The Birth of the King
The Gracious King (Part 1)
Scripture: Mateo 1:1-17
Outline ng Pag-aaral:
I. The Importance of Genealogies in Israel
A. Tribal Location
B. Transaction of Land
C. Testing of Lineage
D. Taxation Laws
II. The Implications of the Genealogy of Christ
A. The reversal of the Record
B. The Right of Royalty
a. Through Joseph
b. Through Mary
1. The Child of Mary
2. The Curse on Jeconiah
3. The Sinful Nature
C. The Revelation of the Roles
a. Jesus
b. Christ
D. The Response of Ridicule
a. Mateo 13:54-57a
b. Juan 7:27
c. Juan 8:41, 48
Pangunahing idea ng pag-aaral:
Makita na si Jesus ang tunay at tanging nararapat na Maghari sa pamamagitan ng genealogy na itinala ni Mateo. At makita na Siya ang hinihintay at katuparan ng mga propesiya sa Lumang Tipan na maghahari ng walang hanggan sa lahat.
Panimula
Inihayag ng aklat ng Mateo si Jesu-Kristo bilang Hari. Nagsimula ito sa pagpapakita ng family tree ni Jesus bilang isang royal genealogy. Kung ang Haring ito ay ipapahayag bilang Hari, dapat itong magsimula sa patunay na Siya ay darating mula sa royal line. Nagkaroon ng isang royal line sa Israel, at ito ay dumating sa pamamagitan ni David. Sa 2 Samuel 7 sinabi ng Diyos kay David sa pamamagitan ng propetang si Nathan na sa kanyang angkan magmumula ang maghahari, na sa huli ay maghahari sa Israel at magtatatag ng isang walang hanggang Kaharian (tal. 13, 16). Hindi iyon kailanman natupad sa paghahari ni Solomon, kaya't ang mga Israelita ay naghintay at patuloy na naghihintay para sa isa na ipinanganak sa binhi ni David upang matupad ang propesiyang ito. Ngayon kung si Jesus ang magiging Haring iyon, dapat itatag na Siya ay may karapatang maghari dahil Siya ay nagmula sa genealogy ng royalty. Ang royal genealogy na ito ay makikita sa unang labimpitong talata ng kabanata 1 sa Mateo:
1 Ang aklat ng lahi ni Jesucristo, na anak ni David, na anak ni Abraham.
2 Naging anak ni Abraham si Isaac; at naging anak ni Isaac si Jacob; at naging anak ni Jacob si Juda at ang kaniyang mga kapatid;
3 At naging anak ni Juda kay Tamar si Fares at si Zara; at naging anak ni Fares si Esrom; at naging anak ni Esrom si Aram;
4 At naging anak ni Aram si Aminadab; at naging anak ni Aminadab si Naason; at naging anak ni Naason si Salmon;
5 At naging anak ni Salmon kay Rahab si Boaz; at naging anak ni Boaz kay Ruth si Obed; at naging anak ni Obed si Jesse.
6 At naging anak ni Jesse ang haring si David; at naging anak ni David si Salomon, doon sa naging asawa ni Urias;
7 At naging anak ni Salomon si Reboam; at naging anak ni Reboam si Abias; at naging anak ni Abias si Asa;
8 At naging anak ni Asa si Josafat; at naging anak ni Josafat si Joram; at naging anak ni Joram si Ozias;
9 At naging anak ni Ozias si Joatam; at naging anak ni Joatam si Acaz; at naging anak ni Acaz si Ezequias;
10 At naging anak ni Ezequias si Manases; at naging anak ni Manases si Amon; at naging anak ni Amon si Josias;
11 At naging anak ni Josias si Jeconias at ang kaniyang mga kapatid, nang panahon ng pagkadalang-bihag sa Babilonia.
12 At pagkatapos nang pagkadalangbihag sa Babilonia, ay naging anak ni Jeconias si Salatiel; at naging anak ni Salatiel si Zorobabel;
13 At naging anak ni Zorobabel si Abiud; at naging anak ni Abiud si Eliaquim; at naging anak ni Eliaquim si Azor;
14 At naging anak ni Azor si Sadoc; at naging anak ni Sadoc si Aquim; at naging anak ni Aquim si Eliud;
15 At naging anak ni Eliud si Eleazar; at naging anak ni Eleazar si Matan; at naging anak ni Matan si Jacob;
16 At naging anak ni Jacob si Jose asawa ni Maria, na siyang nanganak kay Jesus, na siyang tinatawag na Cristo.
17 Sa makatuwid ang lahat ng mga salit-saling lahi buhat kay Abraham hanggang kay David ay labing-apat na salit-saling lahi; at buhat kay David hanggang sa pagdalang-bihag sa Babilonia ay labing-apat na sali't-saling lahi; at buhat sa pagkadalang-bihag sa Babilonia hanggang kay Cristo ay labing-apat na sali't-saling lahi.
Naalala ko nang minsan na ito ang aking na debosyon na patanong ako, “bakit nilagay pa ito sa Bibliya?” Kasi parang walang namang mahalaga sa bagay na ito, puro pangalan. Well, sabihin ko sa iyo kung bakit. Una sa lahat, para masagot ito tignan natin ang…
I. The Importance of Genealogies in Israel
Ang mga Hudyo ay mahigpit na pinahahalagahan ang kanilang mga ninuno. Dahil dito, kung sinuman ang ihaharap sa kanila bilang isang hari, napakahalaga na mayroon siyang talaan ng mga ninuno upang patunayan ito. Ang genealogies na iyon ay mahalaga sa mga Hudyo, at ito ay makikita sa katotohanan na ito ay ginamit para sa mga layunin ng…
A. Tribal Location
Halimbawa, pagkatapos masakop ang Canaan, mahalagang matukoy ang tirahan ng isang pamilya ayon sa tribo nito, dahil ang lahat ng lupain ay nahahati sa mga hangganan ng tribo. Ipinapaliwanag ng aklat ng Bilang 26 at 35 kung paano kailangang malaman ng isang tao ang kanyang tribo, angkan ng kanyang pamilya, at ang bahay ng kanyang ama upang siya ay makilala sa tamang lugar sa lupain.
B. Transaction of Land
Sa ilalim ng ilang mga kalagayan, ayon sa aklat ng Ruth, kabanata 3 at 4, ang paglilipat ng ari-arian ay nangangailangan ng tumpak na kaalaman sa family tree, upang mapanatili nila ang lupain ng tribo sa loob ng tribo. Kaya't kailangang mayroong isang talaan ng mga ninuno upang makagawa ng ilang mga transaksyon sa negosyo ng lupa.
C. Testing of Lineage
Ang isa pang kawili-wiling bagay ay pinakita sa atin sa Ezra 2:62 : “Ang mga ito ay nagsihanap ng talaan ng kanilang pangalan sa nangabilang ayon sa talaan ng lahi...” Pagkatapos ng 70-taóng pagkabihag sa Babilonya, marami sa mga Judio ang nagsimulang bumalik sa Israel. At marami sa kanila ang nag-angking mga pari mula sa tribo ni Levi. Gayunpaman, dahil napakaseryoso ng Diyos sa pagkakaroon lamang ng mga Levita na naglilingkod bilang mga pari (Bil. 1:50-53; 1 Sam. 13:8-14), ang mga taong nag-aangking mga pari ay kailangang patunayan ito batay sa kanilang genealogy. At kapag hindi nila ito napatunayan “…Hindi sila ibinilang na mga pari…" (tal. 62b).
Samakatuwid, kailangang malaman ng mga Hudyo ang kanilang talaan ng mga ninuno para sa pagpapalitan ng lupain, para sa lokasyon ng kanilang tribo, at para sa kanilang pagkakakilanlan bilang pari kapag sila ay bumalik mula sa pagkabihag. Nang maglaon, sa panahon ni Kristo, ginamit ng mga Romano ang mga genealogy para sa layunin ng…
D. Taxation Laws
Ito ay nakakatuwang bigyang pansin na kahit simula ng Bagong Tipan, sina Jose at Maria ay pupunta sa Judea upang mairehistro ayon sa kanilang sariling mga ninuno:
"1 Nang panahong iyon, iniutos ni Emperador Augusto na magkaroon ng sensus sa lahat ng nasasakupan ng Imperyo ng Roma. 2 Ang unang sensus na ito ay ginawa noong si Cirenio ang gobernador ng Siria. 3 Kaya't umuwi ang mga tao sa sarili nilang bayan upang magpatala.
4 Mula sa Nazaret, isang lungsod sa Galilea, si Jose ay pumunta sa Judea, sa Bethlehem na bayang sinilangan ni Haring David, sapagkat siya'y mula sa angkan ni David.” (Lucas 2:1-4).
Ang gayong mga pagkakakilanlan ng genealogy ay ginagawa pa rin noong panahon ng kapanganakan ni Jesu-Kristo. Sa katunayan, ang mga sinulat ni Josephus, na isang ancient historian, ay sumuporta sa paggamit ng mga ancestral file bilang bahagi ng kultura ng mga Hudyo noong panahon ni Jesu-Kristo. Kaya ito ay isang napaka-karaniwang practice hanggang sa panahon ni Jesus.
Lubos na pinahahalagahan ng mga Hudyo ang kanilang talaan ng mga ninuno. Maging si Pablo, na ipinakilala niya ang kanyang sarili sa Israel sa Roma 11:1, ay nagsabi, "ako man ay isang Israelita, mula sa lahi ni Abraham at kabilang sa lipi ni Benjamin." Para sa mga Judio, ito ay napakahalaga. At ito ang dahilan ng pagkakaroon ng hindi bababa sa limampung genealogy sa Lumang Tipan.
May mga dahilan para doon tulad ng nakita natin, hindi lamang para sa pagtukoy sa mga linya ng hari at pari, kundi pati na rin sa mga tuntunin ng paglipat ng ari-arian at iba pa. Ngayon, ang lahat ng ito ay nagbago ngayon, dahil ang mga Hudyo ay ganap na wala ng talaan ng kanilang lipi. At dahil ang gayong mga tala ay ganap na naglaho, walang Judiong umiiral sa mundo ngayon ang makapagpapatunay na siya ay anak ni David.
Mapapatunayan ba ito ng sinumang nag-aangking siya ang Mesiyas ngayon?
Nais kong malaman ninyo na kung may darating na nagsasabing siya ang Mesiyas, hinding-hindi nila ito mapatunayan. Bagama't may ilang mga orthodox na Hudyo na naniniwala pa rin na ang Mesiyas ay darating, sila ay nahaharap sa problema na hindi kailanman magkakaroon ng anumang matibay na talaan ng ninuno na paraan upang patunayan iyon. Dahil dito, si Jesu-Kristo ang huling mapapatunayang umaangkin sa trono ni David. At kung hindi Siya ang Mesiyas, kung gayon walang sinuman ang maaaring mag-aangkin dito.
II. The Implications of the Genealogy of Christ
A. The Reversal of the Record
Sa genealogy na ito sa Mateo, mayroon tayong pababang talaan simula kay Abraham at bumaba mula kay David at Jose hanggang kay Jesus. Sa ikatlong kabanata ng Lucas naman, ang genealogy ni Jesus ay naitala din, ngunit ang genealogy na iyon ay kabaligtaran: Ito ay umakyat, simula kay Jesus at babalik kay Maria hanggang kay Adan. Kung ang genealogy ni Mateo ay nagmumula kay Jose, ang kay Lucas naman ay nag simula kay Hesus pabalik kay Maria. Ang isa ay nagsisimula kay Hesus, ang isa ay nagtatapos kay Hesus. Ngunit anuman ang kanilang layunin na mga pagkakaiba-iba, ang punto pa rin ay si Jesus ang karapat-dapat na maghari.
B. The Right of Royalty
a. Through Joseph
Ang isa pang pagkakaiba sa pagitan ng genealogy na ito at ni Lucas na si Mateo ay nagpapakita ng legal na angkan ni Jesus bilang ang Hari ng Israel, at si Lucas ay nagpapakita ng talaan na pinagmulan. Sa madaling salita, ipinakita sa atin ni Mateo ang royal line, samantalang ipinakita sa atin ni Lucas ang bloodline. Ang pagkakaiba ay ipinaliwanag sa atin na ang royal line ay palaging ipinapasa sa pamamagitan ng ama. Ang ama ay nagtataglay ng karapatang mamuno…hindi sila nagkaroon ng mga reyna sa Israel. Ngunit sa kabila ng katotohanang si Jesus ay walang likas na ama, Siya ay may karapatang maghari na mula kay David, dahil si Jose ay Kanyang legal na ama. Kaya, sinundan ni Mateo ang royal line, sa pamamagitan ni David at ng kanyang anak na si Solomon.
b. Through Mary
Ang isa sa iba pang mga anak ni David ay si Nathan, na sa pamamagitan niya ay natunton ang linya ni Maria. Samakatuwid, si Hesus ay descendant rin ni David sa pamamagitan ni Maria. So ibig sabihin sa pamamagitan ni Jose Siya ay legal na tagapagmana ng trono ni David, at sa pamamagitan naman ni Maria Siya ay nasa linya ng dugo ni David.
1. The Child of Mary
Si Jesus lamang ang legal na tagapagmana ni David sa pamamagitan ni Jose. Sabi sa Mateo 1:16a…
“At naging anak ni Jacob si Jose asawa ni Maria,…”
Hindi ba iyon kawili-wili? Ano ang hindi sinasabi nito? Ang "ama ni Jesus.” Hindi si Jose ang tunay na ama ni Jesus; siya ang asawa ni Maria. Hindi kailanman tinawag ng Bibliya si Jose na ama ni Jesus.
Higit pa rito, sinasabi sa talata 16, “...At naging anak ni Jacob si Jose asawa ni Maria, na siyang nanganak kay Jesus, na siyang tinatawag na Cristo." Ang salitang “...na siyang..." sa Greek grammar ito ay nasa feminine gender, malinaw na nagpapakita na Siya ay ipinanganak hindi kay Jose, kundi kay Maria. Legal siyang anak ni Jose, dahil kung ampon ka sa isang pamilya, legal na nasa iyo ang lahat ng karapatan at pribilehiyo na mayroon ang isang natural na bata. Kaya sa lahat ng posibleng paraan, si Jesu-Kristo ay may karapatang mamahala. Ang kanyang ama ang siyang nagbigay sa Kanya ng royal line, ang Kanyang ina ang nagbigay sa Kanya ng royal blood.
Kapansin-pansin na ang genealogy ni Lucas sa 3:23 ay nagsasabi, "Magtatatlumpung taon na si Jesus nang siya'y magsimulang mangaral. Ipinapalagay ng mga tao na siya'y anak ni Jose. Si Jose naman ay anak ni Eli.” Si Jesus ay itinuring ng lahat bilang anak ni Jose, kahit na hindi Niya tunay na anak sa pagsilang. Ngayon maraming tao ang nag-isip, sa panahon ng Kanyang kapanganakan, na Siya ay anak ng isang bawal na pagsasama. Ngunit tinawag nila Siya na anak ni Jose dahil si Jose ang Kanyang legal na ama. Wala talagang tanong tungkol doon. Kahit sa panahon ng Kanyang ministeryo, Siya ay kilala bilang anak ni Jose: At ang lahat ay nagpatotoo sa Kanya....At kanilang sinabi, “Hindi ba ito ang anak ni Jose?” (Lucas 4:22).
2. The Curse on Jeconiah
May perpektong katuparan ng propesiya sa genealogy na ito na lubhang nakakabighani. Sinasabi sa Mateo 1:11-12, “At naging anak ni Josias si Jeconias at ang kaniyang mga kapatid, nang panahon ng pagkadalang-bihag sa Babilonia. At pagkatapos nang pagkadalangbihag sa Babilonia, ay naging anak ni Jeconias si Salatiel; at naging anak ni Salatiel si Zorobabel.” Bagama't si Jesus ay nasa linya ni David sa pamamagitan ni Jose, hindi sana Siya makapaghari dahil may banal na sumpa na inilagay sa mga supling ni Jeconias. Sa Jeremias 22:30a, ipinahayag ni Jeremias ang kahatulan ng Diyos kay Jeconias: " Ganito ang sinasabi niya: ‘Isulat mo tungkol sa lalaking ito na siya'y hinatulang mawawalan ng anak, na hindi magtatagumpay sa kanyang buhay, sapagkat wala siyang anak na hahalili sa trono ni David at maghaharing muli sa Juda….” Kung si Jesus ang tunay na anak ni Jose, hinding-hindi Siya maaaring maupo sa trono ni David, sapagkat Siya ay nasa ilalim ng sumpa. Gayunpaman, kailangan Niyang maging legal na anak ni Jose para magkaroon ng karapatan, kaya kailangan ng Diyos na gumawa ng plano kung saan si Jesus ang magiging legal na tagapagmana ng trono, ngunit, at the same time, ay hindi sa bloodline ni David pababa hanggang kay Jeconias. Ang naging solusyon ng Diyos dito ay ang birhen na kapanganakan--para malampasan ang isinumpang kadugo ni Jeconias, at gayunpaman mapapanatili pa rin ang maharlikang karapatang maghari ni Jesus. Isang kamangha-manghang bagay kung paano binantayan ng Diyos ang bawat detalye nang walang pagsalungat sa pamamagitan ng himala ng pagsilang ng birhen.
3. The Sinful Nature
Isang problema din na maaaring makaharap ni Jesus sa Kanyang pagsilang ang sinful nature ng tao. Sabi sa Roma 3:23, “sapagkat ang lahat ay nagkasala.” Nakuha ng tao ito dahil sa pagkakasala nila Adan; “Ang kasalanan ay pumasok sa sanlibutan sa pamamagitan ng isang tao, at ang kamatayan ay pumasok sa pamamagitan ng kasalanan. Dahil dito, lumaganap ang kamatayan sa lahat ng tao sapagkat ang lahat ay nagkasala” (Roma 5:12) at sa Roma 5:17, “Sa pamamagitan ng pagsuway ng isang tao, naghari ang kamatayan.” Kaya ang kasalanan ay naging likas sa tao; “Ako'y masama na buhat nang isilang, makasalanan na nang ako'y iluwal,” (Awit 51:5). Paano na sanggol palang ay napapasa na ang likas na kasalanan ng tao mula kay Adan? Ang kasalanan ay naipapasa mula sa henerasyon hanggang henerasyon sa pamamagitan ng ating ama; Kung ang tao ay nabuo sa pamamagitan ng binhi ng lalake at ng babae ang bunga ay isang sanggol na may makasalanang kalikasan. Ngunit sa kaso ng Panginoong Hesus, walang kasalanan ni Maria ang naipasa sa Kanya dahil hindi lamang isang birhen si Maria kundi dahil din naman sa paglilim Kay Hesus ng Banal na Espiritu habang nasa sinapupunan ni Maria.
Kaya, ang dahilan ng genealogy ay upang ipakita ang katotohanan na si Jesus ay may karapatang maghari. Maaaring tumagal tayo ng mahabang panahon upang ipaliwanag ang kahalagahan nito, ngunit ang kailangan lang gawin ng mga Judio ay basahin ito at makuha nila ang mensahe. Alam nila ang kanilang Lumang Tipan: Alam nila ang tungkol sa sumpa kay Jeconias, ang royalty ng Davidic line, at ang kahalagahan ng mga genealogy sa pagtatatag ng karapatan ng isang tao na maghari. At ginamit ni Mateo ang mismong mga isyung ito upang ipakita na si Jesus ay may karapatang maging Hari.
C. The Revelation of the Roles
Sinimulan ni Mateo ang kanyang genealogy sa mga salitang ito: "Ang aklat ng lahi ni Jesu-Cristo, na anak ni David, na anak ni Abraham." Ang salitang aklat (Gk. biblos) ay maaaring mangahulugang "isang aklat, isang listahan ng mga pangalan, o isang talaan." Ang listahan ng mga pangalan na ito ay literal na "aklat ng mga pasimula (Gk. geneseos) tungkol kay Jesucristo." Ito ang kuwento kung paano si Jesu-Kristo naging sa kung sino Siya, ang talaan ng Kanyang pinagmulan at ninuno. Ang pangalang "Jesu-Kristo," higit sa pagiging isang personal na pagkakakilanlan, ay naghahatid din ng mga tungkulin kung saan Siya naglilingkod.
a Jesus
Sa Griyego, ang pangalang ito ay Iesous, ang katumbas ng Bagong Tipan ng Lumang Tipan na Jeshua o Jehoshua, na nangangahulugang "Si Jehova ay kaligtasan.” Ang Kanyang pangalan ay naglalarawan kung bakit Siya isinugo, gaya ng binanggit sa Mateo 1:21: “At siya'y manganganak ng isang lalake; at ang pangalang itatawag mo sa kaniya'y JESUS; sapagka't ililigtas Niya ang kaniyang bayan sa kanilang mga kasalanan.”
b. Christ
Ang pangalang ito ay isasalin bilang Christos sa Griyego, na nangangahulugang "ang pinahiran.” Siya ang pinahiran (inutusan ng Diyos) na propeta, pari, at Hari.
Kaya ang genealogy na ito ay ang aklat tungkol sa pasimula ng Isa na magliligtas, at pinahiran bilang propeta, pari, at Hari.
Ngayon, napakahalagang malaman na si Kristo ay may karapatang maghari sa bisa ng Kanyang genealogy. Ngunit sa kabila ng kung sino Siya, ang dalisay at walang bahid na Panginoong Jesus ay kinutya, siniraan at pinaratangan ng mali tungkol sa Kanyang pinagmulan.
D. The Response of Ridicule
Ano ang naging tugon ng mga kumukutya sa kanya?
a. Mateo 13:54-57
54 Umuwi Siya sa kanyang bayan at nagturo sa kanilang sinagoga. Nagtaka ang mga nakarinig sa Kanya, kaya't kanilang itinanong, “Saan kumuha ng ganyang karunungan ang taong iyan? Paano Siya nakakagawa ng mga himala? 55 Hindi ba Siya ay anak ng isang karpintero? Hindi ba si Maria ang Kanyang ina at sina Santiago, Jose, Simon, at Judas ang Kanyang mga kapatid? 56 At tagarito rin ang Kanyang mga kapatid na babae, di ba? Saan kaya Niya natutuhan ang lahat ng iyan?” 57 At Siya'y hindi nila pinaniwalaan.”
b. Juan 7:27
Nang si Jesus ay bumaba sa Pista ng mga Tabernakulo, ang mga Judio ay nagalit
sa Kanya dahil sa Kanyang sinabi, at sila ay tumugon, “Ngunit pagdating ng Cristo ay walang makakaalam kung saan siya magmumula, subalit alam natin kung saan nagmula ang taong ito!” "Kilala natin itong si Jesus. Hindi siya maaaring ang Kristo, dahil alam natin kung saan Siya nanggaling...Siya ay mula sa Nazareth, sa hilaga. Kung tutuusin, mahirap paniwalaan na ang Mesiyas ay manggagaling sa ibang lugar maliban sa Jerusalem.” Hindi natin masisisi ang ganung pag-iisip. Siya ay wala lang na nanggaling sa kung saang lugar. Sa mga talata 40-41, makikita natin ang magkahalong reaksyon kay Jesus: "Sinabi ng ilang nakarinig sa Kanya, ‘Tunay ngang ito ang Propetang hinihintay natin!’ ‘Siya na nga ang Cristo!’ sabi naman ng iba. Ngunit may nagsabi rin, ‘Maaari bang magmula sa Galilea ang Cristo? Di ba hindi?’”
c. Juan 8:41, 48
Sinabi ni Jesus sa mga Pariseo, “Ang ginagawa ninyo'y tulad ng ginawa ng inyong ama.” Sumagot sila, “Hindi kami mga anak sa labas. Iisa ang aming Ama, ang Diyos… Sinabi ng mga Judio kay Jesus, “Hindi ba tama ang sinabi naming ikaw ay Samaritano at sinasapian ng demonyo?” “Ikaw ay sinasapian ng isang demonyo na resulta ng pakikiapid na nagmula sa kung saang bayan, at sa kung saang pamilya; kaya't huwag ilatag sa amin na ikaw ang tunay na Mesiyas!”
Kaya't si Mateo ay nagbabalik-tanaw sa lahat ng kalituhan na ito tungkol sa pinagmulan ni Kristo, at sa ilalim ng inspirasyon ng Banal na Espiritu, isinulat ang aklat ng mga pasimula ni Jesu-Cristo, upang hindi na kailangang magtanong tungkol sa kung saan Siya nanggaling.
Pagsasabuhay:
Ngayon, may diin sa genealogy na ito na nagpapaalala sa atin. Si Jesu-Kristo ay isang Hari na hindi katulad ng ibang hari: Siya ay hindi isang Hari na namumuno ayon sa batas; Siya ay isang Hari na namamahala sa pamamagitan ng biyaya. At habang tinitingnan mo ang genealogy na ito, makikita mo ang tema ng biyaya sa lahat ng dako. Ang temang ito ay naglalahad tulad ng pag-usbong ng isang magandang bulaklak. Makikita natin sa susunod na pag-aaral ang temang ito na makikita natin sa biyaya ng Hari.
Ngunit nais kong tanungin ang bawat isa kung sino ba talaga ang naghahari sa atin? Marami ang nagsasabi na si Jesus ang kanilang hari. Tuwing kapaskuhan marami ang nagsasabi na ito ang panahon na pinagdiriwang at inaalala ang pagsilang ng ating Hari. Ngunit anong kalseng hari ba Siya sa buhay mo? O sa buhay ng marami? Marami nagsasabi na ang pinakapaborito nila na panahon sa buong taon ay ang buwan ng December dahil ito ang panahon na sobrang saya -- maraming palamuti, maraming party, reaglo, reunion, mahabang bakasyon, Christmas bonus at 13th month pay. May nag sasabi na malungkot at malamig ang kanilang pasko dahil single sila. Yung iba gumagawa ng masama may panghanda lang sa pasko. Sa gabi bago ang pasko malalakas na tugtugan, mga inuman, palarao at kasiyahan ang makikita sa halos lahat ng lugar. Ang mga ito ay nagpapakita na ang mga taong ito na nagsasabi na ginagawa nila ito dahil ipinanganak si Jesus na kanilang hari pero kinikilala Siya na hari na kinakaya-kaya. Hari na hindi kinakatakutan. Hari pero hindi pinaghahari sa kanilang buhay. Dahil ang tunay parin na naghahari sa kanilang buhay ang kanilang sarili at si Satanas.
Ang pasko ay hindi tungkol sayo o sa akin. Ang pasko ay tungkol kay Jesus na ating Hari. Siya ang dapat na maghari sa ating buhay, pamilya, at sa lahat ng area ng ating buhay.
Mateo 15:8-9a
“Ang paggalang sa akin ng bayang ito ay pakunwari lamang, sapagkat sa bibig at hindi sa puso ito bumubukal. Walang kabuluhan ang kanilang pagsamba,”
Juan 14:15
“Kung iniibig ninyo Ako, tutuparin ninyo ang Aking mga utos.”
Mateo 7:21
“Hindi lahat ng tumatawag sa Akin, ‘Panginoon, Panginoon,’ ay papasok sa kaharian ng langit, kundi ang mga taong sumusunod sa kalooban ng Aking Ama na nasa langit.”
Muli ang tanong, sino si Jesus sa iyong buhay ngayong kapaskuhan?” “Sino ang tunay na naghahari sayo?”
______________________________________________________________________________
Discussion:
(Para sa grupo o personal na pag-aaral)
Pag-isipan:
1. Ano ang inihayag ng genealogy ni Mateo tungkol kay Jesus?
2. Bakita mahalaga ang genealogies sa mga Hudio?
3. Bakit kailangan na si Jesus ay maipanganak sa pamamagitan ng virgin birth?
4. Ano ang mga ilang tugon ng mga kumukutya kay Jesus ayon sa ilang mga talata n ating nakita?
5. Pwede ba na kinikilala si Jesus ng mga tao na hari pero hindi nakikita sa buhay? Paano niyo ito masasabi?
Pagsasabuhay:
1. Si Jesus ba ang tunay na naghahari sa iyong buhay? Paano mo nasabi? Papaano mo Siya mas lalong paghahariin sa iyong buhay?
Panalangin:
Ipanalangin ang pagsasabuhay na nagawa na tulungan tayo ng Diyos na maipamuhay ito.
Walang komento:
Mag-post ng isang Komento