The Poor Rich Church (Part 3 of 8)Scripture: Pahayag
2:8-11
Isiniayos at tinuro ni Pastor Arnel Pinasas
Mula sa Aklat ni John MacArthur – The Church in Prophetic Perspective
Pahayag 2:8-11
8 “Isulat mo sa anghel ng iglesya sa Esmirna: “Ito ang ipinapasabi sa iyo ng simula at wakas, ang namatay at muling nabuhay. 9 Nalalaman Ko ang mga kapighatian na dinaranas mo. Alam Kong mahirap ka, ngunit ang totoo'y mayaman ka. Nalalaman Ko rin ang mga paninirang-puri sa iyo ng mga hindi tunay na Judio; ngunit ang totoo, sila'y mga kampon ni Satanas. 10 Huwag kang matakot sa mga pag-uusig na malapit mo nang danasin. Makinig ka! Ipabibilanggo ng diyablo ang ilan sa inyo bilang pagsubok; magtitiis kayo sa loob ng sampung araw. Manatili kang tapat hanggang kamatayan, at gagantimpalaan kita ng korona ng buhay. 11 “Anglahat ng may pandinig ay makinig sa sinasabi ng Espiritu sa mga iglesya! “Ang magtatagumpay ay hindi makakaranas ng pangalawang kamatayan.”Introduction
Ang book ng Revelation ay nahulog sa tatlong categories: Chapter 1 is the vision of Christ; chapter 2 and 3 are the letters to the seven churches; at chapter 4 to 22 ang mga prophetic view na mga mangyayari. Iyan ang outline ng book na ipinahayag sa Revelation 1:19:
“Kaya't isulat mo ang iyong nakikita (the vision of Christ),
ang nangyayari ngayon (the churches)
at ang mangyayari pa pagkatapos nito (the prophecy of the things to come).” At tayo ngayon ay naka pokus sa pangalawang category - ang the seven churches. Ngayon tayo ay nasa pangalawang bahagi patungkol sa mga sulat sa mga church-specially sa church sa Smyrna para sa pag-aaral natin ngayon.
A. The Elements of Smyrna
Ang church sa Smyrna ay kumakatawan sa persecuted church. It was…
1. AN HISTORICAL CHURCH
Ito ay matatagpuan sa tatlumpu't limang milya sa hilaga ng Ephesus sa Asia Minor. Ang mga grupo ng mga mananampalataya sa church na iyon ay pinag-uusig noong 95 A.D. at the time na sinulat ito ni Juan. It was also…
2. A SYMBOLIC CHURCH
Ang church sa Smyrna ay kumakatawan sa bawat persecuted church sa bawat panahon. Ito rin ay kumakatawan sa bawat persecuted believer. Ang church sa Smyrna ay historical dahil ito ay tunay na nag exist. Again, it is symbolic dahil kumakatawan ito sa lahat ng persecuted church.
B. The Exception of Symrna
Gaya ng sinabi ko nakaraan, most of the letters ay may pitong basic parts: the correspondent, the church, the city, the commendation, the condemnation, the command, and the counsel. Pero may mga ilang exception, at ang Smyrna ay isa doon dahil sa sulat sa kanila meron lang itong anim na bahagi.
1. THE ABSENCE OF CONDEMNATION
Ang bahagi na wala sa sulat ay ang the condemnation. Walang masama na nabanggit sa church sa Smyrna.
2. THE ABSENCE OF HYPOCRISY
Yamang ang iglesya sa Smyrna ay dumaranas ng maraming pagdurusa, sa kadahilanang ito magiging napakadali upang mabilis na mawala ang mga tao. Maaari silang sumuko, at ang church ay maaaring mamatay sa ilalim ng persecution. Ngunit ang pag-uusig ay may paraan ng paglilinis ng mga antas. Ang mga taong hindi namumuhay para kay Jesu-Kristo ay hindi nila aangkinin na sila’y mga Kristiyano dahil maaari silang mamatay. Kaya ang persecuted church ay walang mga mapagkunwari. Naalala ko yung kwento na may isang persecuted church sa isang bansa na bawal ang mga Christian. Kaya sila ay palihim na nagtitipon. Isang araw ng kanilang pagtitipon may malakas na katok at sigaw silang narinig sa kanilang pintuan sa kanilang secret church. Sabi ng sumisigaw, “Buksan ninyo ito, kundi mamatay kayong lahat dyan na nasa loob!” Kaya nagsimulang mag iyakan ang mga tao sa loob. Pagkabukas ng pinto habang hawak ng mga lalaki ang kanilang mga baril sumigaw ulit ang lalaki at sinabi, “kung sino ang hindi tunay na mananampalataya dito ni Kristo ay maaari ng lumabas at maiwan ang mga tunay na mananampalataya!” At nakakalungkot na halos naubos ang laman ng mga sumasamba doon. Muli nagtanong ang lalaki, “wala na bang hindi tunay na kristiyano dito? Isara na ang pinto!” Pagkasara ng pinto bilang nag bago ang boses ng lalaki at ang mga kasamahan niya ay binitawan ang mga baril nila at sinabi nila, “Kami din ay mga tunay na mananampalataya katulad ninyo. Gusto lang namin na sumamba kasama ang mga totoong mga Kristiyano. Sige tawagin nyo na si pastor para mag simula na tayo.” Bilang nag iyakan ulit ang mga kristiyanong naiwan at nag taka ang mga lalaki, “O, bakit kayo nag-iiyakan?” tanong ng mga lalaki. “Eh kasi si pastor ang unang tumakbo sa kanila palabas!”- Iyan ang maaaring nangyari sa church sa Smyrna kaya blessing din yung persecution. Halos naubos ang mga hypocrite sa kanilang kalagitnaan. Kasi ang taong hindi tunay na mananampalataya ay hindi handang mamatay para sa isang bagay na hindi nila pinaniniwalaan. Ang persecuted church ay pure church. Dahil dito, walang pagkondena (condemnation) na ibinigay sa simbahan sa Smyrna. Tignan muna natin ang…
I. THE CORRESPONDENT (v.8)
“Isulat mo sa anghel ng iglesya sa Esmirna: ‘Ito ang sinasabi sa iyo ng simula at wakas, ang namatay at muling nabuhay.’”
Sinabihan si Juan na isulat kung ano ang sinabi ng "ang una at ang huli, na namatay at buhay.” Sino Siya? Si Jesu-Kristo.
A. Christ Sole Authorship
Hindi nagsusulat si Juan sa Smyrna sa sarili lang niyang kaisipan; iniuugnay niya ang direktang impormasyon mula sa bibig ni Kristo. Sa Revelation 1:13, si Kristo ay nilalarawan na naglilingkod sa pitong lampstad, na nag-re-represent sa church. Bilang Siya na naglilingkod sa lampstands, Siya ay nakadamit na tulad ng Anak ng Tao, “na nakasuot ng mahabang damit, at may gintong pamigkis sa kanyang dibdib.” (Pahayag 1:13). Kaya si Kristo ay sumusulat ng mga liham habang Siya ay naglilingkod sa mga simbahan. Si Kristo ang may-akda.
B. Christ’s Self-Portrait
Sabi ni Jesus Siya’y namatay pero muling nabuhay. Bakit ganito ang pagtawag Niya sa kanyang sarili? Dahil sa ganitong daan Niya tinawag ang Kanyang sarili sa Pahayag 1:17b-18a: “…Ako ang simula at ang wakas, at ang nabubuhay! Namatay Ako ngunit tingnan mo, Ako'y buháy ngayon at mananatiling buháy magpakailanman…” Kinikilala lamang ni Juan si Jesu-Kristo mula sa isang naunang paglalarawan.
1. EXPRESSING SYMPATHY
Isa pa sa mga dahilan kung bakit ganito ang ginamit na paglalalarawan sa Kanya sa sulat Niya sa church sa Smyrna ay dahil Siya ay nagsusulat sa suffering church. Parang sinasabi Niya sa kanila na, “Alam ko ang inyong pinagdadaanan. Ako rin ay minsang naghirap at namatay. Nag-aalala kayo sa pagkamatay bilang isang martyr—galing na Ako diyan.” So, Jesus is expressing sympathy
2. ENCOURAGING VICTORY
Hindi lang iyon, mayroong pambihirang encouragement sa sinabi Niya. Sa paglalarawan Niya sa church sa Smyrna na namatay at muling nabuhay, parang sinasabi ni Kristo na, “Nakikiramay Ako sayo. Pero mayroon pang higit pa dito, maibibigay Ko sayo ang katagumpayan. Maaari kang mamatay dahil sa Akin, pero ikaw ay tiyak na mabubuhay.” Ano sabi ni Jesus sa Juan 14:19? “…sapagkat buháy Ako, mabubuhay rin kayo.” Nilarawan ni Jesus ang Kanyang sarili ayon sa sitwasyon na umiiral sa Smyrna. Ang mga mananampalataya ay nag su-suffer; at maaari silang mamatay. Kaya pinaalala Niya sa kanila kung ano ang pinagdaanan din Niya. Sympathy at victory ay parehong nahayag sa title na ginamit ni Jesus para sa Kanyang sarili. Sunod na titignan natin…
II. THE CHURCH (v.8)
“Isulat mo sa anghel ng iglesya sa Esmirna…”
A. Its Pastor
Si Kristo ay nagsusulat sa pastor ng Smyrna. According sa history, ang Pastor sa Smyrna ay si Polycarp. Nanatili siyang Pastor hanggang sa kanyang kamatayan ng mga 155 A.D. Gusto ni Kristo na maipabatid niya ang Kanyang mensahe sa buong kapulungan.
B. Its Beginning
Ayon muli sa history, hindi malaman kung kailan nagsimula ang church sa Smyrna. Wala rin tayong idea sa laki o maging sa kung sino ang nagsimula nito. Ngunit tila may posibilidad na nagsimula ito bilang isang outreach ng iglesya sa Ephesus sapagkat tatlumpu't limang milya lamang ang layo nito. Si Apostle Paul ay naglaan ng tatlong taon sa Ephesus na nagtatag ng malakas na iglesya (Acts 20:31). According sa Acts 19:10, na ang Salita ng Diyos na nagsimula sa church sa Ephesus ay lumaganap sa buong Asia Minor (cf. Acts 19:26). Kaya maaaring ang church sa Smyrna ay nagsimula bilang resulta ng paglaganap ng Salita ng Diyos mula sa Ephesus. Kung babalikan natin sa background ng Ephesus na sila ay merong mga excellent teachers: Paul, Timothy, Aquila, Priscilla, at Apollos. Gayunpaman, ang punto dito ay hindi kung kailan ito nag simula; ang mahalaga ang katotohanan na ito ay nagsimula. Hindi nabanggit ang pangalan ng church na ito sa book of Acts, kaya marahil hindi kailanman nakarating si Paul sa anumang missionary journeys niya sa lugar ng Smyrna.
The Meaning of Smyrna
Ang Smyrna ay isang interesanteng salita dahil ang salitang Griego na “smurna” ay isinalin bilang "mira o myrrh.” Ito ay isang sangkap na kinuha mula sa isang punong-kahoy na matinik.
1. ITS USE IN HISTORY
Ang Myrrh ay ginagamit sa maraming bagay:
a. Perfume
b. Holy Ointment
Ginagamit ito para ipahid sa mga tao sa kanilang pagan religious ceremonies.
2. ITS USE IN THE NEW TESTAMENTS
Ang Greek word ng Myrrh na Murna ay tatlong beses lang ginamit sa New Testament. Sa bawat pagkaktaon sinasalin itong “myrrh”—except kapag ito ay lumitaw bilang pangalan ng lunsod.
a. At Christ Birth
Sa Matthew 2:11, makikita natin na isa ito sa mga dala ng mga wise men mula sa silangan bilang handog kay Jesus - gold, frankincense at myrrh. Bagamat dumating sila na bata na si Jesus dahil sa layong kanilang nilakbay, originally ito’y handog para sa Kanyang kapanganakan.
b. At Christ’s Crucifixion
According sa Mark 15:23, habang si Jesus ay nakabitin sa krus, Siya ay inalok ng alak na may halong myrrh. Nagsilbi itong anesthetic-para maibsan ang sakit na Kanyang nararamdaman.
c. At Christ Burial
According sa Juan 19:39, “mga tatlumpung kilong pinaghalong mira at aloe.” ang ginamit para ihanda ang katawan ni Jesu-Kristo para sa paglilibing pagkatapos Niyang mamatay.
Ang Myrrh ay present sa kapanganakan ni Kristo, kamatayan, at libing. Myrrh also refers to suffering. Habang si Jesus ay nag hihirap sa krus, inalok Siya ng myrrh. Nang Siya ay mamatay, Siya ay inimbalsamo na may myrrh.
C. Its Suffering
1. A FITTING NAME
Since myrrh can refer to suffering, naaangkop na ang suffering church ay naka-locate sa Smyrna. Daang taon bago simulan ng Diyos ang church sa lunsod na ito, inihanda na Niya ang tamang pangalan: Smyrna. Sinasabing natanggap ng lungsod ang pangalan nito mula sa katotohanan na mayroon itong isang napaka pinakinabangang kalakalan sa mira. Tinawag din ang Smyrna na, “The Port of Fragrance.”
2. A FITTING PICTURE
Nagbibigay ang Myrrh ng isang magandang larawan ng pagdurusa. Nang si Kristo ay dumating sa mundong ito bilang isang munting sanggol, dumating Siya na nagdurusa. Nang Siya ay mamatay sa krus, Siya ay nagdurusa. Nang makita ang katapusan ng Kanyang pagdurusa, Siya ay inimbalsamo na may myrrh.
a. Releasing the Fragrance
Ang isang interesting na bagay patungkol sa myrrh ay dapat muna itong durugin bago ito magbigay halimuyak. The more na ito ay dinudurog, the more na hahalimuyak ito. The same thing na totoo sa church ng Smyrna. The more na ito ay dinudurog, ito’y nagiging mabangong samyo. The more na sila ay inaapakan, the more na nahuhuli ng mundo ang halimuyak ng kanilang pananampalataya at pag-ibig. Ang durog na church ay isang mabangong church. Pinahintulutan ng Diyos na durugin ni Satan ang church; the more na malala ang pagdurog, the more na nagbibigay ito ng halimuyak ng biyaya at patotoo.
b. Running to Jesus
Interesting na makita kung ano ang nangyayari sa mga mananampalataya o sa iglesya sa persecution. Ang mga ito ay tulad ng isang bata. Kapag ang bata ay nasaktan, normal na makita natin na ito ay tumatakbo sa kanyang nanay at sinusumbong yung sakit na nararamdaman nila. Ang church na persecuted ay tumutugon din katulad ng ganoon. The more na tayo ay durog, the more na tumatakbo tayo kay Jesus. Instead na mawasak nila ang church, ang persecution pa ang mas nag dala sa church papalapit kay Jesus. Napansin nyo ba ang nangyayari sa inyong buhay? Kailan nyo nakita ang sarili niyo na lumapit kay Jesus? Kapag may mga hindi magandang bagay na nangyari sa inyo? Ngayon naiintindihan na natin ang Diyos kung bakit minsan hinahayaan ng Diyos na maranasan natin ang kahirapan. Itong nangyari sa ating pandemic dahil sa COVID-19? Nakikita ito ng marami ngayon na hindi magandang pangyayari, pero subukan ninyon pansinin ang mas malalim na naging dulot nito sa mga tao? Diba kapansin pansin na mas naghahanap ngayon ang tao sa Diyos, mas nagiging seryoso sila ngayon sa kanilang pananampalataya. Alam ng Diyos kung ano ang kailangan mo para ikaw ay lumapit sa Kanya. Ang church sa Smyrna ay nadurog nang dahil sa pagmamahal nito kay Kristo; the more na sila’y dinudurog, the more na sila’y nagmamahal. Tignan natin ang kaibahan nito sa nakaraang church na pinag-aralan natin - ang church sa Ephesus. Sila ay walang naranasang persecution. Pero ano yung nawala sa kanila? Love. Iniwan nila ang unang pag-ibig. Ang church sa Smyrna ay hindi. The more na kinamumuhihan sila ng sanlibutan, the more na minamahal nila si Jesus; the more na sila ay inaapakan, the more na sila ay sumasandal kay Kristo. Ang mga mapagmahal na banal ni Kristo sa maliit na simbahan sa Smyrna ay dukha, durog, walang kapangyarihan, at naghihirap. Ganunpaman, sila ay inaaliw sa mainit na kamay ni Jesu-Kristo at tumatagas ang halimuyak na nababatid ng sanlibutan.
III. THE CITY (v.8)
Anong uri ng lunsod ang Smyrna? Marahil ito ang pinakamagandang lunsod sa Asia Minor. Ito ay tinawag na, “The Crown of Asia.” Ngunit sigurado ako na ang kagandahan nito ay tila naging parang sa mahirap dahil sa kabayaran ng kapabayaan ng mga arkitekto na nagplano ng lunsod: Walang mga drains na ginawa, kaya lahat ng dumi sa imburnal ay bumagsak sa mga kalye. Mas lumalala ang problema doon kapag tag-ulan.
A. Its Continuation
Ang Smyrna ay isang matandang lunsod. Dumaan ito sa iba’t ibang pangalan. Ngayon, ang Smyrna ay ang pinaka malaking lunsod sa Asia Minor, na ngayon ay tinatawag na “Izmir,” which is the Turkish name sa Smyrna. Hanggang ngayon ay nag-e-exist parin ngayon doon ang mga mananampalataya na nagmamahal kay Jesu-Kristo. Naaalala ninyo ang nangyari ngayon sa Ephesus sa nakaraang pinag-aralan natin? Sabi ni Jesus, “Kapag hindi ka nagsisi at nagbalik sa iyong unang pag-ibig, pupunta Ako diyan at aalisin Ko sa kinalalagyan ang iyong ilawan.” Kaya ngayon wala kang makikitang church ngayon sa Ephesus. Pero thrithy-five miles north merong church sa Smyrna. Mula noon hindi nila iniwan ang kanilang unang pag-ibig. Kumapit sila kay Jesu-Kristo. Muli, the more na ang church ay dinudurog, the more na kakapit ito sa Kanya.
B. Its Characteristics
Sa panahon ng Romano, ang Smyrna ay isang dakilang lunsod. Bakit?
1. SMYRNA HAD A GREAT HARBOR
Merong natural na magandang daungan dito kung saan ang mga pandigmang barko ay maaaring kumubli mula sa pag-atake sa labas.
2. SMYRNA WAS A BEAUTIFUL CITY
Sabi ni Aristide, na Athenian statesman at general ng fifth century B.C., “The wind blows through every part of the city, and makes it as fresh as grove of trees.” Gayunpaman, merong problema sa hangin galing kanluran: Kapag yung kanal sa lunsod ay dumeretso sa kalsada papuntang dagat, ang mabahong hangin mula sa mga duming ito ay babalik sa kanila. Pero sa kabila ng mga problema, ang kinalalagyan ng lungsod ay napakaganda.
3. SMYRNA WAS A FREE CITY
Ang Smyrna ay isang makabayang lunsod. In fact, at one time in history, anim na lungsod ang nakipagkumpitensya upang makita kung sino ang magkakaroon ng pagkakataon na magkapagtayo ng isang templo sa Roma. Ang Smyrna ang napili sa iba pa dahil sa kanilang pagiging makabayan. Sa tuwing may civil war sa Roma, sila ay kumakampi sa right side. Tulad ng Ephesus, sila’y ginawa ring free city. Walang Roman garrison ang nakatayo dito. May kalayaan ang mga tao dito sa kung ano ang gusto nilang gawin.
4. SMYRNA WAS A PAGAN WORSHIP CENTER
Kung sa Ephesus makikita ang temple ni Diana, dito naman makikita ang mga templo nila Cybele, Apollo, Asclepius, Aphrodite, at kay Zeus. Meron din ditong nakakamanghang monument sa dakilang si Homer, na pinanganak sa Smyrna. It rin ay lugar ng pagsamba sa emperor. Si Caesar ang isa sa mga sinasamba doon. Nakaukit ang larawan niya doon na may burning incense na nakatirik. Sa kalagitnaan ng lunsod na ito may isang maliit na grupo ng mga taong nagmamahal kay Jesus. Silay ay pinahihirapan at pinapatay.
Nakita na natin ang the correspondent, the city, the church, at ngayon tignan naman natin ang…
IV. THE COMENDATION (v.9)
“Nalalaman Ko ang iyong kapighatian, at ang iyong kadukhaan (datapuwa’t ikaw ay mayaman), at ang pamumusong ng mga nagsasabing sila’y mga Judio, at hindi sila gayon, kundi isang sinagoga ni Satanas.”
A. Their Teacher
Merong dalawang importanteng salita sa verse 9: “Nalalaman Ko.” Maririnig natin na parang sinasabi ni Jesus na, “Alam Ko—nanggaling Ako sa ganyan. Alam Kong mahirap.” Si Jesus ay isang Taga-pagligtas na laging nakikiramay. Sabi Niya, “Alam Ko ang iyong mga ginawa. Alam Ko ang iyong kapighatian. Alam Ko ang iyong paghihirap. Natatandaan mo Ako? Ako man din ay pinahirapan tulad mo.” Sa English ang ginamit na salita ay “I know your tribulation”- ang greek word sa salitang tribulation ay “thlipsis.” Gustong sabihin ni Jesus, “Alam Ko ang pressure at paghihirap hanggang kamatayan. Alam Ko yung persecution mo. Alam Ko ang iyong kadukhaan. Alam Ko ang lahat ng paninirang-puri at poot na meron ang maraming Judio sayo.”
Ang greek word sa “know” ay “oida.” Ibig sabihin, “Alam Ko ang iyong pinagdadaanan dahil nanggaling Ako diyan. Ako ay pinahirapan, dukha, sinampal at pinatay.” Minsang sinabi ni Jesus sa Mateo 8:20, “May mga lungga ang mga asong-gubat at may mga pugad ang mga ibon, ngunit wala man lamang matulugan o mapagpahingahan ang Anak ng Tao.” Si Jesus ay hindi nasa malayong distansya; Siya ay tunay at nakikiramay.
B. Their Tests
1. TRIBULATION
Ang statement na, “Nalalaman Ko ang iyong gawa…” ay general. Ito ay hindi sinasama sa ilang manuscript. Maaaring maisip ng mga mananampalatayang naghihirap sa Smyrna kung ang Panginoon ay nasa Kanila pa ba talaga.
a. The Result of their Persecution
Sabi ni Jesus, “Alam Ko ang…pagdurusa (tribulation)…” Muli galing ito sa greek word na “thlipsis” na ang ibig sabihin ay, “constant aggressive persecution” (Tuloy –tuloy na matinding paghihirap). In fact, ang literal na ibig sabihin ng thlipsis ay “to be crushed.” Nakikita nyo yung kahulugan? Ang munting church sa Smyrna ay dinurog.
b. The Reasons for their Persecution
Ano yung dahilan kung bakit sila pinahihirapan? Ang ang church sa Smyrna ay tutol sa tatlong bagay:
1) Emperor Worship
Two hundred years before Christ was born, mga 195 B.C., Ang “Dea Roma” (Rome personified as a goddess) ay naitayo sa Smyrna. Ang lunsod ay naging sentro ng emperor worship: Ang mga tao ay nagsimulang sumamba sa Rome at sa kalaunan sa pagsamba kay Caesar. Ang pagsamba sa emperor ay naging sanga ng kung ano ang orihinal na pagsamba sa Rome. Ang mga Kristiyano sa Smyrna ay nakatira sa kalagitnaan ng pagsamba sa emperor: Si Caesar ay diyos sa mga tao. Ang mga Kristiyano ay hindi nagtitirik ng insenso sa mga rebulto ni Caesar. Dahil dito, sila’y inakusahan na sila ay hindi makabayan. Kaya ang lahat ng sambahayan nila ay boycott ng mga tao.
2) Pagan Worship
Hindi rin angkop ang mga Kristiyano sa kumunidad na sangkot sa pagan worship. Merong mga templo, festivals, at mga libong mga diyus-diyosan. Merong mga diyus-diyosan na makikita sa kanilang mga kalsada. Kahit saan naroon ang mga ito. Ang mahalay na pagsamba ay makikita rin sa Smyrna. Syempre, hindi sumusunod ang mga Kristiyano sa kanila, kaya't sila ay natanggal mula sa lipunan. Pero ang totoong persecution ay hindi nagmula sa mga sumasamba sa emperor at sa mga diyus-diyosan, kundi sa…
3) The Jews
Pahayag 2:9, “Nalalaman Ko ang iyong kapighatian, at ang iyong kadukhaan (datapuwa’t ikaw ay mayaman), at ang pamumusong ng mga nagsasabing sila’y mga Judio,at hindi sila gayon, kundi isang sinagoga ni Satanas.”
a) The Synagogue of Satan
Tinawag ni Jesus itong partikular na mga Judio na “isang sinagoga ni Satanas.” Anong ibig sabihin niyon? Ang mga Judio ay minsang pumupunta sa sinagoga ng Diyos. Pero ang parehong synagogue na iyon ay hindi na synagogue ng Diyos; kundi ito ay naging synagogue ni Satanas. Bakit? Karamihan sa mga Judio ay tinakwil ang Messiah ng Diyos. Kung wala si Jesus sa iyong buhay, ang Diyos ay hindi mo Diyos, ang panginoon mo ay si Satanas - whether ikaw man ay Judio o Hentil. So, sabi ni Jesus, “Nalalaman Ko… ang pamumusong ng mga nagsasabing sila’y mga Judio,at hindi sila gayon, kundi isang sinagoga ni Satanas” (v. 9). Parehong lugar lang sa mga taong nagsasabing sila’y kabilang sa Diyos pero kabilang talaga kay Satanas.
b) The Blasphemy towards Christians
Sabi ni Jesus, “Nalalaman Ko… ang pamumusong (blasphemy)…” Ano ang ibig sabihin ng blasphemy? Ang salitang iyon ay karaniwang nauugnay sa isang taong lumalapastangan sa Diyos. Pero sa kasong ito, ang ilang mga Judio ay literal na naninirang-puri sa mga Kristiyano. Hinamak nila ang Kristiyanismo. Sa mga unang panahon ng iglesya, maraming taga-sunod ng Judaism ang galit sa mga Kristiyano. Halimbawa si Apostle Paul na isang Judio na minsang humamak sa mga Kristiyano. Bago siya maligtas, nilalaan niya ang maraming oras niya sa pagtangkang patayin sila. Since ang Jewish system hated Christianity, madalas na sinisiraang-puri ang mga Kristiyano ng mga Judio. Kapag ang isang Kristiyano ay siniaraang–puri, ang Kristiyanismo ang siniraang-puri. Kapag ang Kristiyanismo ay siniraang-puri, then si Kristo ang siniraang-puri. Finally, kapag si Kristo ay siniraang-puri, then ang Diyos ang nalapastangan. Ang mga Kristyiano sa Smyrna ay walang awang sinisiraan ng puri ng mga Judio. Nakikiisa sila sa mga pagano sa pagpatay sa mga Kristiyano.
(1) INSIGHTS FROM ACTS
Totoo ba talaga ito? Abosutely. Ang book of Acts ay puno ng mga insidente na makikita ang poot ng ilang mga Judio sa mga mananampalataya. In fact, nang dumating si Jesus, ang mga punong Judio ay galit kay Jesus at sa lahat ng Kanyang mga ginagawa. Ang galit na iyan ay nagpatuloy sa book of Acts. For example:
(a) In Antioch
Gawa 13:50
"Ngunit ang mga pinuno ng lungsod at ang mga debotong babae na kilala sa lipunan ay sinulsulan ng mga Judio upang usigin sina Pablo at Bernabe at palayasin sa lupaing iyon."
Inuusig ng mga Judio ang mga Kristiyano sa Antioquia.
(b) In Iconium
Gawa 14:2
"Gayunman, may ilang Judiong ayaw sumampalataya. Sinulsulan pa nila ang mga Hentil at nilason ang isip ng mga ito laban sa mga kapatid."
Lumikha sila ng malaking kaguluhan.
(c) In Lystra
Gawa 14:19
"Ngunit may mga Judiong dumating doon mula sa Antioquia at Iconio. Sinulsulan nila ang mga taga-Listra laban kay Pablo, kaya't siya'y pinagbabato nila. Pagkatapos, siya ay kinaladkad nila sa labas ng bayan, sa pag-aakalang siya'y patay na."
Hindi ito ginawa ng mga pinuno ng mga Judio; ginawa lamang nila ang pakikipag-usap at panghihikayat: Sila ay karaniwang kumukuha ng ibang tao na gawin ang kanilang maruming gawain para sa kanila.
(d) In Thessalonians
Gawa 17:5
"Ngunit nainggit ang mga Judio, kaya't tinipon nila ang mga palaboy sa lansangan at sila'y gumawa ng gulo sa lungsod. Nilusob nila ang bahay ni Jason at pilit na hinanap sina Pablo at Silas upang iharap sa bayan."
Sa kasong ito, ang mga hindi naniniwala na Judio ay nag-upa ng isang pulutong ng mga kawatan upang usigin ang mga Kristiyano. May passion yung galit ng mga Judio sa mga Kristiyano, ginagastusan. Nagpatuloy sila sa pagsusumikap na sirain ang mga Kristiyano. Bago mo sisihin at magalit sa mga Judio, tandaan na sa pangkalahatan sila ay nasa kadiliman - ang diyos ng sanlibutang ito ang bumulag sa kanilang kai-isipan (2 Cor. 4:4).
At iyan ang sitwasyon nang magsimula ang Kristiyanismo. Pero hindi nagtagal pagkatapos nito, ang sitwasyon ay nabaligtad. Ang mga Judio ay na-persecute sa mga kamay ng tinatawag na mga bansang Kristiyano. Ang lupain kung saan nagsimula ang Reformation kay Martin Luther ang parehong lupain na sumira ng anim na milyong mga Judio sa attempted genocide. Ngunit hindi ito palaging ganito. Sa simula, maraming mga Judio ang kinasusuklaman ang Kristiyanismo. Sila ang gumagawa ng pag-uusig.
(2) INSIGHT FROM HISTORY
Sa panahon ng Roman Empire, mayroong ilang mga mayayamang Judiong proselyte na mayroong tainga ng mga awtoridad. Ang ilan sa mga importanteng tao sa Roman Empire ay mga Jewish proselyte-ito yung mga taong na convert sa Judaism at galit sila sa Kristiyanismo. Naiulat na ang unang Roman emperor na pumatay sa mga Kristiyano ay si Nero. Bakit niya ito ginawa? Isa ang dahilan: Si Nero ay merong dalawang mahal na kaibigan, si Alituris, at ang lover ni Nero na si Poppaea (Na naging asawa din niya). Silang dalawa ay mga Jewish proselytes. Hinikayat nila si Nero laban sa mga Kristiyano.
c) The Claim of the Jewish Population
Mayroong isang malaking populasyon ng mga Judio na naroroon sa Smyrna na walang alinlangan na nilason ang isipan ng mga tao laban sa mga Kristiyano. Sabi sa Pahayag 2:9 na ang mga naninirang-puri sa mga Kristiyano ay ang mga nagsasabing sila’y mga Judio. Ngunit hindi sila Judio. Anong ibig sabihin nito? Ito ang sabi sa Roma 2:28-29, “Sapagkat ang pagiging isang tunay na Judio ay hindi dahil sa panlabas na kaanyuan o dahil sa pagtutuli sa laman. Ang tunay na Judio ay ang taong nabago sa puso't kalooban ayon sa Espiritu at hindi ayon sa Kautusang nasusulat. Ang papuri sa taong iyon ay mula sa Diyos at hindi mula sa mga tao.” Sabi pa ni Pablo sa Roman 9:6, “…hindi lahat ng mga Israelita ay kabilang sa bayang pinili Niya.” So, ang tunay na Judio ay isang panloob, hindi palabas. Kaya sinabi ng Diyos dito na, “Inaangkin nila na sila’y Aking bayan, ngunit hindi sila. Hindi sila kabilang sa sinagoga ng Panginoon, kundi sa sinagoga ni Satanas dahil sa kanilang paglapastangan laban sa Akin.”
Ang mga Judio sa Smyrna ay nilapastangan at inuusig ang mga Kristiyano. Iyon ay hindi lamang haka-haka dahil ang kasaysayan ay nag iwan satin ng isang account ng pagkamatay ng isa sa mga Smyrnaean Christian: Si Polycarp, ang pastor ng simbahan sa Smyrna. Sa sulat na mula sa church ng Smyrna para sa mga church sa Christian world, sinabi nila na ang mga Judio ay nakipag-isa sa mga pagano upang hikayatin na si Polycarp ay kailangang itapon sa mga lion o sunugin ng buhay. Basahin ko sa inyo yung tinagalog ko na parte sa libro ni William Barclay, The Revelation of John, vol. 1 [Philadelphia: The Westminister Press, 1976], pp. 76-77:
“Ito ang oras ng mga pampubli-kong laro; ang lungsod ay masikip; at nananabik ang mga tao. Nang biglang may sumigaw: ‘Lumayo kayo sa mga atheist; hayaang hanapin si Polycarp.’ Walang duda na hindi makakatakas si Polycarp; pero meron na siyang pangitain sa kanyang panaginip kung saan nakita niya na ang unan sa kanyang ulunan ay nag aapoy, at siya ay nagising para sabihin sa kanyang mga disipulo: ‘Dapat akong masunog ng buhay.’ Ang kanyang kinaroroonan ay nalaman dahil sa pinahirapang alipin para mag salita kung saan siya naroroon. Dumating sila para arestuhin siya… Hindi man gusto ng kapitan ng pulisya na makitang mamatay si Polycarp. Sa maikling paglalakbay patungo sa lungsod, nakiusap siya sa matanda: ‘Hindi ka masasaktan kung sabihin mo, ”Caesar is Lord” at mag alay ka ng sacrifice upang maligtas ka.’ Pero matatag parin si Polycarp na para sa kanya si Jesu-Kristo lamang ang kanyang Panginoon. Nang siya ay makapasok na sa arena…ang proconsul ay nagbigay sa kanya ng pagpipilian; susumpain niya ang pangalan ni Kristo at mabibigay ng sacrifice kay Caesar o kamatayan. ‘Eighty and six years akong naglingkod sa Kanya,’ sabi ni Polycarp, ‘at kailanman ay wala Siyang ginawang masama sa akin. Bakit ko lalapastanganan ang aking Hari na nagligtas sa akin?’ Nagbanta sa kanya ang proconsul na siya’y susunugin, at tumugon si Polycarp: ‘Tinatakot mo ako sa apoy na panandalian lamang, at madaling mawala, hindi ninyo alam ang apoy na naghihintay sa mga masasama sa paghuhukom na darating at ito’y walang hanggang kaparusahan. Ano pa ang hinihintay ninyo? Lapit, at gawin na ninyo ang gusto nyong gawin.’ Kaya yung mga tao kahit na yung mga Judio na kahit sila ay makakalabag sa Sabbath law dahil sa pagbubuhat at pagdadala ng mga kahoy para sa pangsusunog kay Polycarp ay nagpatuloy sila. Siya ay tinali nila. ‘Iwan nyo na ako,’ sabi niya, ‘Dahil ang Diyos na magbibigay sa akin ng kapangyarihan para magtiis sa apoy, ay magbibigay-daan sa akin upang manatili sa apoy na hindi gumagalaw.’ Kaya, iniwan nila itong nasusunog sa apoy.’” Namatay si Polycarp para kay Kristo. Iyan ang isa sa mga insidente sa buhay ng Smyrnaean church. Nakita na natin yung tribulation o pagdurusa nila. Sunod na titignan natin ay…
2. POVERTY
Sa Pahayag 2:9 sinabi din ni Kristo na, “Nalalaman Ko…ang inyong kahirapan (poverty).” Anong klaseng poverty ito?
a. The Words for Poor
Merong dalawang Greek word sa salitang poor. Ang isa ay…
1) Penia
Ang kanyang term ay tumutukoy sa isang tao na may napakakaunti - na kailangang magsikap upang makakuha ng anupaman. Pero hindi ito yung ginamit sa verse 9. Ang ginamit ay…
2) Ptocheia
Ang ibig sabihin ng salitang ito ay “abosulute, complete destitution o paghihikahos.” Sila ay hindi makakuha ng trabaho. Sila ay ninakawan at kinuha ang mga bagay na meron sila. Ang mga Christian sa Smyrna ay nabubuhay sa despiradong sitwasyon. Wala sila kahit ano.
b. The Worship of Christ.
Mula sa pananaw ng tao, Ang mga Kristiyano sa maliit na simbahan sa Smyrna ay may karapatan na sumpain ang Diyos at bumagsak, ngunit hindi nila ginawa. Gaya ng sinabi ko kanina, mas nagiging mahirap ang sitwasyon nila, mas sumasandal sila kay Jesus. Iyon ang dahilan kung bakit ang nag-iisang simbahan na pinaparangalan ng Diyos ay ang totoo sa Salita ng Diyos at ni Jesu-Kristo. Ang purpose ng church ay hindi para maghikayat ng mga hypocrite; kundi para sila ay alisin. Ang kaluwalhatian ng church ay ang kadalisayan nito. At kung kinakailangan dumaan sila sa maliit na pag-uusig at pagdurusa upang pinuhin ito, then papahintulutin ito ng Diyos. Anong mangyayari kapag ikaw ay nag-su-suffer? Ano ang ginawa ng mga Christian sa Smyrna? Sila ay kumapit at sumandal sa Diyos. Inalis nila ang mga mapagkunwari. Sinimulan nila ang pamumuhay ayon sa nararapat at hindi makisalamuha sa mundo. Iyon ang paraan ng pamumuhay dapat ng mga Kristiyano. Kahit na sila ay inusig, at mahirap, nanatili silang tapat sa Diyos.
C. Their Treasure
Kung titignan natin talagang napakahirap ng munting church na ito. Pero may dagdag sa verse 9 tayong makikita, “…datapuwa’t ikaw ay mayaman…” Bakit sila tinawag na mayaman? Anong meron sila para sila ay tawaging mayaman? Sinasabi ng Laodicea na sila ay mayaman, pero ano ang sabi ng Diyos sa kanila? Pahayag 3:17, “Sinasabi mong ikaw ay mayaman, sagana sa lahat ng bagay at wala nang kailangan pa, ngunit hindi mo nalalamang ikaw ay kawawa, kahabag-habag, dukha, bulag at hubad.” Mapag-aaralan natin ito sa sunod. Sa Smyrna naman sabi nila, “Kami ay mahirap,” pero sabi ng Diyos,” Kayo’y mayaman.” Bakit sila naging mayaman para sa Diyos? Love, joy, peace, grace, fellowship. Ito yung mga bagay na wala sa Laodicea-sila ay mahirap. Ang Smyrna lahat yan ay meron sila - sila ay mayaman. Ang pagiging mayaman ay ang pagkakaroon ng lahat na maibibigay ng Diyos. Ang mga Christian sa Smyrna ay wala ng mga bagay na binibigay ng mundo pero meron sila ng lahat ng binibigay ng Diyos. At iyan ang pagiging mayaman. Tignan natin ang sunod…
V. THE COMMAND (v.10)
A. The Periods (v.10a)
“Huwag kang matakot sa mga pag-uusig na malapit mo nang danasin. Makinig ka! Ipabibilanggo ng diyablo ang ilan sa inyo bilang pagsubok; magdurusa kayo sa loob ng sampung araw…”
Sinasabi ni Jesus sa kanila na wala kayong dapat na ikatakot sa pagdurusang darating. Sabi ni Pedro sa 1 Pedro 2:21, “Ang pagtitiis ng hirap ay bahagi ng pagkatawag sa inyo ng Diyos, sapagkat nang si Kristo ay magtiis para sa inyo, nag-iwan Siya sa inyo ng isang halimbawa na dapat ninyong lubos na tularan.” Ang mga mananampalataya sa Smyrna ay dapat na maging matapat sapagka't ang diyablo ipapatapon sila sa bilangguan, at magdulot ng matinding kapighatian ng higit sampung beses.
B. The Promise (v.10b)
“Manatili kang tapat hanggang kamatayan, at gagantimpalaan kita ng korona ng buhay.”
Iyan ang pangako hindi lang sa kanila kundi sa lahat ng mga Christian. Sinasabi Niya na, “Gagantimpalaan Ko kayo ng korona ng buhay kung mananatili kayong tapat, ipahayag ang Aking pangalan, at hindi kailanman mahuhulog kay Satanas.” Isa lang ito sa limang koronang pinangako sa New Testament na pinangako sa mga Christian.
Finally, tignan natin ang…
VI. THE COUNSEL (v.11)
“Ang lahat ng may pandinig ay makinig sa sinasabi ng Espiritu sa mga iglesya! ‘Ang magtatagumpay ay hindi masasaktan ng pangalawang kamatayan.’”
Alam natin na ang unang kamatayan ay ang physical death. Ang pangalawang kamatayan ay ang eternal death sa impyerno. Nag dagdag ng salita si Jesus sa mga hindi pa mananampalataya sa huling bahagi ng sulat sa Smyrna. Sabi Niya, “Kung hindi kayo magiging overcomer, ilalaan ninyo ang walang hanggang buhay ninyo sa impyerno.” Paano tayo magiging overcomer? Sabi sa 1 Juan 5:5, “Sino ang nagtatagumpay (overcomer) laban sa sanlibutan? Ang sumasampalataya na si Jesus ang Anak ng Diyos.” Magiging overcomer tayo sa pamamagitan ng pananampalataya kay Jesus. Dalangin ko sa bawat isa sa atin na naririto na talagang siguraduhin natin ang relasyon natin sa Diyos.
Tandaan natin ito, kung tayo man ngayon ay nahaharap sa pag-uusig sa anumang paraan o nahaharap sa kahirapan ng dahil sa pagtatapat natin sa pagsunod kay Jesus, o makaranas man tayo na tayo ay dinudurog ng ibang tao, hayaan lang natin, kasi minsan lumalaban tayo at sinusubukang magpaliwanag para hindi ka masira, hayaan mo lang at matuto tayo sa tugon ng mga mananampalataya sa Smyrna, na sa Diyos lang sila kumapit, dahil alam na natin ngayon na habang mas dinudurog tayo ay mas nagiging mabagong samyo tayo sa Diyos. Huwag kayo mag taka kung bakit minsan sa paggawa mo ng tama sa church eh bakit may mga minsan na kapatiran mo pa na humahadlang sayo. Kung sa mga oras na ito ay nakikita mo ang sarili mo bilang Smyrna, tandaan mo lang ang sinabi ni Jesus, “Huwag kang mag-alala, huwag kang matakot, manatili ka lang matapat, at gagantimpalaan Kita.” Sa Pahayag 22:12 sabi ni Jesus, “At sinabi ni Jesus, ‘Makinig kayo! Darating na Ako! Dala Ko ang mga gantimpalang ibibigay sa bawat isa ayon sa kanyang ginawa!’”
____________________________________________________________________________
Pondering the Principles
1. Kailan ka mas nagdedepende kay Jesus—kung nasa ayos ang lahat, o kung nasa hindi magandang mga pangyayari? Ano ang dahilan ng pagsubok na dumarating sa iyong buhay? Tignan mo ang mga sumusunod na mga talata: Mateo 5:10-12; Roma 5:3-5; Santiago 1:2-4; 1 Pedro 1:6-7. Ayon sa mga talatang ito, anong pag-uugali ang dapat na meron ka sa gitna ng mga pagsubok? Bakit? Ano ang gustong mangyari ng Diyos sa iyong buhay bilang resulta ng mga pagsubok na ito? Suriin mo ang iyong buhay. Ano ang kasalukuyang pag-uugali mo ngayon sa gitna ng pagsubok? Papaano ka tumutugon sa mga pagsubok na iyon? Simulan mo ngayon na tignan ang mga pagsubok mula sa God’s perspective. Magkaroon ka ng tamang pag-uugali sa pagharap mo sa mga pagsubok na dumarating sa iyong buhay.
2. Basahin ang Hebreo 4:15. Sa anong paraan ka tinutukso gaya ni Jesus? Isulat mo ang mga tuksong iyon. Papaano pinakitunguhan ni Jesus ang mga tuksong iyon? Papaano mo naman pinakikitunguhan ang mga tuksong sinulat mo? Tiyak na wala sa atin ang naging matagumpay sa pangangasiwa sa tukso katulad ng ginawa ni Jesus, kaya ano ngayon ang ating gagawin? Basahin ang Hebreo 4:16 at magkaroon ng oras na gawin kung ano ang sinasabi nito. Aminin mo ang iyong kasalanan sa Diyos, at hilingin mo na tulungan ka Niya sa oras ng mga tukso. Sauluhin ang Hebreo 4:15-16.
3. Ikaw ba ay mayaman na Kristiyano o mahirap na Kristiyano? Papaano naging mayaman ang mga Kristiyano sa iglesya ng Smyrna? Ano ang mas marami na meron ka: ang mga inaalok ng sanlibutan, o ang mga inaalok ng Diyos? Isulat mo ang lahat ng mga inaalok sayo ng Diyos. Basahin ang Efeso 1:3-14. Ayon sa mga talata, ano ang mga bagay na dapat mong idagdag sa iyong listahan? Bilang Kristiyano, ikaw ay pinagpala ng lahat na meron ang Diyos. Magkaroon ng oras na pasalamatan Siya sa lahat ng binigay Niya sayo. Siguraduhin mo lang na iwasan ang mga hindi tiyak na kayamanan na inaalok ng sanlibutan.
