Name of God: The LORD is Peace (Yahweh Shalom)
Ang Pagsasagawa ng Kapayapaan
Basahin: Filipos 4:6-9
(50 of 366)
“Binibigyan Mo ng lubos na kapayapaan ang mga may matatag na paninindigan at sa Iyo'y nagtitiwala” (Isaias 26:3)
Kung ang mga Kristiyano ay hindi dapat mabalisa sa anumang bagay, bakit marami sa atin ang nababalisa sa ilang mga bagay, na nagpapalipas ng gabi na nakahiga sa kama, nakatitig sa kisame, pagod ang katawan ngunit tumatakbo ang isip?
Binanggit ni propeta Isaias na ang kapayapaan ng Diyos ay nagmumula sa pagpapanatiling nakatuon ang ating isipan sa Panginoon. Bukod pa rito, kapag sinabi sa atin ng Diyos na gawin ang isang bagay sa Kanyang Salita, lagi Niyang sinasabi sa atin kung paano ito gagawin. Sa pakikipaglaban upang mapanatili ang ating isip na nakatuon sa Kanya, ang plano ng labanan ay matatagpuan sa Filipos 4:6-9.
Una, dapat tayong humingi ng tulong sa Diyos sa pagpapakawala ng mga pagkabalisa habang nagpapasalamat tayo kilalanin ang Kanyang biyaya at awa. Kapag ginawa natin ito, binibigyan tayo ni Yahweh Shalom ng kapayapaang lampas sa ating pang-unawa na nagbabantay sa ating mga puso at isipan.
Pagkatapos, para pigilan ang pagbabalik ng mga balisang kaisipan, sinasabi sa atin ng Diyos na punuin ang ating mga iniisip ng mga bagay na marangal, dalisay, kaibig-ibig, at karapat-dapat sa papuri.
Sa wakas, hindi sapat na gawin ito nang isang beses. Kailangan natin itong sanayin nang paulit-ulit hanggang sa ito ay maging isang ugali. Kapag ginawa natin ito, pinagpapala tayo ni Yahweh Shalom ng Kanyang perpektong kapayapaan.
Pagbulayan:
Sa anong pagkakataon na ang takot at pag-aalala ang kumokontol sa iyong isip at nanakaw ang kapayapaan sa iyong isipan? Ano ang dapat mong gawin?
Panalangin:
Yahweh Shalom, tulungan Mo akong ilabas ang aking mga pagkabalisa sa Iyo habang ako ay nagpapahinga sa Iyong pangangalaga.
Walang komento:
Mag-post ng isang Komento