Pastoral Ministry (How To Shepherd Biblically) - Introduction

Pastoral Ministry (How To Shepherd Biblically)

Introduction

          Ang paglilingkod sa iglesya ay isang napakalaking pribilehiyo. Wala na marahil na higit na marangal o may higit na walang hanggang kahalagahan kaysa paglilingkod sa ating Panginoong Jesu-Kritso sa Kanyang iglesya. Ang pribilehiyong ito rin ang pinakaseryosong responsibilidad na maaaring gampanan ng isang tao. Ang pagtupad sa pribilehiyong ito at pagtupad sa responsibilidad na ito ay nangangailangan ng pag-unawa sa iglesya at sa mga ministeryo nito na tama ayon sa Salita ng Diyos. Upang maunawaan ang mga isyu ng simbahan at maitatag ang pag-unawang iyon bilang pundasyon para sa ministeryo, kailangan nating maunawaan ang ilang pangunahing katotohanan:

1. Ang iglesya ang tanging institusyon na ipinangako ng ating Pagninoon na itatayo at pagpapalain (Mateo 16:18).

2. Ang iglesya ay ang lugar ng patitipon ng mga tunay na mananamba (Filipos 3:3).

3. Ang igesya ang pinakamahalagang pagtitipon sa lupa mula nang binili ito ni Kristo ng Kanyang sariling dugo (Gawa 20:28; 1 Corinto 6:19; Efeso 5:25; Colosas 1:20; 1 Pedro 1:18; Pahayag 1:5).

4. Ang iglesya ay ang makalupang pagpapahayag ng makalangit na katotohanan (Mateo 6:10; 18:18).

5. Ang iglesya ay magtatagumpay sa huli sa buong mundo at local (Mateo 16:18; Filipos 1:6).

6. Ang iglesya ay ang kaharian ng espirituwal na pagsasama (Hebreo 10:22-25; 1 Juan 1:3, 6, 7).

7. Ang iglesya ang tagapagpahayag at tagapagtanggol ng banal na katotohanan (1 Timoteo 3:15; Tito 2:1, 15).

8. Ang iglesya ang pangunahing lugar para sa espirituwal na pagpapatibay at paglago (Gawa 20:32; Efeso 4:11-16; 2 Timoteo 3:16, 17; 1 Pedro 2:1, 2; 2 Pedro 3:18).

9. Ang iglesya ang lunsaran para sa pandaigdigang ebanghelisasyon (Marcos 16:15; Tito 2:11).

10. Ang iglesya ay ang kapaligiran kung saan ang malakas na espirituwal na pamumuno ay umuunlad at nagmamature (2 Timoteo 2:2). 

          Ang sampung bagay sa itaas ay tiyak kung bakit dapat nating mahalin at iaalay ang ating buhay dito. Ang pag-unawa sa mga katotohanang iyon ay ang pundasyon ng epektibong ministeryo. Naniniwala ako na ang susunod na henerasyon ng mga iglesya ay magiging walang kapintasan kung ang mga espirituwal na mga kalalakihan na namumuno sa mga iglesyang ito ay nakatuon sa mga katotohanang ito. Nakakalungkot lang na lumalago ang kalakaran na makabuo ng magagaling na mga lider na marunong mamahala ng negosyo o pangangalakal ngunit walang pang-unawa sa iglesya na ayon sa pananaw ni Kristo. Ang kanilang istilo at sangkap ng pamumuno ay makalupa, hindi biblikal at espirituwal.

          Isa pang nakakalungkot na dumarami ngayon ang mga lider sa iglesya na mas gustong maging negosyante, media figure, entertainer, psychologist, philosophers, o pulitiko. Ang mga pagnanais na iyon ay lubos na nalalayo sa kahulugan ng simbolismong ginamit ng Kasulatan upang ilarawan ang mga espirituwal na lider.

          Halimbawa sa 2 Timoteo 2, gumamit si Pablo ng pitong magkakaibang metapora para ilarawan kung ano ang pamumuno. Inilarawan ang ministro bilang isang guro (tal. 2), isang kawal (tal. 3), isang atleta (tal. 5), isang magsasaka (tal. 6), isang manggagawa (tal. 15), isang sisidlan (mtal. 20-21), at isang alipin (tal. 24). Ang lahat ng mga imaheng ito ay pumupukaw ng mga ideya ng sakripisyo, paggawa, paglilingkod, at paghihirap. Mahusay silang nagsasalita tungkol sa masalimuot at iba’t ibang mga responsibilidad ng espirituwal na pamumuno. Wala ni isa sa kanila ang ginagawang kaakit-akit ang pamumuno.

          Iyon ay dahil hindi ito dapat maging kaakit-akit. Ang pamumuno sa iglesya – hindi lang ang tungkulin ng pastor, kundi ang bawat pamumuno sa iglesya – ay hindi isang katayuan na parang gagawaran ng kapa ang mga mahaharlika sa iglesya. Hindi ito nakukuha dahil lang sa katandaan, o dahil mayaman, o minamana dahil sa ugnayan ng pamilya. Ito ay hindi nangangailangan na dapat ay tagumpay ka sa negosyo o pananalapi. Hindi ito binibigay batay sa katalinuhan o talent na meron ang isang tao. Ang kailangan dito ay ang mga taong walang kapintasan sa kanilang pagkatao, mature sa espirituwal, at higit sa lahat, handang maglingkod nang may pagpapakumbaba.

          Ang paboritong talinghaga ng ating Panginoon para sa sa espirituwal na pamumuno, na madalas Niyang ginagamit upang ilarawan ang Kanyang sarili, ay yaong isang pastol, isang taong nag-aalaga sa kawan ng Diyos. Ang bawat pinuno ng iglesya ay isang pastol. Ang salitang pastor mismo ay nangangahulugang “pastol.” Ito ay angkop na imahe. Ang isang pastol ay namumuno, nagpapakain, nag-aalaga, umaaliw, nagwawasto, at nagpoprotekta; mga responsibilidad na nararapat sa bawat lingkod ng iglesya.

          Ang mga pastol ay walang katayuan. Sa karamihan ng mga kultura, ang mga pastol ay nasa mababang antas sa lipunan. Angkop iyan, dahil sinabi ng ating Panginoon, “ang pinakadakila ang dapat lumagay na pinakamababa, at ang namumuno ay maging tagapaglingkod” (Lucas 22:26).

          Sa ilalim ng planong itinakda ng Diyos para sa iglesya, ang pamumuno ay isang posisyon ng mapagkumbaba at mapagmahal na lingkod. Ang pamumuno ng iglesya ay isang ministeryo, at hindi pamamahala. Ang pagtawag sa mga itinalaga ng Diyos bilang mga pinuno ay hindi tulad sa isang posisyon ng namamahala na mga mahaharlika kundi tulad ng mga hamak na alipin, hindi tulad ng celebrity kundi bilang mga manggagawang tagapaglingkod. Yaong mga mamumuno sa bayan ng Diyos ay dapat na higit sa lahat ay magpakita ng sakripisyo, debosyon, pagpapasakop, at kababaan.

          Si Jesus mismo ang nagbigay ng huwaran nang Siya ay yumuko upang hugasan ang mga paa ng Kanyang mga disipulo, isang gawain na karaniwang ginagawa ng pinakamababa sa mga alipin (Juan 13). Kung gagawin iyon ng Panginoon ng sansinukob, walang pinuno ng simbahan ang may karapatang isipin ang kanyang sarili bilang higit sa lahat.

          Ang papastol ng mga hayop ay isang trabahong hindi mahirap. Walang kolehiyo na nag-aalok ng graduate degree sa pagpapastol. Hindi ganoon kahirap ang trabaho; kahit na ang isang aso ay maaaring matutong bantayan ang isang kawan ng mga tupa. Noong panahon ng Bibliya, ang mga batang lalaki—halimbawa, si David—ay nagpapastol ng mga tupa habang ang matatandang lalaki ay gumagawa ng mga gawain na nangangailangan ng higit na kasanayan at matyuridad.

          Ganon pa man ang pagpapastol ng isang espirituwal na kawan ay hindi ganon kadali. Ito ay nangangailangan ng higit pa sa isang tunay na pastol ng tupa upang maging isang espirituwal na pastol. Mataas ang mga pamantayan at mahirap tuparin ang mga kinakailangan (1 Tim. 3:1–7). Hindi lahat ay maaaring matugunan ang mga kwalipikasyon, at sa mga nakagagawa, kakaunti ang tila nangunguna sa gawain. Ang espirituwal na pagpapastol ay nangangailangan ng isang makadiyos, likas na matalino, maraming kayang gawin na may integridad. Gayunpaman, dapat niyang panatilihin ang mapagpakumbabang pananaw at kilos ng isang batang pastol.

          Kasama ng napakalaking responsibilidad ng pamumuno sa kawan ng Diyos ang potensyal ito man ay isang dakilang pagpapala o dakilang paghatol. Ang mabubuting pinuno ay pinagpapala ng doble ( 1 Timoteo 5:17), at ang hindi mabubuting pinuno ay parurusahan din ng doble (Tal. 20), dahil, “Ang binigyan ng maraming bagay ay hahanapan ng marami; at ang pinagkatiwalaan ng lalong maraming bagay ay pananagutin ng lalong marami” (Lucas 12:48). Sabi sa Santiago 3:1, “Mga kapatid, huwag maghangad na maging guro ang marami sa inyo, dahil alam ninyo na tayong mga nagtuturo ay hahatulan nang mas mahigpit kaysa iba.”

          Ang bilang o dami ng miyembro ng iglesya ay hindi sukatan ng espirituwal na tagumpay. Ngunit marami din tayong makikitang mga tapat na iglesya ngayon na sobrang biniyayaan ng Diyos na maraming miyembro dahil ang mga nakapaloob dito ay may matibay na commitment sa biblikal na pamumuno at biblikal na ministeryo.

          Kung ikaw ay nagnanais na maging isang pastor o tagapanguna ng iglesya, o ikaw ay isa ng pastor o lingkod na, dapat nating sikaping magkaroon ng pagnanais na maimodelo at maipahayag ang pagkatawag ni Jesus sa pagdidisipulo: “Ang hindi nagpapasan ng kanyang krus at hindi sumusunod sa Akin ay hindi karapat-dapat sa Akin. Ang nagsisikap magligtas ng kanyang buhay ay mawawalan nito; ngunit ang mawalan ng kanyang buhay alang-alang sa Akin ay magkakamit nito” (Mateo 10:38-39).

          Tunay na mahirap ang pagpapastor pero narito ang ilang dahilan kung bakit mo dapat mahalin ang pagpapastor at ang gawain ng ministeryo.

1. Dahil ang pangangaral ang pangunahing paraan ng tao na ginagamit ng Diyos upang ibigay ang Kanyang biyaya. Inutusan ni apostol Pablo si Timoteo na, “ipangaral ang salita ng Diyos,” (2 Timoteo 4:2). Meron kang pribilehiyong ipahayag ang mensahe ng Diyos tuwing Linggo sa Kanyang mga tao, isang mensahe ng biyaya, kung saan naliligtas ng Diyos ang mga tao at nababago ang buhay.

2. Dahil maaaring makapag-ubos ng oras sa pag-aaral at pakikipag-isa sa Diyos. May mga nakikita ang mga tao sa atin sa publikong kongregasyon, ngunit may pribadong panig sa atin na ang Diyos lamang ang nakakaalam. Ang oras na inilalaan natin sa bawat linggo sa presensya ng Diyos ay isang mataas at banal na pribilehiyo.  

3. Dahil may direktang pananagutan ka sa Diyos para sa buhay ng mga taong ipinagkatiwala upang pagpastulan. Bilang pastor-guro ng isang kongregasyon, mayroon tayong relasyon sa mga pinagkatiwalang tao tulad ng sa isang pastol at sa kanyang mga tupa. Binabantayan natin ang kanilang kaluluwa dahil tayo ang, “mananagot sa Diyos sa gawaing ito,” (Hebreo 13:17).

4. Dahil may pananagutan ka sa mga tao sa iglesya. Lahat ay lantad sa kanila: ang inyong buhay at pamilya, ang inyong mga personal na kalakasan at kahinaan-lahat. Pahalagahan nyo ang pananagutang iyon. Ito ay isang pagtuloy na paghihikayat sa atin na patuloy na ipakita si Kristo sa lahat ng inyong mga sinasabi at ginagawa.

5. Dahil sa hamon ng pagbuo ng isang epektibong pangkat ng pamumuno mula sa mga taong inilagay ng Diyos sa iglesya. Kapag ang isang tao ay nagsimula ng isang negosyo, maaari siyang kumuha ng sinumang gusto niya. Isa pang bagay ang pagbuo kasama ng mga taong tinawag ng Diyos, kakaunti sa kanila ang matatalino, makapangyarihan, o marangal ayon sa mga pamantayan ng mundo (1 Corinto 1:26). Inihayag ng Diyos ang kadakilaan ng Kanyang kapangyarihan sa pamamagitan ng pagpapakita na ang mga walang kwenta na tao sa paningin ng mundo ay Kanyang gagawin na pinakamahalagang mapagkukunan.

6. Dahil ang pastor ay nakayakap sa lahat ng pangyayari sa buhay. Makakabahagi ka sa kagalakan ng mga magulang sa pagsilang ng kanilang anak, pati rin sa pagdadalamati ng mga anak sa pagkamatay ng kanilang mga magulang. Makakatulong ka sa pagdiriwang ng mga kasal; Kayo din ang nakakapagbigay ng aliw sa isang libing. Makikita natin mula rito na parte ng buhay ng pastor ang mga minsang hindi inaasahan na bahagi ng inyong pagkatawag. Ang isang hindi kapani-paniwalang pakikipagsapalaran ay maaaring magsimula sa anumang naibigay na sandali. Sa mga oras na iyon ang pastor ay lumalampas sa kanyang sermon upang tumayo sa puwang para sa Diyos sa buhay ng Kanyang mga tao.

7. Dahil ang mga gantimpala sa buhay na ito ay kahanga-hanga. Mararanasan mo ang mahalin, pahalagahan, kailanganin, pagkatiwalaan, at hangaan – lahat ng ito ay resulta ng pagiging instrumento ng Diyos sa espirituwal na pagpapaunlad sa Kanyang mga tao. Alam mong ipinagdarasal ka nga mga pinagkatiwala sayo at may lubos na pagmamalasakit sayo. Dahil sa mga ito, ay lubos mo itong ipasasalamat sa Diyos. Ikararangal mong maging daluyan ng pagpapala kung saan ang biyaya ng Diyos, pag-ibig ni Kristo, at kaaliwan ng Banal na Espiritu ay maaaring maging totoo sa mga tao.

Ang panimulang aralin na ito na magpapatuloy ay para sa mga taong nauunawaan at nagmamahal sa iglesya ng ating Panginoong Jesus na nais paglingkuran ang kawan na may pagpapala at kapangyarihan sa pamamagitan ng pagsasagawa ng ministeryo ayon sa Bibliya.

Bakit pinahihintulutan ng Diyos na may masamang mangyari sa mga mabubuting tao?

Tanong: 

Bakit pinahihintulutan ng Diyos na may masamang mangyari sa mga mabubuting tao?

Sagot:
Bakit pinahihintulutan ng Diyos na may masamang mangyari sa mga mabubuting tao? Isa ito sa mga pinakamahirap na katanungan sa Teolohiya. Ang Diyos ay walang hanggan, sumasalahat ng lugar sa lahat panahon, nakaka-alam sa lahat ng bagay at pinakamakapangyarihan sa lahat. Bakit tayong mga tao na (na may katapusan at hindi sumasalahat ng lugar sa lahat ng panahon, hindi nakakaalam sa lahat ng bagay at walang kapangyarihan) ay umaasang lubos na mauunawaan ang Kanyang mga gawa? Ang ganitong isyu ay ipinaliwanag sa aklat ni Job. Pinahintulutan ng Diyos si Satanas na gawin ang lahat ng kanyang gustong gawin kay Job, ang hindi niya lang puwedeng gawin ay patayin ito. Ano ba ang naging reaksiyon ni Job? “Hindi ako matatakot kung ako man ay patayin, maiharap lamang sa Kanya itong aking usapin” (Job 13:15). “Hubad akong lumabas sa tiyan ng aking ina, hubad din akong babalik sa alabok, si Yahweh ang nagbibigay, Siya rin ang kukuha. Purihin si Yahweh!” (Job 1:21). Hindi nauunawaan ni Job kung bakit pinahihintulutan ng Diyos na mangyari ang lahat ng iyon sa kanya, subalit alam niyang ang Diyos ay mabuti kaya patuloy siyang nagtiwala sa Kanya. Dapat na ganito din ang ating maging reaksiyon. Ang Diyos ay mabuti, walang kinikilingan, mapagmahal at mahabagin. Kung minsan may nangyayari sa ating buhay na hindi natin nauunawaan. Gayon man, sa halip na pagdudahan ang kabutihan ng Diyos, dapat na ang ating magiging reaksiyon ay pagtiwalaan Siya. “Kay Yahweh ka magtiwala, buong puso at lubusan, at huwag kang mananangan sa sariling karunungan. Siya ay sangguniin sa lahat mong mga balak, at kanya kang itutumpak sa lahat ng iyong lakad” (Kawikaan 3:5-6).

Marahil ang mas mainam na katanungan ay, “Bakit maganda ang nangyayari sa mga hindi mabubuting tao?” Ang Diyos ay Banal (Isaias 6: 3; Pahayag 4: 8). Ang lahat ng tao ay makasalanan (Roma 3: 23; 6: 23). Gusto mo bang malaman kung papaano tinitingnan ng Diyos ang sangkatauhan? Ayon sa nasusulat: “Walang sinumang matuwid, wala kahit isa. Walang sinumang nakakaunawa, walang sinu-mang humahanap sa Diyos. Ang lahat ay lumihis ng daan, sama-sama silang naging walang pakinabang. Walang sinumang gumagawa ng mabuti, wala kahit isa. Ang kanilang lalamunan ay bukas na libingan. Sa kanilang mga dila ay ginagamit nila ang pandaraya. Ang kamandag ng mga ulupong ay nasa mga labi nila. Ang mga bibig nila ay puno ng pagsumpa at mapait na pananalita. Ang mga paa nila ay mabilis sa pagbuhos ng dugo. Pagkawasak at paghihirap ang nasa kanilang mga landas. Hindi nila alam ang landas ng kapayapaan. Ang pagkatakot sa Diyos ay wala sa kanila“ (Roma 3:10-18). Lahat ng tao sa mundong ito ay nararapat lamang na dalhin at parusahan sa impiyerno. Bawat segundo na tayo ay nabubuhay, ito ay dahil lamang sa biyaya ng Diyos. Kahit na ang katakot-takot na hirap na nararanasan natin sa mundong ito ay mas magaang kumpara sa nararapat na kaparusahan natin sa impiyerno.

“Ngunit ipinakita ng Diyos ang Kaniyang pag-ibig sa atin na noong tayo ay makasalanan pa, si Kristo ay namatay para sa atin” (Roma 5:8). Sa kabila ng pagiging makasalanan ng tao, minahal pa rin siya ng Diyos. Napakalaki ng pag-ibig ng Diyos sa atin dahil inako Niya mismo ang parusa para sa ating mga kasalanan (Roma 6: 23). Ang gagawin natin ay manampalataya sa ating Panginoong Hesu Kristo (Juan 3: 16; Roma 10: 9) at magsisi upang mapatawad tayo sa ating mga kasalanan at matamo ang pangakong buhay na walang hanggan sa langit (Roma 8: 1). Ang karapat-dapat sa atin ay Impiyerno ngunit ang ibinigay sa atin ay buhay na walang hanggan sa langit - kung tayo'y mananampalataya. May isang kasabihan na “ang mundong ito ay ang tanging impiyerno na mararanasan ng mga mananampalataya subalit ang mundong ito ang tanging langit na mararanasan ng mga hindi mananampalataya.” Sa susunod na may magtatanong sa atin, “Bakit pinahihintulutan ng Diyos na may masamang mangyari sa mga mabubuting tao?” Ipaliwanag natin kung bakit ang dapat niyang itanong ay, “Bakit pinahihintulutan ng Diyos na may magandang mangyari sa masasamang tao?”

Ang Ebanghelyo ng Kasaganaan (Prosperity Gospel)

Ang Ebanghelyo ng Kasaganaan (Prosperity Gospel) 

Itinuturo ng Ebanghelyo ng Kasaganaan (prosperity Gospel) na kilala rin sa tawag na "Word of Faith" na ang mananampalataya ay maaaring gamitin ang Diyos para sa sariling kapakanan samantalang ang itinuturo ng Biblikal na Kristiyanismo ay ang kabaliktaran - ang Diyos ang gumagamit sa mga mananampalataya. Sa teolohiya ng "Word of Faith", itinuturing nila na ang Banal na Espiritu ay isang kapangyarihan na magagamit ng isang mananampalataya sa anumang paraan na kanyang maibigan. Sa kabilang banda, itinuturo naman ng Bibliya na ang Banal na Espiritu ay isang Persona na nagbibigay sa mananampalataya ng kakayahan upang sumunod sa kalooban ng Diyos. Ang katuruang ito ay kagaya ng mga mapanirang sekta na nagtutulak sa tao upang maging gahaman noong panahon ng unang iglesia. Hindi kailanman sinang-ayunan ni apostol Pablo at ng iba pang mga apostol ang mga bulaang guro na nagpakalat ng ganitong hidwaang pananampalataya. Itinuring nila ang mga bulaaang gurong ito na mapanganib at inutusan ang mga mananampalataya na iwasan sila at kanilang mga katuruan.

Pinag-iingat ni Pablo si Timoteo sa mga ganitong klase ng tao sa 1 Timoteo 6:5; 9-11. Ang mga taong ito na may maruming pag-iisip at ginagamit ang pakunwaring kabanalan para magkamit ng kayamanan ngunit sila rin ang "magdadala sa kanilang sarili sa kapahamakan". Ang pagnanais ng kayamanan ay isang mapanganib na daan para sa isang Kristiyano na siyang pinaiiwasan ng Diyos. "Sapagka't ang pagibig sa salapi ay ugat ng lahat ng uri ng kasamaan; na sa pagnanasa ng iba ay nangasinsay sa pananampalataya, at tinuhog ang kanilang sarili ng maraming mga kalumbayan." (1 Timoteo 6:10). Kung ang kayamanan ang layunin ng mga mananampalataya sa mundong ito, naging mayaman sana si Hesus ng Siya'y magkatawang tao. Ngunit hindi Niya ginawa iyon, sa halip ay pinili Niya ang buhay na salat na kaya nga't wala man lang lugar na mapagpahingahan ang Kanyang ulo (Mateo 18:20). Ang mga apostol ay ganito rin ang itinuturo. Matatandaan na tanging si Hudas lamang ang alagad na may interes sa kayamanan.

Itinuro ni Pablo na ang pagiging gahaman ay isang uri ng pagsamba sa diyus-diyosan (Efeso 5:5) at tinuruan niya ang mga taga Efeso na iwasan ang sinuman na nagtuturo ng imoralidad at paghahangad ng mga materyal na bagay (Efeso 5:6-7). Itinuturo ng mga guro ng prosperity gospel na hindi makakakilos ang Diyos sa buhay ng isang mananampalataya kung hindi nila Siya pahihintulutan. Ang pananampalataya ayon sa katuruan ng "Word of Faith" ay hindi mapagpakumbabang pagtitiwala sa Diyos kundi isang pormula upang imanipula ang mga espirtwal na batas na ayon sa kanila ay namamahala sa sangnilikha. Gaya ng isinasaad ng titulong "Word of Faith", ang kilusang ito ay nagtuturo na ang ating kakayahang sumampalataya at hindi ang isang dapat sampalatayanan ang mahalaga.

Isang paboritong termino ng "Word of Faith" ay ang positibong deklarasyon o "positive confession." Ito ay tumutukoy sa katuruan na ang mga salita ng tao ay may kapangyarihang lumikha. Ayon sa kanilang katuruan, kung ano ang sinasabi ng isang tao ay iyon ang siyang lilikha sa mga bagay bagay na kanyang ginugusto para sa kanyang buhay. Ang pagdedeklara ng tao sa isang bagay na gusto niyang mangyari ng walang pag-aalinlangan ang magtutulak sa Diyos upang gawin kung ano ang kanyang kagustuhan. Kailangan lamang diumano na maging positibo ang isang tao at malakas ang pananampalataya. Dahil doon ang Diyos ay kailangang kumilos (na parang ang tao ay karapatdapat na tumanggap ng kahit ano sa Diyos). Kaya nga, ang kakayahan ng Diyos na magpala sa tao ay nakadepende sa pananampalataya ng tao. Sinasalungat ng Santiago 4: 13-16 ang katuruang ito, "Magsiparito ngayon, kayong nagsisipagsabi, Ngayon o bukas ay magsisiparoon kami sa gayong bayan, at titira kami doong isang taon, at mangangalakal, at magtutubo: kayo ngang hindi nakaaalam ng mangyayari bukas. Ano ang inyong buhay? Kayo nga'y isang singaw na sa sangdaling panahon ay lumilitaw, at pagdaka'y napapawi. Sapagka't ang dapat ninyong sabihin ay, kung loloobin ng Panginoon ay mangabubuhay kami, at gagawin namin ito o yaon. Datapuwa't ngayon ay nagmamapuri kayo sa inyong mga pagpapalalo: ang lahat ng ganitong pagmamapuri ay masama." Napakalayo sa katuruan ng Bibliya ang katuruan na ang pagsasalita ng isang bagay ang magpapangyari sa mga bagay sa hinaharap, ni hindi nga alam ng tao kung ano ang mangyayari bukas at ni hindi rin niya alam kung buhay pa siya bukas.

Sa halip na bigyang diin ang kahalagahan ng kayamanan, nagbabala ang Bibliya laban sa pagkakamal nito. Ang mga mananampalataya, lalo"t higit ang mga lider ng iglesya (1 Timoteo 3:3) ay dapat na maging malaya sa pag-ibig sa salapi (Hebreo 13:5). Ang pag-ibig sa salapi ang ugat ng lahat ng uri ng kasamaan (1 Timoteo 6:10). Sinabi ni Hesus "Mangagmasid kayo, at kayo'y mangagingat sa lahat ng kasakiman: sapagka't ang buhay ng tao ay hindi sa kasaganaan ng mga bagay na tinatangkilik niya" (Lukas 12:15). Salungat sa katuruan ng Word of Faith na binibigyang diin ang kasaganaan sa pananalapi at ng tinatangkilik sa buhay, sinabi ni Hesus "Huwag kayong mangagtipon ng mga kayamanan sa lupa, na dito'y sumisira ang tanga at ang kalawang, at dito'y nanghuhukay at nagsisipagnakaw ang mga magnanakaw" (Mateo 6:19). Ang hindi mapagkakasundong pagkakaiba sa katuruan ng "Prosperity Gospel" at ng Ebanghelyo ni Hesu-Kristo ang buod ng mga pananalitang ito ni Hesus "Hindi kayo makapaglilingkod sa Dios at sa mga kayamanan" (Mateo 6:24).

The Reliability of the Bible (Part 4 of 4)

The Reliability of the Bible (Part 4 of 4)

Tinuro ni Pastor Arnel Pinasas
Mula sa CCF – GLC 3


E. Prophecy

Isaias 46:9-10
9 “Alalahanin ninyo ang mga nakaraang pangyayari. Inyong kilalaning Ako lamang ang Diyos, at maliban sa Akin ay wala nang iba. 10 Sa simula pa'y itinakda Ko na, at Aking inihayag kung ano ang magaganap. Sinabi Kong tiyak na magaganap ang lahat ng balak Ko, at gagawin Ko ang lahat ng gusto Kong gawin.”

Parang sinasabi dito ng Diyos na “para mapatunayan Ko na Ako ang natatanging Diyos sasabihin Ko na sa inyo ang mga mangyayari.” Para pag nangyari ito alam natin na Siya ang tunay na Diyos. Kung kilala ninyo si Nostradamus, kilala siya sa pag prophesy ng mga mangyayari at marami ang naniniwala sa kanya. Sa Bible malinaw na sa sampung prophecy at isa doon ay mali ikaw ay false prophet. At siya ay maraming prophecy na hindi nagkatotoo pero marami parin ang mas nagtitiwala at na niniwala kaysa sa mga prophecy sa Bible na lahat ay nagkatotoo. At wala na tayong makikitang ibang religious book na katulad ng Bible sa daming prophecy at 100 percent ay nagkatotoo. Tignan natin ang ilang halimbawa:

1. Tyre

Ezekiel 26:4 (Tyre)
“Iguguho nila ang iyong (Tyre) kuta at ibabagsak ang iyong mga toreng bantayan. Kakalkalin Ko ang iyong lupa hanggang sa bato ang matira.”

Ezekiel 26:12 (Tyre)
“12 Sasamsamin niya ang iyong ari-arian. Iguguho niya ang iyong mga tanggulan, gigibain ang iyong magagarang bahay, at itatambak sa dagat ang mga bato at kahoy na gumuho.”

Kung hindi ninyo alam ang history hindi ninyo ito ma-appreciate. Ang Tyre ay ang major commerce center. Parang sinasabi ng Bible na yung China ay totally wipe-out. So, anong nangyari sa Tyre? Nangyari ba ito?

Ang Tyre ay unang inatake ng Babylon tapos si Alexander the Great ay napasama din. Gustong pumasok ni Alexander the Great sa loob ng templo pero hindi siya pinapasok. Yung mga tao pumunta sila sa baybayin at si Alexander the Great naman ay nasa mainland. Mayroon doong island at may mga nakatira doon sa island na iyon. Alam nyo ba ginawa ni Alexander? Winasak niya ang lumang lunsod ng Tyre para kunin ang lahat ng kanilang mga bato at kahoy at ginamit ito para gumawa ng tulay. Ito ang kauna-unahang land reclamation project. Ang lahat ay nagiba doon para mangyari at matupad ang nakakamanghang prophecy.

Si Alexander the Great ay papunta sana ng India pero nabaling ang lakas niya dahil ininsulto siya ng mga tao sa Tyre. Mga kapatid tandaan ninyo ito, kapag may sinabi ang Diyos na isang bagay ito’y tiyak na mangyayari.

2. Medo-Persia At Greece

Daniel 8:20-22 (Medo-Persia & Greece)
“20 Ang dalawang sungay ng barakong tupa na nakita mo ay ang mga hari ng Media at Persia. 21 Ang barakong kambing ay ang hari ng Grecia at ang malaking sungay sa pagitan ng kanyang mga mata ay ang unang hari. 22 Tungkol naman sa apat na sungay na humalili sa unang sungay, nangangahulugan itong mahahati sa apat ang kaharian ngunit hindi magiging makapangyarihang tulad noong una.”

Muli, hindi natin ito mauunawaan maliban kung aalamin natin ang history.

Daniel 11:3-4
“Pagkatapos, lilitaw ang isa na namang makapangyarihang hari. Ito ay maghahari sa isang malawak na nasasakupan at gagawin niya ang anumang kanyang maibigan. 4 Kapag naghahari na siya, mahahati sa apat ang kanyang kaharian ngunit isa ma'y walang mauuwi sa kanyang mga kaanak. Ang kaharian niya'y masasakop ng mga taga-ibang bayan, ngunit sinuman sa kanila'y hindi magkakaroon ng kapangyarihang mamahala tulad ng sa kanya.”

Ang gustong sabihin dito ng Diyos na itong great king ay bigla nalang mahahati ang kanyang kingdom hindi dahil sa gusto niya ito at ito’y labas sa kanyang kontrol. At hindi daw mamamana ng kahit na sinoman daw sa kanyang kamag-anak ang kanyang trono at alam naman natin na sa panahon nila na ang trono ay dapat napapasa sa anak o sa kamag-anak. So, nung sinasabi ito ni Daniel wala silang idea sa kung ano ang sinasabi ng Bible hanggang sa ang prophesy ay magkatotoo.

Sino ang tinutukoy dito ng Bible? Kay Alexander the Great. Siya ay namatay sa kasagsagan ng kanyang kagitingan at namatay siya ng bata pa. Pagkatapos niyang mamatay nahati ang kanyang kingdom sa apat na general niya.

Nangyari ito lahat sa panahon na tinatawag natin na the 400 years of silent bago dumating si Jesus. Sinabi na ito ng Bible bago pa ito mangyari. Wala na kayong makikita na ibang book na may prophecy katulad ng Bible na natupad - tulad ng historical events, places.

3. Egypt
Isa pang nakakamanhang prophecy na titignan natin ay ang sa bansang Egypt. Ang Egypt ay super advance at super power na bansa. They invented so many things. Before pa kay Abraham ay meron ng Pyramid.

Pero ngayon ang Egypt ano na sila ngayon? Mas angat pa nga ang Philippines sa bansa nila. Bakit nagkaganito? Ano ang nangyari?

Ezekiel 29:9 (Egypt)
“Ang buong Egipto ay matitiwangwang at mawawalan ng kabuluhan. Sa gayon makikilala ninyong ako si Yahweh. ‘Sinabi mong iyo ang Ilog Nilo sapagkat ikaw ang gumawa niyon.’”

Ezekiel 29:15 (Egypt)
“Siya'y magiging pinakamahina sa lahat ng kaharian, at kailanma'y hindi siya makahihigit sa iba, pagkat pananatilihin Ko silang kakaunti.”

Tandaan nyo ang Egypt noong panahon nila ay parang America sa panahon natin ngayon. Ang mga Israelita ay pumupunta doon for protection. Pero ngayon pumunta ka sa Egypt, nakakalungkot, di kapanipaniwala ang nangyari sa kanila, malayong-malayo sa dating Egypt na makikita natin sa Bible. Marami patayong makikita na Kingdom na bumagsak pero muling nakabanggon gaya ng China pero ang Egypt hindi na naka-recover. Bakit? Dahil ang Diyos kapag may sinabi nangyayari

4. Edomites

Obadias 4 (Edomites)
“Kasintaas man ng pugad ng agila ang iyong bahay, o maging ang mga bituin man ay iyong kapantay, hahatakin kitang pababa at ikaw ay babagsak.”

Obadias 3 (Edomites)
“Nilinlang ka ng iyong kayabangan; dahil ang kapitolyo mo'y nakatayo sa batong buháy; dahil ang tahanan mo'y nasa matataas na kabundukan. Kaya't sinasabi mo, ‘Sinong makakapagpabagsak sa akin?’”

Pero anong sinabi ng Diyos sa mga taga-Edom?

Obadias 10 (Edomites)
“Dahil sa ginawa mong karahasan sa angkan ng kapatid mong si Jacob, sa kahihiya'y malalagay ka, at mahihiwalay sa Akin magpakailanman.”

Pag pumunta ka ngayon sa Edom pagtinanong mo mga tao doon kung ano ang kanilang citizenship walang magsasami na sila’y Edomites.

Ngayon, wala kahit sino na magsasabi na sila’y Edomites. Ang Edomites ay nabura sa buong sanlibutan. Merong lugar na tinatawag na Edom pero wala ng Edomites. Dako naman tayo sa mga Moabites

5. Moabites

Jeremias 48:42 (Moabites)
“Gayon mawawasak ang Moab, at hindi na siya kikilalaning isang bansa; sapagkat naghimagsik siya laban kay Yahweh.”

Ngayon, wala na kayong makikitang bansang Moab ayon sa sinabi ng prophecy.


F. Israel

Ang Israel ay nawala sa buong sanlibutan noong 70 AD nang sila ay totally winasak ng Roma at ang kanilang templo dahil sa kanilang rebellion. At dahil sa tindi ng galit ng Roma sa Israel ang bansa nila ay pinalitan ng pangalan na Palestina. Ang Palestina ay naimbento lamang ng Roman empire para hamakin ang Jewish People. Nag karoon din minsan sa kasaysayan nila na nag utos ang Roman empire na bawal tumira sa Jerusalem ang Jewish people bilang parusa. Wala ng Jews, wala ng Israel kaya nagkalat sila sa buong mundo. Pero ano ang nangyari?

Ezekiel 36:24, 34
“24 Titipunin Ko kayo mula sa iba't ibang bansa upang ibalik sa inyong bayan. 34 Ang mga ilang na dako ay muling bubungkalin. “

Alam nyo ba na ang Israel ang food capital ng Europe. Fruit Capital at kahit na ang Philippnes nag-aangkat ng buto ng saging mula sa Israel.

Ezekiel 37:21-22
“21 habang sinasabi mong ito ang ipinapasabi ni Yahweh: Titipunin Ko ang mga Israelita mula sa mga dakong kinatapunan nila upang ibalik sila sa sarili nilang bayan. 22 Sila'y pag-iisahin Ko na lamang. Isa lamang ang magiging hari nila; hindi na sila mahahati, sila'y gagawin Kong isa na lamang kaharian.”

For 2,000 year wala silang flag, walang nation anthem, walang real estate, wala lahat. Ngayon sino ang makakapag paliwanag kung papaano sila magiging bansa muli? Maraming mga Pilipino kapag napunta sila sa America ilang taon lang hindi na nagtatagalog o hirap na magtagalog. Ito imagine 2,000 years na nagkalat sila. Ngayon tanungin nyo ako kung bakit dapat maniwala ang tao sa Bible? Tignan ninyo ang bansang Israel ngayon. Ngayon ang Israel ay palakas ng palakas. Alam nyo ba na merong malaking parte ang Philippines sa prophecy na ito?

Isaias 66:8
“May nabalitaan na ba kayo o nakitang ganyan? Isang bansang biglang isinilang? Ang Zion ay hindi maghihirap nang matagal upang ang isang bansa ay kanyang isilang.”

Kailan nangyari na ang isang bansa ay biglang isinilang? May 14, 1948 nang maging bansa ang Israel muli. Nagkaroon po ng tie sa voting sa tutol at sa pabor at ang Philippnes na lang ang hindi bumubuto. Ang Philippines ay bumuto pabor sa Israel at nangyari nga ang kanilang inaasam. Bumuto ang Philippines sa pangunguna ni Carlos P. Romulo na under instruction ni president na si Manuel Roxas, under instruction by U.S. President Truman, under instruction by God in favor sa UN Resolution 181 ng pagrekomenda ng pagkahati ng Palestine at ma-establish ang Jewish State.

Ang Pilipinas ay kasama sa 33 bansang bumutong pabor sa Israel at ang kaisa-isang Asian country na bumuto pabor sa kanila. Kaya ang Israel ay naging bansa dahil sa Philippines kaya nga nakakapunta ang Pinoy doon ng walang Visa.

After ilang taon, 1967 nagkaroon ng Arab-Israeli war, or Third Arab-Israeli war. Sila’y pinagtulungan ng mga bansang nakapalibot sa maliit nilang bansa - Ang Egypt, Iraq, Syria, at Jordan. Sino sa tingin nyo ang mananalo? Apat laban sa isang maliit na bagong bansa? Siyempre ang Israel - at maniwala man kayo o hindi tumagal lang ang labanan nila ng 6 na araw. June 5, 1967- June 10, 1967. Kaya tinawag itong the six days war. Bakit ito nangyari? Dahil meron Diyos na buhay na tapat sa Kanyang pangako. Kung gusto nyo malaman ang detalye sa kung papaano nangyari iyon mapapanood nyo yan sa mga documentary sa youtube - you will amaze.


G. Jesus-Christ

Meron halos 400 prophecy patungkol kay Jesus at ibabahagi ko sa inyo ang tinatawag na “the law of probability” na ginawa ng Mathematics & Astronomy Professor Peter W. Stoner. Makikita natin dito kung gaano ka-imposible na mangyari ang lahat ng prophecy kay Jesus maliban kung ang Diyos ay tunay na gagawa sa mga bagay na ito.

Sabi niya na ang chance para mangyari ang 8 lang sa halos 400 na prophecy sa isang tao ay mangyayari lang sa chance na 1 in 1017 (100,000,000,000,000,000). Ganito yan, yung buong Luzon punoon natin ng 5 pesos coin hanggang kumapal ito ng 2 feet na lalim na barya. Tapos yung isang limang piso lalagyan natin ng x tapos itatapon sa kahit saang lugar sa buong Luzon. Tapos sasakay ka ng helicopter tapos lalagyan ka ng piring sa mata tapos ikaw ang magdedesisyon kung saan kayo titigil.

Ang unang baryang makukuha mo ay dapat yung may x na barya. Ganoon ang chance para mangyari ang 8 prophecy sa isang tao. At kapag mas tumataas pa ang bilang ng prophecy na dapat mangyari sa isang tao mas tumataas din ang probability para makuha iyon. Halimbawa dagdagan pa na 8 ulit bale may total na 16 prophecy ang probability ngayon para mangyari iyon ay magiging 1x1028x1017 or 1 in 1045  (1, 000, 000, 000, 000, 000, 000, 000, 000, 000, 000, 000, 000, 000, 000, 000).

Pano nila nakuha ang number na iyon? Halimbawa, pinanganak sa Bethlehem - ilan sa mga tao doon ang pinanganak sa Bethlehem? So, tanggal na ang mga hindi pinanganak sa Bethlehem. llan ang pinangak ng isang birhen? So, tanggal na ang mga hindi pinanganak na birhen. So, noong panahon ni Jesus gaano karami ang naroon sa Bethlehem halimbawa 5,000. So, 1 out of 5,000, at ilan naman doon ang mapapako sa krus? Ganon nila binilang iyon. Tandaan natin ito na ang pinag-uusapan natin ay almost 400 prophecy sa isang tao na dapat mangyari at sino iyon? Jesus Christ is our Messiah. He fulfilled ang lahat ng prophecy


H. Resurrection

1 Corinto 15:3-4
“3 Sapagkat ibinigay ko sa inyo bilang pinakamahalaga sa lahat ang tinanggap ko rin: na si Kristo'y namatay dahil sa ating mga kasalanan, tulad ng sinasabi sa Kasulatan; 4 inilibing Siya at muling nabuhay sa ikatlong araw, tulad din ng sinasabi sa Kasulatan”

Sino sa inyo dito ang may kilala na isang Religious leader o political leader ang nagsasabi na siya ang Messiah at siya ay mamatay at pagkatapos ng tatlong araw siya ay mabubuhay? May kilala kayong ganon? Meron tayong tinatawag na the reality of doubts - “talaga bang ang Bible ay tunay” at lahat tayo ay maaaring dumaan sa ganito. Alam natin na si Jesus ay naniniwala sa Bible. Marami Siyang ginamit na mga verse sa Old Testament at wala Siyang ginamit sa apocrypha. Lahat ng apostle ay saksi kay Jesus at lahat ng sulat nila ay tinutukoy Siya. Kaya dapat tayong tumingin kay Jesus, dahil kung talagang namatay Siya sa krus at muli Siyang nabuhay mula sa mga patay iyan ang mag-aalis sa atin ng lahat ng ating pagdududa. Tama?

Kaya tignan natin ito:

•  Si Jesus ba ay Historical man? Yes
•  Namatay ba Siya sa krus

Ito ay walang problema dahil ito ay historical facts. Mababasa natin labas sa Bible. Pero ang problema at tanging tanong, “talaga bang Siya’y muling nabuhay?” Kaya merong debate sa bagay na ito kaya sinulat ito ni apostle Paul:

1 Corinto 15:5-6
“5 at Siya'y nagpakita kay Pedro, at saka sa Labindalawa. 6 Pagkatapos, nagpakita Siya sa mahigit na limandaang kapatid na nagkakatipon. Marami sa kanila'y buháy pa hanggang ngayon, subalit patay na ang ilan.”

Ang gustong sabihin dito ni Paul na “kung hindi kayo naniniwala na si Jesus ay muling nabuhay papakita ko sa inyo na maraming saksi sa muli Niyang pagkabuhay. Kung gusto nyo’y tanungin nyo sila at marami sa kanila ay buhay pa” Ang tanong, ito ba’y totoo o hindi totoo? Nag patuloy pa si Paul…

1 Corinto 15:7-8
“7 At nagpakita rin Siya kay Santiago at pagkatapos ay sa lahat ng mga apostol. 8 Sa kahuli-huliha'y nagpakita rin Siya sa akin, kahit na ako'y tulad ng isang batang ipinanganak nang wala sa panahon.”

Nauunawaan nyo kung sino ba itong si apostle Paul? Siya ay unang lumalaban sa mga nananampalataya kay Jesus. Tapos sinasalaysay niya na siya ay naging taga-sunod ni Kristo dahil sa resurrection.

Siya ay nakakamanghang tao ang problema lang hindi siya Kristiyano. Isang araw may nag challenge sa kanya para imbistigahan si Jesus kung talagang Siya’y muling nabuhay. Madali lang na pabagsakin si Jesus, patunayan mo lang na hindi totoo ang resurrection. So, inimbistigahan ng lawyer na ito ang resurrection ni Jesus Christ Ano ang kanyang naging conclusion?

“I say unequivocally that the evidence for the resurrection of Jesus Christ is so overwhelming that it comples acceptance by proof which leaves absolutely no room for doubt.” - Sir Lionel Luckhoo

Nakita nyo? Ang problema sa mga hindi naniniwala ay hindi sila nagkaroon ng oras para imbestigahan ang facts. Sino naman ang nakakakilala kay…

Nag bigay siya sa atin ng 4 important rule sa evidence…

Dr. Simon Greenleaf’s standards for a witness
• Are the witnesses hones? Are they telling the truth?
• Are the witnesses believable?
• Are there enough witnesses?
• Are the witnesses consistent?

Nauunawaan ng lalaking ito ang logic ng legal method. Ang scientific method ay iba sa legal method. Ang scientific method ay naka dipende sa repetition. Halimbawa, papaano ninyo malalaman ang law of gravity? Papaano ninyo iyon mapapatunayan? Simple lang, maghulog ka ng kahit ano at ito’y mahuhulog at ito’y mauulit-ulit mo. So, mapapatunayan mo ang law of gravity using scientific method na tinatawag nating repetition.

“Alam nyo ba na nandoon ako sa panunumpa ni Presedent Duterte?” Papaano ko mapapatunayan? Hindi ko pwedeng gamitin ang scientific method dahil hindi ko na mauulit ang event. Kaya hahanapan nyo ako ng legal method. Dapat may mapakita akong ticket sa barko o sa plane na ako’y lumuwas pa Manila. Dapat may mapakita akong kaibigan na nakasama ko doon. Dapat may mapakita akong invitation o program. Dapat may mapakita akong picture. Ang tawag natin dito ay legal method.

Ngayon, papaano natin mapapatunayan na si Jesus ay namatay at muling nabuhay? Hindi scientific method dahil hindi na natin mauulit ang event. Pero pwede nating gamitin ang legal method. At according sa famous lawyer na ito…

“The resurrection is one of the best documented events in the history of man.” - Dr. Simon Greenleaf

Ngayon masasabi ko sa inyo na taos sa aking puso na naniniwala ako na si Jesus ay namatay at muling nabuhay at ngayon Siya ay buhay na taga-pagligtas. Ang lahat ng pinag-aralan natin ang dahilan kung bakit ako naniniwala sa Bible. Sa pagtatapos natin, bilang challenge sa inyo.

“You must make your choice. Either this man was, and is, the Son of God, or else a madman or something worse. You can shut Him up for a fool… or you can fall at His feet and call Him Lord and God.” - C.S. Lewis

"Dapat pumili ka. Alinman sa Siya man ay Anak ng Diyos, o kung hindi man ay isang baliw o isang mas masahol pa. Maaari mo Siyang patahimikin para sa isang tanga ... o maaari kang mahulog sa Kanyang paanan at tawagan Siya na Panginoon at Diyos.” - C. S. Lewis

Nawa maalis nito ngayon ang anumang pagdududa natin kay Jesus at sa Bible. Tanungin ko kayo naniniwala ba kayo na ang Bible ay totoo

Yes, dahil sa 8 evidence na meron tayo.
A. Bibliographical Test
B. Internal Evidence Test
C. External Evidence Test
D. Archaeology
E. Prophecy
F. Israel
G. Jesus Christ
H. Resurrection

Maging totoo kayo? Ilan sa atin ang nakabasa na ng Bible from cover to cover? Marahil karamihan sa atin na nagsasabi na tayo ay mananampalataya ay hindi pa natatapos basahin ang Bible ng buo. Narito ang ilang bagay na dapat natin malaman patungkol sa bagay na ito para tayo ay muling mahamon sa pagbabasa nito.

May ginawang pagsusuri kung ilang oras ang mauubos mo sa pagbabasa ng Biblia. Narito ang kanilang nakita…  

Groupings:
In groups of 3-4, share your responses to the following:

PAG-ISIPAN:
Ano ang mga nalaman mo ngayon patungkol sa Biblia na nakatulong para mas paniwalaan mo ito?

PAG-SASABUHAY:
Matapos mo malaman ang mga katotohanan na pinag-aralan natin, papaano ito makakaapekto sa paglakad bilang mananampalataya?

PANANALANGIN:
Ipanalangin sa Diyos na tulungan kang maipamuhay ang iyong nagawang pagsasabuhay.

Activity:

Group by two
1. Humanap ng kapareha at mag-assign ng mga sumusunod na role:
a. isang skeptics na hindi naniniwala na ang bible ay reliable
b. isang naniniwala na mag babahagi kung bakit siya naniniwala na ang bible ay accurate at reliable (tumpak at maaasahan).

2. Magsasalitan sila ng role at may tig 10 mins ang naniniwalang role para sabihin ang dahilan kung bakit siya naniniwala na ang bible ay accurate at reliable.

Bakit ka naniniwala na ang Diyos ay Trinidad?

Tanong:

Bakit ka naniniwala na ang Diyos ay Trinidad?

Sagot:
Ang isa sa mga katotohanan ng Kristiyanismo na mahirap ipaliwanag ay ang Trinity o Trinidad. Walang sapat na kaparaanan upang lubusan itong maipaliwanag. Ang Trinidad ay isang Biblikal na katuruan na imposibleng lubusang maunawaan ng isang tao. Ang Diyos ay kahanga-hanga at higit ang karunungan kaysa sa atin, kaya nga, wala tayong kakayahan na maunawaan Siya ng lubusan. Itinuturo ng Bibliya na ang Ama ay Diyos, na si Hesus ay Diyos, at ang Banal na Espiritu ay Diyos. Itinuturo din ng Bibliya na mayroon lamang iisang Diyos. Bagama't nauunawaan natin ang relasyon ng tatlong persona ng Trinidad sa bawat isa, sa kabuuan ay hindi ito kayang maunawaan ng isipan ng tao. Subalit hindi ito nangangahulugang hindi ito totoo o hindi ito itinuturo ng Bibliya.

Dapat isaisip ng mag-aaral na ang salitang “Trinidad” ay hindi ginamit sa Kasulatan. Ito ay salitang ginamit ng mga teologo sa pagtatangkang ilarawan ang Diyos, at ang katotohanang mayroong tatlong nabubuhay, na kapwa walang hanggang mga persona na bumubuo sa Diyos. Dapat unawain na HINDI itinuturo ng Bibliya sa anumang paraan na mayroong tatlong Diyos. Ang katuruan ng Trinidad ay isang Diyos sa tatlong persona. Walang mali sa paggamit ng salitang “Trinidad” sapagkat ito'y katumbas ng salitang “tatlong nabubuhay, kapwa walang hanggang mga persona sa iisang Diyos.” Kung problema para sa iyo ang pag-intindi sa doktrinang ito, isipin mo ito: ang salitang lolo ay hindi ginamit sa Bibliya. Sa kabila noon, alam nating mayroong mga lolo sa Bibliya. Si Abraham ay ang lolo ni Jacob. Kaya't huwag kang maguluhan sa salitang “Trinidad.” Ang higit na mahalaga ay ang konsepto ng salitang “Trinidad” ay makikita sa Banal na Kasulatan.

Upang ang iyong pag-aalinlangan ay ganap na maisantabi, narito ang mga talata sa Bibliya na tumutukoy sa paksa ng Trinidad.

1) Mayroong iisang Diyos: Deuteronomio 6: 4; 1 Corinto 8:4; Galacia 3:20; 1 Timoteo 2:5.

2) Ang Trinidad ay binubuo ng tatlong persona: Genesis 1:1; 1:26; 3:22; 11:7; Isaias 6:8; 48:16; 61:1; Mateo 3:16-17; Mateo 28:19; 2 Corinto 13:14. Sa mga talata sa Lumang Tipan, ang kaalaman sa wikang Hebreo ay makatutulong. Sa Genesis 1:1, ang maramihang pangalang “Elohim” patungkol sa Diyos ay ginamit. Ang salitang ito ay nagsasaad na iisa ang Diyos ngunit ang ginamit na gramatiko ay sa paraang pangmaramihan. Sa Genesis 1:26; 3: 22; 11:7 at Isaias 6:8, ang maramihang panghalip sa Diyos na “Amin” ay ginamit. Ang Hebreong salita na ”Elohim” na tumutukoy sa Diyos ay tumutukoy sa higit pa sa dalawa.

Sa wikang ingles, mayroon lamang dalawang anyo, isahan at maramihan. Sa Hebreo, mayroong tatlong anyo: isahan, dalawahan, at maramihan. Ang dalawahan ay salitang ginagamit na tanging para sa dalawa lamang. Sa Hebreo, ang dalawahang anyo ay ginagamit sa mga bagay na magkapares kagaya ng mga mata, at mga kamay. Ang salitang “Elohim” at ang panghalip na “Amin” ay nasa anyong maramihan - at iyon ay tiyak na higit pa sa dalawa - at posibleng tumutukoy sa tatlo (Ama, Anak, Banal na Espiritu). Sa aklat ng Isaias 48:16 at 61:1, ang Anak ay nagsasalita habang tinutukoy ang Ama at ang Banal na Espiritu. Ikumpara ang Isaias 61:1 sa Lucas 4:14-19 para makitang ang Anak ang nagsasalita. Inilalarawan ng Mateo 3:16-17 ang pagbabautismo kay Hesus. Makikita sa pangyayaring ito na ang Diyos Espiritu ay bumaba sa Diyos Anak habang ipino-proklama naman ng Diyos Ama ang Kanyang saloobin tungkol sa Kanyang Anak. Ang Mateo 28:19 at 2 Corinto 13:14 ay halimbawa ng tatlong magka-ibang persona ng Trinidad.

3) Kinikilala ang bawat miyembro ng Trinidad sa iba't-ibang talata sa Bibliya: sa Lumang Tipan, ang salitang “PANGINOON” ay bukod sa “Panginoon” (Genesis 19:24; Hosea 1:4). Sinasabi ng Kasulatan na ang “PANGINOON” ay may “Anak” (Awit 2:7, 12; Kawikaan 30:2-4). Ang Espiritu ay nagmula sa “PANGINOON” (Mga Bilang 27:18) at nagmula sa “Diyos” (Awit 51:10-12). Ang Diyos Anak ay mula sa Diyos Ama (Awit 45:6-7; Hebreo 1:8-9). Sa Bagong Tipan, sa aklat ng Juan 14:16-17, ipinahayag ni Hesus sa Ama ang tungkol sa pagpapadala ng isang “Katulong” na walang iba kundi ang Banal na Espiritu. Ito'y nagpapakita na hindi inaangkin ni Hesus ang Kanyang sarili bilang Ama o bilang Banal na Espiritu. Dapat ding isaalang-alang ang ilang pagkakataon sa Ebanghelyo kung saan nakikipag-usap si Hesus sa Diyos Ama. Siya ba ay nakikipag-usap sa Kanyang sarili? Hindi! Nakikipag-usap Siya sa isa pang persona sa Trinidad - ang Diyos Ama.

4) Ang bawat miyembro ng Trinidad ay Diyos: Ang Ama ay Diyos: Juan 6:27; Roma 1:7; 1 Pedro 1:2. Ang Anak ay Diyos: Juan 1:1, 14; Roma 9:5; Colosas 2:9; Hebreo 1:8; 1 Juan 5:20. Ang Banal na Espiritu ay Diyos: Mga Gawa 5:3-4; 1 Corinto 3:16 (ang nananahan sa atin ay ang Banal na Espiritu - Roma 8:9; Juan 14:16-17; Mga Gawa 2:1-4).

5) Ang katayuan ng mga persona ng Trinidad: Ipinakikita ng Kasulatan na ang Banal na Espiritu ay nagpapasakop sa Ama at sa Anak, at ang Anak naman ay nagpapasakop sa Ama. Ito ay panloob na relasyon at hindi maipagkakaila ang pagka-Diyos ng alinmang persona sa Trinidad. Ito ay isang katuruan na hindi na kayang arukin ng limitado nating pag-iisip sapagkat ang Diyos ay walang hanggan. Tungkol sa Anak tingnan ang: Lukas 22:42; Juan 5:36; Juan 20:21; 1 Juan 4:14.Tungkol sa Banal na Espiritu tingnan ang: Juan 14:16; 14:26; 15:26; 16:7 at lalong lalo na ang Juan 16:13-14.

6) Ang gawain ng bawat miyembro ng Trinidad: Ang Ama ang pinanggalingan o may akda ng:

a) sanlibutan (1 Corinto 8:6; Pahayag 4:11);
b) ng banal na kapahayagan (Pahayag 1:1);
c) ng Kaligtasan (Juan 3:16-17); at
d) gawain ni Hesus bilang tao (Juan 5:17; 14:10).

Ang Ama ang nagpasimula ng lahat ng mga bagay.

Ang Anak ang kinatawan ng Ama at nagsakatuparan ng mga sumusunod na gawain:

a) ang paglalang at pag-papanatili ng sanlibutan (1 Corinto 8:6; Juan 1:3; Colossas 1:16-17);
b) Banal na kapahayagan (Juan 1:1; Mateo 11:27; Juan 16:12-15; Pahayag 1:1);
c) ng Kaligtasan (2 Corinto 5:19; Mateo 1:21; Juan 4:4 2).

Ginawa lahat ito ng Ama sa pamamagitan ng Anak, na gumaganap bilang Kanyang kinatawan.

Ang Banal na Espiritu naman na nagmula sa Ama at Anak ang gumaganap ng mga sumusunod na gawain:

a) ang paglalang at pagpapanatili ng sanlibutan (Genesis 1:2; Job 26:13; Awit 104:30);
b) Banal na kapahayagan (Juan 16:12-15; Efeso 3:5; 2 Pedro 1:21);
c) ang kaligtasan (Juan 3:6; Titus 3:5; 1 Pedro 1:2); at
d) ang mga Gawa ni Hesus (Isaias 61:1; Mga Gawa 10:38).

Ang Ama ang may lalang ng lahat ng bagay at ito ay sa pamamagitan ng Banal na Espiritu. Wala sa mga kilalang halimbawa ang ganap at eksaktong makapaglalarawan sa “Trinidad.” Ang Ama, Anak at Banal na Espiritu ay hindi mga bahagi lamang ng Diyos kundi bawat isa sa Kanila ay Diyos. Ang paglalarawan gamit ang tubig ay isang magandang halimbawa ngunit bigo pa rin itong ipaliwanag ang “Trinidad.” Ang likido, singaw, at yelo ay mga anyo ng tubig. Ang Ama, Anak at Banal na Espiritu ay hindi anyo lang ng Diyos, ang bawat isa sa Kanila ay tunay na Diyos. Samakatuwid, habang ang ganitong paglalarawan ay magbibigay sa atin ng larawan ng Trinidad, ang nasabing larawan ay hindi eksaktong magkapagpapaliwanag sa Trinidad. Ang walang hanggang Diyos ay hindi kayang ipaliwanag ng limitadong isipan ng tao. Sa halip na ituon ang pansin sa pagpapaliwananag sa Trinidad, sikapin nating ituon ang pansin sa kadakilaan, kawalang hanggan at kaluwalhatian ng Diyos. “Napakasagana ng kayamanan ng Diyos! Di maarok ang kayamanan, karunungan at kaalaman ng Diyos! Hindi malirip ang Kanyang mga panukala at pamamaraan! Gaya ng nasusulat: Sapagka't sino ang nakakaalam sa pag-iisip ng Panginoon, O sino ang naging tagapayo Niya?” (Roma 11:33-34).

Pakikipaglaban Para sa Pagsasamang Mag-asawa- "Ang Telecom-Company na Pagsasama" (3 of 7)

Pakikipaglaban Para sa Pagsasamang Mag-asawa (3 of 7) 

Ang Telecom-Company na Pagsasama
Basahin: Roma 12:9-18

Madalas nating isipin na ang lahat ng problema sa pag-aasawa ay nagmumula sa isang malaking paglabag sa tiwala o isang malaking trahedya. Ngunit maraming problema sa pag-aasawa ang maaaring sanhi ng isang bagay na ganap na naiiba. Kadalasan, ang pagmamahal ng isang tao ay nawawala hindi dahil sa isang kasalanan lamang, kundi minsan dahil sa isang pattern na pagbalewala na ugaling nagpapatuloy na humahantong sa tinatawag kong “Ang telecom-company na pagsasama.” Alam kong medyo hindi kayo pamilyar sa salitang ito, kaya hayaan mong ipaliwanag ko ito.
Noong kami ng aking asawa ay sumubok na bumili ng pocket-wifi na post-paid sa isang local telecom ay napansin namin ang maayos at nakakamanghang pag-aasikaso at magandang pagtrato sa amin para makumbinse kaming magkuha nito dahil dito binili namin dahil nga sa magandang trato at nakita nga namin na mas makakatipid kami kaysa lagi kaming naglo-load ayon din sa kanilang panliligaw sa amin. Ngunit lumipas ang isang buwan ay nakita na namin ang problema, naglabasan ang mga nakatagong bayarin na dahilan para mas mapamahal pa ang binabayaran namin sa internet at isa pa ay ang mabagal na internet at hindi sulit na data usage. Kapag tumatawag naman ako para ireklamo ang hindi magandang connection ay hindi rin ako nila naaasikaso agad at wala ring tulong na naibibigay.

Nakakalungkot na minsan din kaming nakaranas nito sa aming pagsasama bilang mag-asawa. Alam kong marami rin ang mag-asawa na nakakaranas nito na pinapatakbo sa ganitong ding paraan. Sa simula, kapag sinusubukan natin na makuha ang isa’t isa, halos ibigay at gawin natin ang lahat para makuha ang isa’t isa. Ngunit kapag dumating na sa realidad na araw-araw kayong magkasama, hihinto na sila sa paggawa ng lahat ng mga bagay na ginagawa nila sa simula. Kapag ganito, hindi magtatagal ay pareho silang maghahangad ng bago kung saan sila ay muling pakikitunguhan ng maayos.

Naalala ko na ito lagi ang napapansin ng aking asawa sa akin at binabalik niya sa akin ang mga dati kong ginagawa at sinasabing magagandang pangako sa kanya noong ako ay nanliligaw palang sa kanya. Pero binale-wala ko ito na humantong sa hindi magandang bagay. Pero hindi dapat ganito sa pagsasama ng mag-asawa. Natutunan namin na dapat ang pag-aasawa ay lalong nag-g-grow stronger sa paglipas ng panahon. Dapat ipagpatuloy ng mag-asawa ang pagpupursige, paghihikayat, at pananabik sa isa’t isa sa anumang panahon ng relasyon.

Kung nakikita mo ang iyong sarili ngayon sa isang telecom-company na pagsasama, huwag mawalan ng pag-asa! Huwag mong itapon ang iyong kasalukuyang relasyon para lamang magsimulang muli sa iba at ulitin lang ang parehong pangyayari. Gumawa ng pangako na baguhin ang inyong pagsasama. Nang ginawa namin ito nakita namin na ang pinakamagandang araw sa aming pagsasama ay hindi pala sa nakaraan namin kundi sa hinaharap namin.

Nasaan ka man sa inyong relasyon, naniniwala ako na maaari kang lumakas sa paglipas ng panahon. Ang anumang relasyon na dumadaan na parang isang bote sa dagat na bahala na kung saan dalhin ng hangin ay patungo sa pagkawasak, ngunit ang relasyong nakakaranas ng tuloy-tuloy na pamumuhunan ng oras at pokus ay uunlad hanggang sa katapusan.

Isa pa sa mga tinuro ng Panginoon sa amin ay ang pinakamabisang paraan para makawala sa gulo sa aming pag-aasawa ay ang walang humpay na paglilingkod sa isa’t isa. Isa sa mga huling aral na itinuro ni Jesus sa Kanyang mga disipulo sa lupa ay ang paglingkuran ang isa’t isa. Binigyan Niya sila ng isang praktikal na halimbawa ng paglilingkod sa pamamagitan ng paghuhugas Niya ng kanilang mga paa, nang sunod-sunod, pagkatapos ng kanilang huling pagkain nang magkakasama.

Kapag pinili ng isang mag-asawa na paglingkuran ang isa’t isa at pinili din na paglingkuran ang iba nang magkasama, agad na bumubuti ang pagsasama. Napagtanto naming mag-asawa na kapag darating ang panahon na darating na kami sa katapusan ng aming pagsasama sa mundong ito, ang pinakamahalaga ay ang mga sandali na pinaglingkuran namin ang isa’t isa at ang mga sandali na magkasama kaming naglingkod sa iba. Kapag inalis natin ang pagiging makasarili sa ating pagsasama, pag-ibig na lang ang mananatili. Iyan ang uri ng pag-ibig na maaaring magpabago ng inyong pagsasama at magpapabago ng mundo sa pamamagitan ng inyong pagsasama.

Names of God: Creator God (Elohim) - "Bawat Bansa" (15 of 366)

Name of God: Creator God (Elohim) 

Bawat Bansa
Basahin: Genesis 9:1-7
(15 of 366)

“Ikaw ang lumalang sa lahat ng bagay… tinubos Mo ang mga tao para sa Diyos mula sa bawat lahi, wika, bayan at bansa.” (Pahayag 4:11; 5:9)

Noong 1963, sinabi ni Martin Luther King Jr., nang 11:00 ng Linggo ng umaga, “…Nakatindig tayo ngayon sa oras na magkakasama ang mga magkakatulad sa bansang ito.” Tulad nito sa ngayon, marami pa ring mga Kristiyano ang sumasamba sa Diyos na mga taong kasama ang mga kakulay at ka-ugali na katulad nila – sa lahi, sosyal, ekonomiko, at pampulitika.

Maaaring alam nyo ang pakiramdam kung ikaw ay nasa kalagitnaan ng mga naggugrupo-grupo na mga tao at hindi ka makakonekta sa kanila dahil na-a-out of place ka sa kanila.

Gaano kaya natin nasasaktan ang Diyos kung makita Niya na tayo ay nakikipag-ugnayan lang sa mga taong katulad natin sa anumang bagay? Malamang sinasabi sa atin ng Diyos na, “may dahilan kung bakit Ko kayong ginawang magkakaiba-iba.”

Balang araw sa kawalang-hanggan, lahat tayo ay tatayo sa harap ng trono ng Elohim, na nagpupuri sa Kanya sa kung sino Siya at pasasalamatan Siya sa kung sino tayo: mga taong tinubos mula sa bawat tribo, wika, at bansa. Hanggang sa araw na iyon, marami pa rin tayong taong dapat kaibiganin.

Pagbulayan:
1. May mga tao bang hindi mo kinakaibigan dahil iba sila sayo?

2. Ano sa tingin mo ang dapat itama sa pakikipag-ugnayan mo sa ibang tao para sila ay madala mo sa Panginoon?

Panalangin:
Elohim, nilikha Mo ang mga tao mula sa lahat ng bansa. Tulungan Mo po akong makita Ka sa lahat ng Iyong mga nilikha.

 

Names of God: Creator God (Elohim) - "Walang Pagkakamali" (14 of 366)

Name of God: Creator God (Elohim) 

Walang Pagkakamali
Basahin: Awit 139:13-18
(14 of 366)

“Ang anumang aking sangkap, ikaw, O Diyos, ang lumikha, sa tiyan ng aking ina’y hinugis Mo akong bata,” (Awit 139:13).

Minsan ayaw kong humarap sa salamin. Kasi kapag ginawa ko ito madalas napapatanong ako sa Diyos sa mga kapintasang nakikita ko sa aking sarili.

Si Haring David ay namangha sa kakayahan ng Diyos sa paglikha sa bawat isa sa atin. Walang alinlangan si David na ang Diyos ay maykinalaman sa pagbuo sa buhay ng bawat indibiduwal. Binuo tayo ng Manlilikha, ang Elohim, sa sinapupunan ng ating ina sa nakakamanghang mga paraan.

Sa paglilihi, ang ating buhay ay napakaliit, hindi tayo makikita. Gayunpaman, ang Elohim ay nakikita tayo at hindi lamang Niya nakikita tayo, natukoy pa Niya noon pa man kung sino tayo. Mas maliit pa kaysa sa isang butil ng buhangin, ngunit tayo ay buhay, tayo ay natatangi na mga indibidwal. Ang mga minana nating gene ang nagpapasya sa ating mata at kulay ng buhok, taas, at lahat ng iba pang bumuo sa ating mga indibidwal na katangian. Tayo ay patuloy na lumalaki ayon sa pagpapasya ng Diyos.

Inilaan ng Elohim ang lahat ng bagay sa Kanyang nilikha upang luwalhatiin Siya, nating lahat. Kasama rito ang panahon ng ating kapanganakan, ang ating pamilya, ang ating lahi, ang ating mga kakayahan, at ang lahat ng iba pa na dahilan sa kung bakit tayo nagiging sa kung sino tayo. Ginawa Niya ang bawat isa sa atin na natatangi, at ang lahat sa kung sino tayo. Nang ginawa tayo ng Diyos, hindi Siya nagkakamali!

Pagbulayan:
1. Papaano ang pagkaalam mo sa Diyos bilang Elohim ay mababago ang tingin mo sa mga pangyayari at sa iyong sarili?

2. Ano ang magiging epekto nito sa pakikisalamuha mo sa mga tao sa paligid mo na alam mong ginawa din ng Diyos?

Panalangin:
Elohim, tulungan Mo po akong makita na ginawa Mo akong natatangi para gawin ang Iyong mga layunin.