tungkol sa pagbabalik-loob ni Saulo ay puno ng hinala. Hindi sila agad naniwala. Nang sinubukan niyang sumama sa mga alagad, natakot sila sa kanya at hindi man lang naniwala na siya ay tagasunod na ni Kristo (tal. 26).

            Dito pumasok sa kwento si si Bernabe na tinawag na “Son of encouragement.” Sa kabutihang palad, pinakinggan niya si Saulo at nagtiwala sa kaniyang kuwento. Pagkatapos ay tinulungan ni Bernabe si Saulo sa pagsalaysay sa mga apostol sa lahat ng naunang pagbabagong pangyayari sa buhay ni Saulo (tal. 27) at pinatunayan ito para sa kanya. Dahil sa pagtulong ni Bernabe, tinanggap ng mga alagad si Saulo bilang isang kapatid.

            Dalawang beses sinabi ni Lucas na si Saulo ay nangaral nang “matapang sa pangalan ng Panginoong Jesus” (mtal. 27-28). Batay sa ilan sa mga isinulat ni Pablo, hindi natin dapat sabihin na ang katapangang iyon ay dahil ito ang kanyang personalidad. Totoo, siya ay isang masigasig na tao. Ngunit sinabi ng dating mang-uusig sa mga taga-Corinto na ang kanyang pangangaral ay may kasamang pakiramdam ng “kahinaan,” “takot,” at pagtitiis ng “labis na panginginig” (1 Corinto 2:3) – “Noong ako'y nariyan, ako'y nanghihina at nanginginig sa takot.” Hiniling ni Pablo sa mga iglesya sa Efeso at Colosas na ipanalangin siya upang maipangaral niya ang ebanghelyo nang walang takot (Efeso 6:19-20; Colosas 4:3-4). Ito ay isang paalala na ang katapangan, para sa lahat ng mananampalataya, ay isang regalo ng Diyos, na nagbibigay nito sa mga mapagpakumbabang humihiling sa Kanya. Ito yung panalangin na nakita natin nakaraan sa Gawa 4:29, 31:

“29 At ngayon, Panginoon, tingnan ninyo, pinagbabantaan nila kami. Bigyan ninyo ng katapangan ang inyong mga alipin upang ipangaral ang inyong salita.

31 Pagkatapos nilang manalangin, nayanig ang kanilang pinagtitipunan. Silang lahat ay napuspos ng Espiritu Santo at buong tapang na nangaral ng salita ng Diyos.”

            Hilingin natin sa Diyos na ipagkaloob sa atin ang katapangan na ito habang ipinakikilala natin si Kristo.

            Sa Mga Gawa 9:29, nakikipagtalo si Saulo sa mga Helenista—isang grupo na nauna na nating nakita sa Gawa 6:9 sa paglilitis kay Esteban. Malamang na si Saulo ay isang pinuno sa sinagoga na nagsasalita ng Griego. Ngayon ay nakikipagtalo siya tungkol kay Jesus sa mga lalaking nagtiwala sa kanyang pamumuno dati!

            Bilang resulta ng matapang na pangangaral ni Saulo, nahaharap siya sa parehong problemang kinaharap niya sa Damascus: naging puntirya siya ng mga taong ito na nagpaplanong patayin siya (tal. 29). Pinapunta siya ng kanyang mga kapatid na Kristiyano sa Tarsus (tal. 30), na bayan ni Saulo (21:39; 22:3). Sa Gawa 11:25-26 ay pinuntahan siya dito ni Bernabe upang puntahan nila ang iglesya sa Antioquia kung saan unang tinawag ang mga mananampalataya na Kristiyano (ikumpara sa Galacia 1:21).

            Binibigyang-diin ng talatang ito ang likas na katangian ng pagiging saksi at isang paalala ng kahalagahan ng pagiging tagapagpalakas ng loob o encourager sa ibang mga mananampalataya. Tungkol sa nauna, binibigyan tayo ni Saulo ng huwaran para sa isang tapat na patotoo. Una ang mga tapat na saksi ay mga Christ Centered. Si Saulo ay nagpapatuloy sa pangangaral kay Kristo, hindi siya nagsasalita tungkol sa kanyang sarili o nagbibigay ng ilang sermon kung paano-mamuhay-ng-mas mahusay na buhay. Pangalawa, ang mga tapat na saksi ay binibigyan ng kapangyarihan. Napalakas si Saulo sa pamamagitan ng kanyang personal na relasyon kay Kristo (tal. 22). Pangatlo, ang isang tapat na saksi ay matapang (mtal. 27-28). Ikaapat, ang isang tapat na saksi ay magdurusa. Manalangin tayo sa Panginoon na bigyan tayo ng kapangyarihan upang ipahayag si Kristo nang buong tapang kahit sa harap ng pagdurusa.

            Tungkol sa pangangailangang pasiglahin ang iba pang mga kapatid, si Bernabe, ay muling nagbigay sa atin ng isang kahanga-hangang halimbawang dapat tularan. Gusto ko kung paano sinabi ni Lucas sa talata 27 yung, “Subalit dinala siya ni Bernabe.” Sinasabi nito sa atin na si Bernabe ay gumugol ng panahon kasama si Saulo. Nakinig siya. Hinikayat niya. Siya ay tumayo para sa kanya. Kinaibigan niya ito. Nang maglaon ay kinuha niya si Saulo at naglingkod sa tabi niya. Ang mga pamumuhunan na ginawa ng taong ito ay nagsasangkot ng oras, panganib, at pagpapakumbaba. Siya ay tunay na napuno ng biyaya. Gumawa ka ng mga paraan kung papaano ka magiging isang Bernabe sa ibang mga mananampalataya sa linggong ito.

C. Peace in the midst of trials (9:31)

            Inilipat ni Lucas ang buong kwento ng Gawa sa buod na ito:

Kaya't ang iglesya sa buong Judea, Galilea at Samaria ay naging mapayapa at matatag. At patuloy silang namuhay na may takot sa Panginoon, at sa tulong ng Espiritu Santo ay lumago sila. (Gawa 9:31).

            Sinasabi nito sa atin na kahit na ang iglesya ay humarap sa maraming pagbabanta at pagsubok sa labas, makakaranas parin ito ng malaking kapayapaan sa loob. Nararanasan natin ang kapayapaan sa pamamagitan ng tamang relasyon sa Diyos sa pamamagitan ni Kristo. Kasama sa relasyong ito ang paglalakad kasama ang Espiritu at mapagpakumbaba na lumakad sa harapan ng Diyos na dapat katakutan. Kapag tayo ay lumalakad nang mapagpakumbaba, may panalangin, at umaasa, makakatagpo tayo ng kapayapaan—kahit na tayo ay nasa panahon ng krisis.

            Bilang karagdagan sa pagtatamasa ng mga espirituwal na pagpapalang ito, ang iglesya ay dumami ayon sa bilang. Ipinagpatuloy ni Jesus ang pagtatayo ng Kanyang iglesya sa kabila ng mga balak na pagpatay at mainit na oposisyon. Parehong ang pagbabalik-loob ni Saulo at ang paglago ng iglesya ay nagpapakita ng kamangha-manghang biyaya ng Diyos. Pareho itong nagbibigay sa atin ng dahilan upang magbigay ng papuri sa Diyos.

            Ang buhay ni Saulo ay hindi nabago bilang resulta ng karma o pagtingin sa loob o dahil sinunod niya ang isang plano sa pagtulong sa sarili. Ang kanyang mga pagsunod sa listahan ng mga tuntunin sa relihiyon ay kulang. Si Jesus ang nagpabago kay Saulo at maging Pablo. Binago siya ni Jesus magpakailanman. Kaya kung gusto mong magsimulang muli, tumingin kay Jesus, ang Tagapagbago ng Buhay. Sa Kanya ay may pag-asa para sa lahat. Kaya Niyang gawin ang lahat ng bagay na bago.

______________________________________________________

Discussion:

Pagbulayan:

1. Ano ang tinuturo sa atin ng conversion ni Saulo patungkol sa pagbabahagi ng Magandang Balita?           

2. Ano ang tinuturo sa atin ng conversion ni Saulo patungkol sa kaligtasan?

3. Papaano natin mararanasan ang tunay na kapayapaan kahit sa gitna ng maraming pagsubok?

Pagsasabuhay:

1. Gumawa ng hindi lalagpas sa limang minuto na patotoo tungkol sa iyong kaligtasan. At ibahagi ito sa iyong grupo. Makakatulong ito para maging tulay sa pagsisimula mong maibahagi ang Magandang Balita sa iba.

2. Papaano ka makakatulong sa mga bagong mananampalataya upang sila ay lalong tumatag sa pananampalataya at lumago?

3. Ipanalangin na bigyan ka ng katapangan na ipahayag si Kristo kahit sa harap ng pagdurusa.

Panalangin:
Ipanalangin na tulungan kang maisabuhay ang natutunan.

 

Gawa 8:26-40 - "How Ordinary People Live on Mission"

How Ordinary People Live on Mission (Part 12)
Scripture: Gawa 8:26-40
Itinuro ni Pastor Arnel Pinasas
Mula sa aklat ni Tony Merida na "Christ Centered Exposition" - Exalting Jesus in ACTS

Gawa 8:26-40
26 Pagkatapos, sinabi ng isang anghel ng Panginoon kay Felipe, “Pumunta ka sa gawing timog sa daang mula sa Jerusalem papuntang Gaza.” Halos hindi na iyon dinadaanan ngayon. 27 Pumunta nga doon si Felipe. Samantala, isang eunuko na pinunong taga-Etiopia, na ingat-yaman ng Candace, reyna ng Etiopia, ang nagtungo sa Jerusalem upang sumamba 28 at pauwi na noon, nakasakay sa kanyang karwahe at nagbabasa ng aklat ni Propeta Isaias. 29 “Sabayan mo ang sasakyang iyon,” utos ng Espiritu kay Felipe. 30 Kaya patakbong lumapit si Felipe at narinig niyang binabasa ng pinuno ang aklat ni Propeta Isaias. Tinanong ni Felipe ang pinuno, “Nauunawaan ba ninyo ang inyong binabasa?”

31 Sagot naman nito, “Paano ko mauunawaan ito kung walang magpapaliwanag sa akin?” At si Felipe ay inanyayahan niyang sumakay sa karwahe at umupo sa kanyang tabi. 32 Ito ang bahagi ng kasulatang binabasa niya:

“Siya ay tulad ng isang tupang dinadala sa katayan; tulad ng isang korderong hindi tumututol kahit na gupitan. At hindi umiimik kahit kaunti man. 33 Siya'y hinamak at pinagkaitan ng katarungan. Walang sinumang makapagsasalaysay tungkol sa kanyang angkan, sapagkat kinitil nila ang kanyang buhay.”

34 Nagtanong kay Felipe ang pinuno, “Sabihin mo nga sa akin, sino ba ang tinutukoy dito ng propeta? Sarili ba niya o iba?”

35 Simula sa kasulatang ito ay isinalaysay sa kanya ni Felipe ang Magandang Balita tungkol kay Jesus. 36 Nagpatuloy sila sa paglalakbay, at dumating sa isang lugar na may tubig. Kaya't sinabi ng pinuno, “Tingnan mo, may tubig dito! Mayroon bang hadlang upang ako'y bautismuhan?” 37 Sinabi sa kanya ni Felipe, “Maaari, kung sumasampalataya ka nang buong puso.” Sumagot ang pinuno, “Sumasampalataya ako na si Jesu-Cristo ang Anak ng Diyos!”

38 Pinatigil ng pinuno ang karwahe, lumusong silang dalawa sa tubig at binautismuhan siya ni Felipe. 39 Pagkaahon nila sa tubig, si Felipe ay kinuha ng Espiritu ng Panginoon at hindi na siya nakita pa ng pinuno. Ang pinuno ay tuwang-tuwang nagpatuloy sa paglalakbay. 40 Namalayan na lamang ni Felipe na siya'y nasa Azoto. Mula roon, ipinangaral niya ang Magandang Balita tungkol kay Jesus sa lahat ng bayang dinaraanan niya hanggang sa marating niya ang Cesarea.

Pangunahing ideya ng pag-aaral: 

            Sa talatang ito makikita natin ang isang paglalarawan ng nagliligtas na biyaya ng Diyos sa mga mga bansa habang tinutulungan ni Felipe ang isang lalaking eunuko na pinunong taga-Etiopia na maunawaan ang mabuting balita tungkol kay Jesus mula sa Bibliya.


Outline ng ating pag-aaral:

I. Love People with God-Centered, Christlike Love (8:26-40).

II. Yield Daily to the Spirit’s Guidance (8:26-31).

III. Understand and Explain the Good News to People (8:32-40).

A. Be prepared to explain the good news.
B. Consider using questions as you explain the good news.
C. Expect God to work as you explain the good news.

            Naalala ko noong namanhikan kami ng mga magulang ko sa lugar ng aking asawa sa Palawan, nang kami ay pauwi na sakay ng barko pa Manila ay manakita akong matandang babae na may malaking bukol sa leeg. Tinitignan ko siya at sa hindi ko mapaliwanag na kadahilanan ay bumaba ako sa aking higaan at nagsimulang kausapin siya at tanungin siya sa kalagayan niya. Pagkatapos nito ay nag share ako ng Gospel sa kanya at ipinanalangin. Ang nakakatawa dito kahit ako ay nagulat sa ginawa ko dahil kilala ko ang sarili ko at alam kong mahiyain ako. Pero naging malakas ang udyok ng Panginoon sa puso ko para gawin ito. Alam kong ang Diyos ang nag-ayos ng tagpo naming iyon, maging sa puso ko – isang bagay na magagawa din Niya sa bawat buhay ng mga Kristiyano. At ito ay nagsisilbing dakilang paalala na ang mga banal na tagpong tulad nito ay maaaring naghihintay sa bawat isa sa atin. Dapat natin itong hanapin.

            Maaaring mangari ito habang ikaw ay nag-aantay ng masasakyan, habang namimili, habang kumakain sa labas, namamasyal, o anuman ang ginagawa mo, dapat kang maging handa sa mga pagkakataong makapagbahagi ng ebanghelyo. Ang Panginoon ng buong sanlibutan ay nag-aalay ng kaligtasan, at madalas Niyang ginagamit ang mga ordinaryong pag-uusap upang ipakita ang kaluwalhatian ng biyaya Niya sa mga hindi mananampalataya. Tayo, sa katunayan, ay mga Kristiyano ngayon dahil may nagbahagi ng Mabuting Balita sa atin, kaya't mamuhay tayo nang may pagkasensitibo sa mga nakakaharap natin. Maaaring gamitin ng Diyos ang bawat isa sa atin para akayin ang marami pa sa Kanya.

            Muli sa talatang ito makikita natin ang isang paglalarawan ng nagliligtas na biyaya ng Diyos sa mga mga bansa habang tinutulungan ni Felipe ang isang lalaking eunuko na pinunong taga-Etiopia na maunawaan ang mabuting balita tungkol kay Jesus mula sa Bibliya. Nagkomento si John Stott sa dobleng kabutihan ng Diyos sa kwentong ito:

Ang katotohanan ay binigyan tayo ng Diyos ng dalawang kaloob, una ang Kasulatan at ikalawa mga guro upang buksan, ipaliwanag, ipalawakin at ilapat ang Kasulatan. Ito ay kahanga-hangang itala na ang paglalaan ng Diyos sa buhay ng Etiopian, una ay ang magkaroon siya ng kopya ng isinulat ni Isaias at pagkatapos ay ipinadala si Felipe upang magturo siya mula dito. (The Message of Acts, 161)

            Sa katunayan, ang kabaitan ng Diyos ang umaakay sa atin sa pagsisisi. Ang Diyos sa Kanyang biyaya ay nagbibigay ng isang kopya ng Kasulatan sa taong ito, at pagkatapos ay inayos Niya ang pagdating ng isang guro na maaaring makapagpaliwanag nito sa kanya. Ang buong kuwentong ito ay nagpapaalala sa atin sa kwentong makikita natin sa Lucas 24, kung saan si Jesus—na nagpakita bilang isang estranghero sa pangyayaring iyon —nakipagkita Siya sa ilang manlalakbay at ipinaliwanag sa kanila ang Lumang Tipan, ginamit ito upang ituro ang katotohanan na Siya ang Mesiyas.

            Mayroong ilang iba pang mga aspeto sa kuwentong ito na hindi natin maaaring palampasin. Sa mga kabanata 8–10 mababasa natin ang pagtaas ng antas ng paglahok ng Espiritu.  Nakita natin nakaraan ang ginawa ng Espiritu sa “Pagbaba ng Espiritu sa mga sumampalatayang Samaritano” (8:17). Dito sa kuwento ng pagkakaligtas ang gawain ng Espiritu ay mas malinaw.

            Mahalaga rin ang pandaigdigang kalikasan ng alok ng Diyos ng kaligtasan. Ang Gawa 8 ay isang paglalarawan ng Dakilang Utos at ng atas ni Jesus sa mga alagad sa 1:8. Ang iglesya ay sumusulong na sa ibang mga lugar at naging bahagi nga nito ang pangangaral ni Felipe. Ang kanyang patotoo sa Ethiopian na ito ay nahahalintulad sa maraming paraan sa kuwento ni Cornelius sa kabanata 10. Ang Ethiopia ay itinuturing na “katapusan ng sanlibutan” ng mga Griego at Romano, at ni Felipe ang saksi sa mga Samaritano at sa Etiopia ay walang alinlangan na paunang patikim ng pagkumpleto ng natapos na misyon ni Kristo na mababasa sa Pahayag 7:9:

“Pagkatapos nito'y nakita ko ang napakaraming tao na di kayang bilangin ninuman! Sila'y mula sa bawat bansa, lipi, bayan, at wika. Nakatayo sila sa harap ng trono at ng Kordero, nakadamit ng puti at may hawak na mga palaspas.”

            Sa pangwakas, hindi natin dapat palampasin ang regalong makita ang isang alipin na gumagawa. Tandaan na una nating nakita si Felipe sa Gawa 6 na kabilang sa pitong maka-Diyos na lalaki na inatasan sa gawain ng pag-aalaga para sa mga balo. Matapos natin siyang nakita na kusang-loob na naglilingkod sa kasong iyon, ngayon ay nakita naman natin siya na mabisa ring nangaral ng ebanghelyo. Ang Diyos ay patuloy na gumagamit ng mga mapagpakum-babang mga lalaki at babae na lumalakad at nakikibahagi sa pamamagitan ng kapangyarihan ng Espiritu tulad ng ginawa ni Felipe upang magawa ang hindi pangkaraniwang bagay.

            Sa Gawa 8:26-40 makikita natin si Felipe na isinasabuhay ang misyon ng Diyos. Tandaan natin na si Felipe ay kasama sa iba pang mga Kristiyanong nagkalat dahil sa pag-uusig na tumulong sa pagtupad sa plano ng Diyos sa paggawa ng mga alagad sa labas ng Jerusalem (mtal. 1-4; ikumpara sa 1:8). Pagkatapos ay isinulat ni Lucas ang ulat ng pangangaral ni Felipe sa mga kinasusuklaman na Samaritano (mtal. 5-25). At dito naman makikita natin si Felipe sa disyerto, na sumusunod sa pagtawag ng Espiritu muli. Siya ay binigyan ng banal na utos na bumangon at pumunta sa timog (tal. 26), na sinusundan ng isang banal na nakaplanong pagtatagpo sa isang karwahe (tal. 27-31). Sa pagsunod sa patnubay ng Espiritu, sinamantala ni Felipe ang isa pang pagkakataon para sa pagbabahagi ng banal na mensahe, ang ebanghelyo (tal. 32-35). Nagreresulta ito sa isang himala ng pagbabagong loob (tal. 36-38). Pagkatapos nito ay sinundan ito ng gawain ng ebanghelyo ni Felipe naman sa Azotus at Caesarea (tal. 39-40; cf. 21:8).

            Kaya ano ang mapupulot nating mga ordinaryong Kristiyano sa kwentong ito tungkol sa pamumuhay sa misyon ng Diyos? Tignan natin ang tatlong pagsasabuhay.

I. Love People with God-Centered, Christlike Love (8:26-40).

            Bukas ang puso ni Felipe sa lahat ng uri ng tao, at sinasalamin niya ang puso ng Diyos. Sa Gawa 6 makikita natin siya na nag-aalaga sa mga balo tulad ng pag-aalaga ng Diyos sa kanila (cf. Awit 146:9). Pagkatapos sa Gawa 8 ay ipinakita niya ang isang pag-ibig na tulad ng kay Kristo para sa hinahamak na mga Samaritano kahit na ang mga tao ay itinuturing na sila ay mga maruruming makasalanang mga tao (cf. Juan 4). Pagkatapos, sa ating teksto, ipinakita niya ang pag-ibig ni Kristo sa mga bansa sa pamamagitan ng pangangalaga dito sa lalaking Ethiopian na may paggalang. Ipinakita ni Felipe ang pag-ibig hindi lamang para sa karamihan (mtal. 6-8), ngunit para din sa mga indibidwal (mtal. 26-40)—sa iba't ibang uri at grupo, ibang mga antas, at maging ang mga may iba't ibang pananaw sa relihiyon.

            Ano ang ginagawa ng isang mabuting misyonero? Nagmamahal sa mga tao. Pag-abot sa kabila ng mga hadlang.

            Ihambing natin si Felipe kay Jonas. Ang pagiging makasarili ni Jonas ay ginawa siyang nag-aatubiling misyonero. Sa kasamaang palad, ang espiritu ni Jonas ay present parin hanggang ngayon sa maraming nagsasabing sila ay Kristiyano. Marami ang nahihirapang mahalin ang mga Muslim, Budista, yaong may partikular na kulay ng balat, o yaong mula sa ilang uri ng lipunan. Sikapin nating sundin o gayahin ang magandang halimbawang iniwan sa atin ni Felipe sa halip na si Jonas.

            Paano tayo lalago sa ating pagmamahal sa iba? Kailangan nating pagnilayan ang krus at lumakad sa pamamagitan ng Espiritu. Tungkol sa nauna, tandaan natin na mahal tayo ni Kristo noong hindi tayo kaibig-ibig. Walang sinuman sa atin ang karapat-dapat sa kaligtasan ni Jesus, at higit pa pag-isipan natin kung sino si Kristo at kung ano ang ginawa Niya para sa atin, lalo nating magagawang mahalin ang mga tao tulad ng ginawa ni Felipe. Pagkatapos ay makakayanan na nating mahalin ang mga pinakamaliit, ang mga huli, ang mga nasa kawalan, at kahit na ang ating mga kaaway. Tungkol sa Espiritu, tandaan na ang pag-ibig ay bunga ng Espiritu (cf. 1 Corinto 13; Galacia 5:22-23). Sa Gawa 6 isa sa mga marka ng mga piniling kalalakihan ay

sila ay puspos ng Espiritu. Ang resulta ng katotohanang ito ay isang tulad ni Cristo na pagmamahal para sa mga tao. Kaya naman, araw-araw, pagnilayan natin ang krus, at hilingin natin sa Diyos na punuin tayo at sariwain kasama ng Kanyang Espiritu upang mahalin natin ang mga taong nakasentro sa Diyos, tulad ng pag-ibig ni Kristo.

II. Yield Daily to the Spirit’s Guidance (8:26-31).

            Ang mga lumalakad ayon sa Espiritu ay sensitibo sa pangunguna ng Diyos. Ang unang kumilos sa kwentong ito ay hindi mapag-aalinlanganan na ang Diyos. Isang anghel ng Panginoon ang dumalaw kay Felipe sa isang pangitain at tinawag siya upang magpatotoo sa isang hindi na dinadaanang lugar (tal. 26). Itinuro Niya sa kanya ang ilang sa timog. Sinabi Niya sa kanya na iwanan ang revival na nangyayari sa Samaria upang magtungo naman siya sa disyerto.

            Ang tinatawag na Ethiopia noong mga panahong iyon ay tumutugma sa tinatawag nating rehiyon ng Upper Nile. Ito ay umabot sa humigit-kumulang mula Aswan hanggang Khartoum (Stott, Message of Acts, 160). Itinuturo ni John Polhill na sa Lumang Tipan ang parehong lugar ay tinatawag na kaharian ng Cush (Gawa, 223; cf. Awit 68:31; Isa. 18:7; Zeph 3:10). Pinag-uusapan natin ang Africa dito. At ang katotohanan na si Felipe ay nagmiministeryo sa isang African na lalaki ay talagang kapansin-pansin. Ito ay katibayan ng paglaganap ng pandaigdigang misyon ng Diyos.

            Nakita natin dito na ang partikular na lalaking ito ng Etiopia ay isang “eunuch,” at siya ay isang mahalagang “opisyal” na namamahala sa lahat ng kabang-yaman ni Candace, reyna ng mga taga-Etiopia. Ibig sabihin, siya ay parang ministro ng pananalapi (Polhill, Acts, 224).

            Ang taga-Etiopia ay malamang na isang may takot sa Diyos na naniniwala sa Diyos ng Israel, tulad ni Cornelius, ngunit hindi niya maranasan ang ganap na pagiging miyembro sa komunidad ng Israel dahil siya ay isang eunuch, gaya ng ipinagbawal sa Deuteronomio 23:1 (Polhill, Acts, 224). Maaari niyang bisitahin ang templo sa Jerusalem, pero hindi siya makapasok dito.

            Pansinin na binabasa niya nang malakas ang aklat ni Propeta Isaias (tal. 28), na pinag-iisipan ang mga pangako ng propeta. Si Isaias ay partikular na mahalaga para sa mga eunuch dahil sa kanyang gawain ay inilalarawan ng propeta ang hinaharap, na nangangako sa mga eunuch:

3 Hindi dapat sabihin ng isang dayuhang nakipagkaisa sa bayan ng Diyos, na siya'y hindi papayagan ni Yahweh na makisama sa pagsamba ng Kanyang bayan. Hindi dapat isipin ng mga eunuko na hindi sila karapat-dapat na mapabilang sa bayan ng Diyos sapagkat hindi sila magkakaanak. 4 Ang sabi ni Yahweh: “Sa mga eunukong gumagalang sa Araw ng Pamamahinga, na gumagawa ng mga bagay na nakalulugod sa Akin at tapat na iniingatan ang Aking kasunduan. 5 Ang pangalan mo'y aalalahanin sa Aking Templo at sa gitna ng aking bayan nang mas matagal kaysa paggunita sa iyo, kung ikaw ay nagkaroon ng mga anak. Hindi ka malilimot kahit kailan.” (Isa. 56:3-8).

            Hindi alam ng eunukong ito na personal niyang nang maranasan ang katuparan ng mga pangakong iyon! At si Felipe ay nagkaroon ng pribilehiyong ipakita sa kanya ang ebanghelyo ng biyaya.

            Ang nangyayari dito ay isang pagkikita at tagpo na itinadhana ng Diyos. Tinanong ni Felipe ang isang lalaki kung naiintindihan niya ang kanyang binabasa (tal. 30). Sumagot ang Etiopian, “Paano ko mauunawaan ito kung walang magpapaliwanag sa akin?” (tal. 31). Hindi niya alam na binigyan niya lang si Felipe ng isang mahusay na tanong; halos binigyan niya siya ng imbitasyon na ibahagi ang ebanghelyo sa kanya! Ang eksenang ito ay nagpapaalala sa akin ng kuwento ng minsang ang asawa ko ay may kapatiran sa simbahan na dinididipulo niya doon sa apartment nito. Habang nagbabahaginan sila ng mga aral na natutunan nila sa mga binasa nila sa Bible lumapit sa kanila ang kasama ng kapatiran sa apartment niya na babaeng police at nagsabi na, “natutuwa ako sa inyo at sa ginagawa niyo kasi nauunawaan niyo ang Bible. Ako kasi nagbabasa din ng Bible kaso wala akong maintindihan.” At iyon ay naging pagkakataon sa asawa ko at sa kapatirang iyon para ibahagi ang Magandang Balita at tuloy-tuloy na maidisipulo siya. Kaya dapat lagi tayong handa at gamitin at samantalahin ang bawat pagkakataong binibigay at binubuksan sa atin ng Panginoon.

            Mayroon ka bang kapitbahay na gusto mong bisitahin o isang bagong katrabaho na gusto mong makausap? Mayroon ka bang regalo na iniisip mong ibigay sa naghihirap na pamilya sa kalye? Mayroon bang isang tao sa iyong paaralan na patuloy na nasa iyong isip at puso? Kung gayon, maaaring ang Diyos ay may ginagawa na. Ikaw, tulad ni Felipe, ay maaaring may naghihintay din na sinuman na maibahagi mo sa kanila ang Magang Balita. Mas maging sensitibo lang tayo sa pagkilos ng Banal na Espiritu sa ating paligid. Ipanalangin din natin sa sarili natin ang panalangin ni Pablo sa kanyang sarili at ang paalala niya sa mga mananampalataya sa Colosas 4:2-6,

2 Maging matiyaga kayo sa pananalangin, laging handa at nagpapasalamat sa Diyos. 3 Idalangin ninyo sa Diyos na bigyan kami ng pagkakataon na maipangaral ang Kanyang salita at maipahayag ang hiwaga ni Cristo, ang sanhi ng pagkabilanggo ko ngayon. 4 Ipanalangin din ninyong maipahayag ko ito nang buong linaw, gaya ng nararapat.

5 Maging matalino kayo sa pakikitungo sa mga hindi nananampalataya at samantalahin ninyo ang bawat pagkakataon. 6 Sikapin ninyong laging maging kaaya-aya at kapaki-pakinabang ang inyong pananalita sa kanila, at matuto kayong sumagot nang tama sa lahat ng tao.

            Ang iglesyang misyonero ay binubuo ng mga indibidwal na pinamumunuan ng Espiritu tulad ni Felipe. Aakayin tayo ng Panginoon, ngunit dapat tayong maging handa na sumunod. Karamihan sa atin kung tayo ang nasa lagay ni Felipe ay mangangatwiran tayo sa Panginoon na. “huwag muna ngayon” dahil nakita natin nakaraan na gumaganda at lumalawak pa ang gawaing sinimulan niya sa Samaria tapos aalis siya agad doon para mangaral sa isang tao lang? Pero hindi ganon ang nakita natin. Bakit niya gustong iwan iyon para magtungo sa isang disyertong daan? Sa katunayan, ay maaaring humantong sa kanya na isipin na ginagawa na niya ang dapat niyang gawin. Ngunit tumuloy si Felipe ayon sa itinuro ng Diyos.

            Ang buong kabanata sa Gawa ay makikitaan natin ng isang aral na ang kaparaanan ng Diyos ay hindi kaparaanan ng tao. Walang saysay ang kwentong ito mula sa isang pananaw ng tao; sa katunayan, karamihan sa aklat ng Gawa ay ganun din. Tila karamihan sa mababasa natin ay walang saysay. Ngunit ang kuwento ng pagbabagong ito ay hindi nangyari dahil sa nakasanayang karunungan o pagpaplano ng tao. Ang taga-Etiopia ay dinala kay Jesus ni Felipe bilang resulta ng pangunguna ng Diyos.

            May mga ilan na hindi gusto ang ideya na, “salitang pinangungunahan ng espiritu,” dahil sabi nila parang pamahiin lang daw ito o gawang charismatic. Sa kabilang banda naman, marami rin ang naging exaggerate at inaabuso din ang paniniwalang , “ang Diyos ay nagsalita sa akin,” o “ang Diyos ay nangausap sa akin,” para bigyang katwiran ang mga maling katuruan at paniniwala nila. Ngunit hindi ito ang tinataguyod natin dito. Sa halip itinataguyod ko ang isang masiglang paniniwala na ang Espiritu ay nakikilahok sa ating pang-araw-araw na buhay. Kung hindi natin malugod na tinatanggap ang gabay ng Espiritu, kung gayon may mali, bakit? Tignan natin ang sinasabi sa Roma 8:9-14,

“9 Ngunit hindi na kayo namumuhay ayon sa laman, kundi ayon sa Espiritu. Sa katunayan, naninirahan sa inyo ang Espiritu ng Diyos. Kung wala sa isang tao ang Espiritu ni Cristo, hindi kay Cristo ang taong iyon. 10 Ngunit dahil naninirahan sa inyo si Cristo, mamatay man ang inyong mga katawan dahil sa kasalanan, ang espiritu naman ninyo ay buháy sapagkat itinuring na kayong matuwid ng Diyos. 11 Kung naninirahan sa inyo ang Espiritu ng Diyos na siyang muling bumuhay kay Jesu-Cristo, Siya ang muling bubuhay sa inyong mga katawang may kamatayan, sa pamamagitan din ng Kanyang Espiritung naninirahan sa inyo.

12 Mga kapatid, wala tayong pananagutang sundin ang mga hilig ng laman upang mamuhay ayon sa katawang makalaman. 13 Sapagkat mamamatay kayo kung namumuhay kayo ayon sa katawang makalaman, ngunit kung pinapatay ninyo sa pamamagitan ng Espiritu ang mga gawa ng katawang makalaman, mabubuhay kayo. 14 Ang lahat ng pinapatnubayan ng Espiritu ng Diyos ay mga anak ng Diyos.”

            Sa pag-aaral nating ito, ang mahalaga, sa palagay ko ay hindi natin gamiting dahilan na “walang pangungusap sa akin ang Diyos,” para ibahagi ang ebanghelyo mga tao bago mo talagang gawin ito. Binigyan tayo ng Panginoon ng Dakilang Atas (Great Commission) na dapat sundin. Ibinibigay nito sa atin ang lahat ng lisensya na kailangan nating lumabas araw-araw at ipaalam ang ebanghelyo hangga’t maaari sa lahat ng taong ating nakakasalamuha. Gayunpaman, dapat tayong manalangin para sa mga banal na pagkakataon o tagpo at manatiling bukas at sensitibo sa mga pahiwatig ng Espiritu. At kapag nangusap Siya sa ating puso, dapat tayong kumilos at sumunod.

III. Understand and Explain the Good News to People (8:32-40).

            Tunay na kaysarap makita itong tagpo ni Felipe at ng eunukong ito na magkasamang nakaupo sa isang karwahe sa ilalim ng araw sa disyerto. Tapos makikita nating silang ibinabahagi ni Felipe sa lalaki ang kasulatan ni Isaias na binasa ng eunuko sa aklat ng Isaias 53:7-8, na tungkol sa tanyag na awit ng Nagdurusang Lingkod. Basahin natin yung binasa ng eunuko sa Isaias 53:7-8:

7 “Siya ay binugbog at pinahirapan, ngunit hindi kumibo kahit isang salita; tulad ay tupang nakatakdang patayin, parang korderong hindi tumututol kahit na gupitan, at hindi umiimik kahit kaunti man. 8 Nang siya'y hulihin at hatulan upang mamatay, wala man lamang nagtanggol sa kanyang kalagayan. Siya ay pinatay dahil sa sala ng sangkatauhan.”

            Sa loob ng maraming siglo, pinagtatalunan ng mga Hudyo ang talatang ito. Ang propeta ba ay nagsasalita tungkol sa sarili niyang pagdurusa, sa buong bansa, o sa Mesiyas? Si Felipe, na wastong tumingin kay Jesus bilang ang katuparan ng mga hula sa Lumang Tipan tulad ng isang ito, ay handa na magbigay ng sagot. Ipinaliwanag niya na mga 750 taon bago ang pagpapako sa krus, inilarawan ni Isaias ang pagdurusa at kadakilaan ni Jesus. Sa gitna ng misyon ni Jesus, ibinahagi niya, ay ang gawaing si Jesus ang nagdanas sa halip na ang mga makasalanan. Ginamit ni Felipe ang talata ni Isaias upang ipaliwanag ang Mabuting Balita sa kaniyang sabik na estudyante. Alam niya na si Kristo ang susi sa Isaias 53 at sinabi iyon. Alam niya at kayang ipaliwanag na iyon din ang bituin ng Kasulatan. Si Hesus ang Kordero ng Diyos, na nagpasan ng ating mga kasalanan sa Kanyang katawan sa krus. Siya ang Isa kung kanino ang mga tinubos mula sa lahat ng mga bansa ay sumigaw ng, "Karapat-dapat!" (Juan 1:35; 1 Pedro 2:25; Pahayag 5:8-14).

            Bagama’t malamang na nadama ng lalaking ito na rejected siya dahil sa kaniyang kalagayan, nasabi ni Felipe sa kaniya na siya ay minamahal at tinanggap ng Mesiyas.

            Sa buong aklat ng Lucas at Gawa nakikita natin ang isang paulit-ulit na pangangailangan para sa mga tao na ipaliwanag ang Mesiyas mula sa Kasulatan. Ang mga disipulo mismo ay nangangailangan ng gayong patnubay (halimbawa sa Lucas 24). At pagkatapos matanggap ang tagubiling ito mula kay Jesus, ipinaliwanag naman nila ang Banal na Kasulatan sa liwanag ng gawain ni Cristo sa mga Judio sa Jerusalem, gaya ng inilalarawan sa Gawa 2–7. Narito ang manlalakbay na ito mula sa isang malayong lupain ay kailangang maunawaan ang kahulugan ng Isaias, at ang Panginoon ay nagpadala sa kanya ng isang kahanga-hangang gabay sa katauhan ni Felipe. Ang lahat ng ito ay nagpapakita ng pangangailangan para sa ating lahat na mananampalataya kay Jesus na maunawaan ang buong kwento ng Bibliya.

A. Be prepared to explain the good news.

            Kailangan nating maging handa sa espirituwal at teolohikal na gawin ang gawaing nilayon ng Diyos na gawin natin. Ang lalaking eunuko ay nangangailangan ng higit pa sa isang kaibigan sa kanyang karwahe. Kailangan niya ng pakikipagtagpo sa isang taong makapagpapaliwanag ng katotohanan ng ebanghelyo sa tulong ng Espiritu. Upang maging tapat na mga saksi kailangan natin ang Espiritu, at kailangan nating panghawakang mabuti ang Salita. Si Felipe ay hindi lamang ipinagdasal ito; pinag-aralan din niya ito.

            Kailan mo huling binuksan ang Bibliya at ipinaliwanag ang mabuting balita sa isang tao? Tumigil ka ba at mananalangin para sa gayong pagkakataon sa linggong ito? Kung sa tingin mo ay hindi mo kayang ipaliwanag ang ebanghelyo mula sa mga Banal na Kasulatan, oras na para sa mas mahigpit na plano ng pag-aaral. Anuman ang iyong mga hakbang, manalangin at tandaan na ang gayong pag-aaral ay tutulong sa iyo nang tapat at mas may pagtitiwala na ipaliwanag ang Mabuting Balita sa iba.

B. Consider using questions as you explain the good news.

            Ang buong talatang ito sa Gawa ay nagdala sa atin sa ilang mga katanungan. Nagtanong si Felipe ng isang tanong, at pagkatapos ay nagtanong ng tatlo ang eunuko. Ang pagtatanong, sa katunayan, ay nagbibigay ng magandang paraan upang simulan ang mga pag-uusap sa ebanghelyo.

            Nagsimula si Felipe sa tanong na, “Naiintindihan mo ba ang binabasa mo?” (tal. 30). Ang eunuko ay nagtanong ng isang mahusay na tanong bilang tugon kay Felipe: “Paano ko mauunawaan ito kung walang magpapaliwanag sa akin?” (tal. 31). Sa unang pagkakataon na nagbasa ako ng Bibliya, kailangan ko ng tulong. Ganiyan din ang nararamdaman ng maraming tao, at karaniwan nang marinig natin sa mga taong binabahaginan ng Salita ng Diyos na, “Hindi ko alam ang unang bagay tungkol sa Bibliya.” Nagawa ni Felipe na makipag-usap sa eunuko at ibahagi ang Magandang Balita dahil alam niya ang Bibliya. Alam niya ang kuwento ng Kasulatan, at handa siyang ipaliwanag ito. Kailangan mong makita na ang iyong personal na pag-aaral ng Kasulatan ay pagsasanay sa pag-eebanghelyo. Inihahanda ka nitong makipagtagpo sa mga tao kung nasaan sila, na ibinabahagi sa kanila si Kristo.

            Sa huli nagtanong ang eunuko, “Mayroon bang hadlang upang ako'y bautismuhan?” (tal. 36). Habang dumadaan ang karwahe sa tabi ng lawa ng tubig, ipinahayag ng Etiopian ang kaniyang pagnanasa upang makilala si Jesus sa pamamagitan ng bautismo. Naniniwala siya sa ebanghelyo tulad ng ipinaliwanag sa kanya ni Felipe. At si Felipe ay may malaking pribilehiyo na magbautismo ng isang bagong mananampalataya, isang bagong Kristiyanong kapatid, bilang resulta ng kanyang katapatan sa misyon.

C. Expect God to work as you explain the good news.

           Ang ilang tao ay magsisisi at maniniwala kapag narinig nila ang ebanghelyo.

            Sa kuwentong ito, nasira ang dalawang hadlang—ang mga hadlang sa pisikal at lahi ay nasira (Polhill, Acts, 226). Ang isang eunuko, na isa ring itim na tao, ay tinanggap sa ganap na pagiging miyembro ng mga tao ni Jesu-Kristo. Kahit na hindi siya kailanman naging ganap na Hudyo, maaari siyang maging isang Kristiyano! At gayundin ang lahat na tumawag sa pangalan ng Panginoon (Gawa 2:21, 37-41).

            Wala tayong masyadong alam tungkol sa nangyari sa bagong convert na ito pagkatapos ng eksenang ito, kundi nagpatuloy siya sa paglalakbay na "masaya" (tal. 39). Gayunman, sinasabi ng mga church father na siya ay naging misyonero sa Ethiopia. At habang ang kanilang mga sinabi ay hindi mapapatunayan, alam natin na siya ay tiyak na umuwi at sinabi ang Mabuting Balita sa iba. Bakit natin nasabi iyan? Sabi sa Awit 68:31, “Mula roon sa Egipto, mga sugo ay darating, ang Etiopia'y daup-palad na sa Diyos dadalangin.”

            Pagkatapos ay biglang nawala si Felipe (tal. 40), gaya ito ng nakita natin kay Jesus pagkatapos Niyang bahagian ang dalawang lalaking naglalakad papuntang Emaus: “Noon nabuksan ang kanilang mga mata at nakilala nila si Jesus, subalit Siya'y biglang nawala sa kanilang paningin.” Sunod na nakita natin na si Felipe ay nagpatuloy sa pangangaral ng ebanghelyo, papuntang hilaga, hanggang sa tuluyang nakarating sa Caesarea, kung saan mababasa natin ang tungkol sa kanya sa bandang huli sa Gawa 21:8. Si Felipe ay may tahanan at apat na anak na babae. Tinawag lang siya ni Lucas na “ebanghelista, na isa sa Pito.” Marami tayong dapat matutunan mula sa ebanghelistang ito tungkol sa pagmamahal sa mga tao, sa pagsunod sa Espiritu, at pagpapaliwanag ng Mabuting Balita mula sa lahat ng Kasulatan sa lahat. Nawa'y bigyan tayo ng Diyos ng biyaya na, “Gampanan ang tungkulin ng isang mangangaral ng Magandang Balita.” (2 Timoteo 4:5).

______________________________________________________

Discussion:

Pagbulayan:
1. Paano ipinakita ng kwentong ito ang habag at awa ng Diyos sa lahat ng bansa?

2. Ano ang itinuturo ng talatang ito tungkol sa pagsunod sa Banal na Espiritu?

3. Ano ang itinuturo ng kwentong ito tungkol sa pangangailangang ipaliwanag ang Bibliya sa iba?

Pagsasabuhay:

1. Ano ang nakita ninyong magandang halimbawa sa buhay ni Felipe na nais mong tularan?

2. Paano mo maibabahagi ang Magandang Balita ngayong linggo?

Panalangin:
Ipanalangin na tulungan kang maisabuhay ang natutunan.