Name of God: Builder
Sirain o Itayo
Basahin: 1 Tesalonica 5:11-18
(81 of 366)
“Dahil dito, palakasin ninyo ang loob ng isa't isa at magtulungan kayo tulad ng ginagawa ninyo ngayon” (1 Tesalonica 5:11)
Kung sa pisikal na konstruksiyon o sa mga relasyon, ang demolisyon ay mas madali kaysa sa pagtatayo. Mas natural sa atin ang magwasak kaysa magtayo.
Inutusan ni apostol Pablo ang mga Kristiyano sa Tesalonica na patibayin ang isa't isa. Pagkatapos ay sinabi niya sa kanila kung paano ito gagawin. Maaari silang magsimula sa pamamagitan ng pagpapahalaga sa kanilang espirituwal na mga pinuno at pamumuhay sa kapayapaan sa isa't isa. Hinimok niya sila na ituwid ang mga nangangailangan ng pagtutuwid, pasiglahin ang natatakot, at tulungan ang mahihina. Dapat din silang maging matiyaga at umiwas sa paghihiganti. Sa lahat ng mga bagay na ito, hinikayat niya silang magsaya, manalangin, at magpasalamat.
Ang mga relasyon ay nangangailang trabahuin. Mas madaling magsalita ng masama tungkol sa mga tao, lalo na kung gagawin natin ito sa ilalim ng pagkukunwari ng paghingi ng panalangin para sa kanila, kaysa ito ay upang palakasin sila. Ang pagbuo ng isang tao ay nangangailangan ng oras at pagsisikap. Ito ay nangangailangan sa atin na palampasin ang kanilang mga pagkakamali at tumuon sa kanilang mga kalakasan.
Maaaring mas madaling sirain, ngunit kapag pinatatag natin ang mga tao, ang mga resulta ay tumatagal ng walang hanggan.
Pagbulayan:
Sino ang kilala mo na sa tingin mo ay nakakaranas ngayon ng panghihina dahil sa nagawang mali o kabiguan? Paano mo matutulungan ang mga taong ito sa pagbuo muli ngayon?
Panalangin:
Ama sa Langit, patawarin Mo po ako sa mga pagkakataong sinubukan kong patatagin ang aking sarili sa pamamagitan ng pagsira sa iba. Tulungan Mo po akong buuin ang mga taong inilagay Mo sa buhay ko.
Walang komento:
Mag-post ng isang Komento